സംസ്ഥാനത്ത് ഇന്ന് 2190 പേര്ക്ക് കോവിഡ്; 3 മരണം.. രോഗമുക്തി നേടിയവര് 3878
തിരുവനന്തപുരം: കേരളത്തില് കൊവിഡ് കേസുകൾ വീണ്ടും കുറഞ്ഞു. ഇന്ന് 2190 പേര്ക്കാണ് കോവിഡ്-19 സ്ഥിരീകരിച്ചത്. അതേസമയം ടി പി ആറിൽ നേരിയ വർധനയാണ് ഇന്ന് റിപ്പോർട്ട് ചെയ്തത്. 6.73 ശതമാനമാണ് ടി പി ആപ്. എറണാകുളത്താണ് രോഗികൾ കൂടുതൽ. 405 പേർക്കാണ് രോഗം സ്ഥിരീകരിച്ചത്. തിരുവനന്തപുരം 366, കോട്ടയം 209, കോഴിക്കോട് 166, തൃശൂര് 166, കൊല്ലം 165, ഇടുക്കി 125, പത്തനംതിട്ട 118, മലപ്പുറം 109, കണ്ണൂര് 94, ആലപ്പുഴ 87, പാലക്കാട് 87, വയനാട് 77, കാസര്ഗോഡ് 16 എന്നിങ്ങനേയാണ് മറ്റ് ജില്ലകളിൽ രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 32,497 സാമ്പിളുകളാണ് പരിശോധിച്ചത്.
സംസ്ഥാനത്തെ വിവിധ ജില്ലകളിലായി 80,152 പേരാണ് ഇപ്പോള് നിരീക്ഷണത്തിലുള്ളത്. ഇവരില് 78,730 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1422 പേര് ആശുപത്രികളിലും നിരീക്ഷണത്തിലാണ്. 214 പേരെയാണ് പുതുതായി ആശുപത്രിയില് പ്രവേശിപ്പിച്ചത്. നിലവില് 17,105 കോവിഡ് കേസുകളില്, 8.8 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ 24 മണിക്കൂറിനിടെ 3 മരണങ്ങളാണ് കോവിഡ്-19 മൂലമാണെന്ന് സ്ഥിരീകരിച്ചത്. ഇതുകൂടാതെ മുന് ദിവസങ്ങളില് മരണപ്പെടുകയും എന്നാല് രേഖകള് വൈകി ലഭിച്ചത് കൊണ്ടുള്ള 72 മരണങ്ങളും സുപ്രീം കോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 179 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്ത് കൊവിഡ് ബാധിച്ച് ജീവഹാനി സംഭവിച്ചവരുടെ ആകെ എണ്ണം 66,012 ആയി.
ഇന്ന് രോഗം സ്ഥിരീകരിച്ചവരില് 9 പേര് സംസ്ഥാനത്തിന് പുറത്ത് നിന്നും വന്നവരാണ്. 2041 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 120 പേരുടെ സമ്പര്ക്ക ഉറവിടം വ്യക്തമല്ല. 20 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 3878 പേര് രോഗമുക്തി നേടി. തിരുവനന്തപുരം 633, കൊല്ലം 197, പത്തനംതിട്ട 203, ആലപ്പുഴ 211, കോട്ടയം 434, ഇടുക്കി 270, എറണാകുളം 632, തൃശൂര് 249, പാലക്കാട് 193, മലപ്പുറം 261, കോഴിക്കോട് 260, വയനാട് 134, കണ്ണൂര് 153, കാസര്ഗോഡ് 48 എന്നിങ്ങനേയാണ് രോഗ മുക്തി നേടിയവരുടെ കണക്കുകൾ ഇതോടെ 17,105 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 64,24,920 പേര് ഇതുവരെ കോവിഡില് നിന്നും മുക്തി നേടി.
കോവിഡ് 19 വിശകലന റിപ്പോര്ട്ട്
· വാക്സിനേഷന് എടുക്കേണ്ട ജനസംഖ്യയുടെ 100 ശതമാനം പേര്ക്ക് ഒരു ഡോസ് വാക്സിനും (2,69,06,727), 86 ശതമാനം പേര്ക്ക് രണ്ട് ഡോസ് വാക്സിനും (2,30,93,268) നല്കി.
· 15 മുതല് 17 വയസുവരെയുള്ള 77 ശതമാനം (11,78,075) കുട്ടികള്ക്ക് ആദ്യ ഡോസ് വാക്സിനും 36 ശതമാനം (5,53,489) പേര്ക്ക് രണ്ട് ഡോസ് വാക്സിനും നല്കി.
· ഇന്ത്യയില് ഏറ്റവും കൂടുതല് വാക്സിനേഷന്/ ദശലക്ഷം ഉള്ള സംസ്ഥാനം കേരളമാണ് (14,75,662)
· ഫെബ്രുവരി 25 മുതല് മാര്ച്ച് 3 വരെയുള്ള കാലയളവില്, ശരാശരി 61,210 കേസുകള് ചികിത്സയിലുണ്ടായിരുന്നതില് 1.7 ശതമാനം പേര്ക്ക് മാത്രമാണ് ഓക്സിജന് കിടക്കകളും 1.3 ശതമാനം പേര്ക്ക് മാത്രമാണ് ഐ സി യുവും ആവശ്യമായി വന്നതെന്ന് സർക്കാർ പത്ര കുറിപ്പിൽ അറിയിച്ചു.
'അനുശ്രീ മുത്താണ്'......പേൾ അഴകിൽ നടിയുടെ എലഗന്റ് ഫോട്ടോസ്.. വൈറൽ
Click it and Unblock the Notifications
Sign in with Google