Kannur Result LIVE: കണ്ണൂർ ഫലം: കണ്ണൂരിൽ കളംപിടിച്ച് സുധാകരൻ, ഭൂരിപക്ഷം 80000 കടന്നു

Kannur Result LIVE: കണ്ണൂർ ഫലം: ഒന്നര മാസത്തിൽ അധികം നീണ്ട കാത്തിരിപ്പിന് ഒടുവിൽ കണ്ണൂർ മണ്ഡലത്തിന്റെ വിധിയെഴുത്ത് എത്തുമ്പോൾ മൂന്ന് മുന്നണികളും തികഞ്ഞ പ്രതീക്ഷയിലാണ്. തിരഞ്ഞെടുപ്പിന് ശേഷവും കൊണ്ടും കൊടുത്തും തന്നെയാണ് മുന്നണികൾ മുന്നോട്ട് പോയതെന്നതാണ് ശ്രദ്ധേയമായ വസ്‌തുത. എങ്കിലും കണ്ണൂർ മണ്ഡലത്തിൽ തിരഞ്ഞെടുപ്പ് കാലത്ത് കൃത്യമായ രാഷ്ട്രീയം തന്നെയാണ് മുന്നണികൾ പ്രചാരണ ആയുധമായി ഉയർത്തിയത്.

എംവി ജയരാജന്റെ കരുത്തിൽ മണ്ഡലത്തിൽ വിജയം കൊയ്യാമെന്ന മോഹവുമായാണ് ഇടത് മുന്നണി ഇക്കുറി ചെങ്കൊടിയുടെ മണ്ണിൽ തിരഞ്ഞെടുപ്പിന് കളം ഒരുക്കിയത്. പാർട്ടിയുടെ താഴെത്തട്ടിലെ സ്വാധീനം വോട്ടായി മാറ്റാമെന്നാണ് അവരുടെ കണക്ക് കൂട്ടൽ. അതിനാണ് ജില്ലാ സെക്രട്ടറിയെ തന്നെ അവർ രംഗത്തിറക്കിയത്.

മറുവശത്ത് കെപിസിസി അധ്യക്ഷൻ തന്നെ തുടർച്ചയായി വീണ്ടും യുഡിഎഫിന് വേണ്ടി കളത്തിൽ ഇറങ്ങുമ്പോൾ ജയത്തിൽ കുറഞ്ഞതൊന്നും അവരും സ്വപ്‌നം കാണുന്നില്ല എന്നതാണ് യാഥാർത്ഥ്യം. സ്ഥാനാർഥി നിർണയ സമയത്തെ പാളിച്ചകൾ ഒക്കെയും പ്രചരണ സമയത്ത് തിരുത്തിയെന്ന ആത്മ വിശ്വാസത്തിലാണ് യുഡിഎഫ് ക്യാമ്പ്.

എൻഡിഎയും ആത്മവിശ്വാസം കൈവിട്ടിട്ടില്ല. സി രഘുനാഥിന്റെ നേതൃത്വത്തിൽ ശക്തമായ പോരാട്ടം തന്നെയാണ് അവരും നടത്തിയത്. ഇരു മുന്നണികളുടെയും വോട്ട് ബാങ്കുകളിൽ കാര്യമായ വിള്ളൽ ഉണ്ടാക്കാൻ കഴിയുമെന്നാണ് അവർ കരുതുന്നത്. എങ്കിലും അന്തിമ വിധി അറിയാൻ വോട്ടെണ്ണൽ പൂർത്തിയാവുന്നത് വരെ കാത്തിരിക്കേണ്ടി വരും.

കണ്ണൂർ ലോക്‌സഭ മണ്ഡലത്തിലെ തിരഞ്ഞെടുപ്പ് ഫലം വണ്‍ഇന്ത്യ മലയാളത്തോടൊപ്പം തത്സമയം അറിയാം.

English summary

M V Jayarajan Vs K Sudhakaran Who Wins, Total Votes. CPIM vs BJP vs Congress.