ട്രാക്ടര് ഓടിക്കുന്ന കര്ഷകന്, ജോസഫിന് ചിഹ്നമായി, ചങ്ങനാശ്ശേരിയില് കേരളാ കോണ്ഗ്രസിന് ആശ്വാസം!!
കോട്ടയം: ചിഹ്നമില്ലാതെ സ്വതന്ത്രരായി മത്സരിക്കേണ്ടി വരുമോ എന്ന പിജെ ജോസഫിന്റെ ആശങ്ക പരിഹരിക്കപ്പെട്ടു. കേരള കോണ്ഗ്രസിന്റെ പത്ത് സ്ഥാനാര്ത്ഥികള്ക്കും ട്രാക്ടര് ഓടിക്കുന്ന കര്ഷകന് ചിഹ്നമായി അനുവദിച്ച് കിട്ടും. ചങ്ങനാശ്ശേരിയില് ട്രാക്ടര് ചിഹ്നം ആവശ്യപ്പെട്ട് ഇന്ത്യന് ക്രിസ്ത്യന് സെക്കുലര് പാര്ട്ടി സ്ഥാനാര്ത്ഥി ബേബിച്ചന് മുക്കാടന് പത്രിക നല്കിയിരുന്നു. ഇതിലായിരുന്നു പ്രതിസന്ധി. എന്നാല് ഈ പത്രിക സ്വതന്ത്ര വിഭാഗത്തില് പരിഗണിച്ചതോടെ കേരള കോണ്ഗ്രസിന്റെ പ്രതിസന്ധി തീര്ന്നത്. നേരത്തെ ചങ്ങനാശ്ശേരി ഒഴികെ മറ്റ് ഒമ്പത് മണ്ഡലങ്ങളിലും ഈ ചിഹ്നം പാര്ട്ടികളാരും ആവശ്യപ്പെട്ടിരുന്നില്ല.
ചങ്ങനാശ്ശേരിയില് പക്ഷേ സ്ഥിതി മറിച്ചായിരുന്നു. വിജെ ലാലിക്ക് പുറമേ ബേബിച്ചന് മുക്കാടനും കൂടി ട്രാക്ടര് ആവശ്യപ്പെട്ടതോടെ നറുക്കെടുപ്പ് വേണ്ടി വരുമെന്നായിരുന്നു പ്രതീക്ഷിച്ചത്. എന്നാല് ഇന്ത്യന് ക്രിസ്ത്യന് സെക്കുലര് പാര്ട്ടി സ്ഥാനാര്ത്ഥി എന്ന പേരില് ബേബിച്ചന് നല്കിയ പത്രിക വരണാധികാരി തള്ളി. പാര്ട്ടിക്ക് തിരഞ്ഞെടുപ്പ് കമ്മീഷന് അനുമതി ലഭിച്ചതിന്റെ കത്തും സീലും അനുബന്ധ രേഖകളും ഹാജരാക്കിയിരുന്നില്ല. ഇതേ തുടര്ന്നാണ് ബേബിച്ചന്റെ പത്രിക തള്ളിയത്. സ്വതന്ത്ര സ്ഥാനാര്ത്ഥിയായി അദ്ദേഹം സമര്പ്പിച്ച പത്രിക സ്വീകരിച്ചിട്ടുണ്ട്. ഇവിടെ സ്വതന്ത്രനേക്കാള് മുന്തൂക്കം പാര്ട്ടി സ്ഥാനാര്ത്ഥിക്കാണ്.
പിജെ ജോസഫ് വിഭാഗത്തിന് ചങ്ങനാശ്ശേരി സീറ്റ് നല്കിയതില് കോണ്ഗ്രസില് വലിയ പ്രതിഷേധം നടന്നിരുന്നു. തുടര്ന്നാണ് ഡിസിസി അംഗമായിരുന്ന ബേബിച്ചന് മുക്കാടന് കോണ്ഗ്രസ് വിട്ടത്. ഇപ്പോള് സ്വതന്ത്രനായതും പ്രതിഷേധത്തിന്റെ ഭാഗമാണ്. നേരത്തെ കേരള കോണ്ഗ്രസ് സ്ഥാനാര്ത്ഥി ലാലിയുടെ പത്രികയില് നോട്ടറി നമ്പറിന്റെ കുറവ് കണ്ടെത്തിയത് ആശങ്കയയായിരുന്നു. എന്നാല് ഇത് പിന്നീട് സ്വീകരിച്ചു. കേരള കോണ്ഗ്രസെന്ന ലേബലില് തന്നെ ജോസഫ് ഗ്രൂപ്പ് ഇനി അറിയപ്പെടും. പിസി തോമസിന്റെ പാര്ട്ടിയില് ലയിച്ചത് കൊണ്ടാണിത്. ഇവര്ക്ക് തിരഞ്ഞെടുപ്പ് കമ്മീഷന് അംഗീകരിച്ച പൊതു ചിഹ്നം ഇല്ല. അതുകൊണ്ടാണ് പുതിയ ചിഹ്നത്തിനായി ശ്രമിച്ചത്.
തമിഴ്നടി വാണി ഭോജന്റെ ഏറ്റവും പുതിയ ചിത്രങ്ങള്
ചിഹ്നത്തെ കുറിച്ചുള്ള വിവരങ്ങള് പുറത്തുപോയാല് സ്ഥാനാര്ത്ഥികള് അതാവശ്യപ്പെട്ട് തര്ക്കമുണ്ടാവുമെന്ന ഭയം ജോസഫിനുണ്ടായിരുന്നു. അതുകൊണ്ട് വളരെ രഹസ്യമായിട്ടാണ് കാര്യങ്ങള് നടന്നത്. സ്ഥാനാര്ത്ഥികളെ പോലും ചിഹ്നം ഏതെന്ന് അറിയിച്ചത് വൈകിയിട്ടായിരുന്നു. അതേസമയം ലയനം കൊണ്ട് പുത്തനുണര്വ് ലഭിച്ചെന്നും, കേരള കോണ്ഗ്രസ് സ്ഥാനാര്ത്ഥികള് പത്ത് സീറ്റിലും ജയിക്കുമെന്നും ജോസഫ് പറഞ്ഞു. ജോസ് കെ മാണി വിഭാഗം ഉറപ്പായി ജയിക്കുന്ന ഒരു സീറ്റുപോലും ഇല്ല. തിരഞ്ഞെടുപ്പ് കഴിയുമ്പോള് ഒരു കേരള കോണ്ഗ്രസേ ഉണ്ടാവൂ. ജോസിന് ഒരു സഭയുടെയും പിന്തുണയില്ലെന്നും ജോസഫ് വ്യക്തമാക്കി.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google