കേരളത്തിന് വീണ്ടും അഭിമാനനേട്ടം: ആരോഗ്യ രംഗത്തെ മികവിനെ തേടി രണ്ട് ദേശീയ പുരസ്കാരം
തിരുവനന്തപുരം: കേരളത്തിന് വീണ്ടും അഭിമാന നേട്ടം. സംസ്ഥാനത്തെ ആരോഗ്യ രംഗത്തെ മികവിന് ദേശീയ തലത്തില് രണ്ട് പുരസ്കാരം ലഭിച്ചതായി ആരോഗ്യ മന്ത്രി വീണ ജോര്ജ് അറിയിച്ചു. ലോക രോഗി സുരക്ഷാ ദിനത്തിന്റെ ഭാഗമായി നടന്ന ചടങ്ങില് കേന്ദ്ര ആരോഗ്യമന്ത്രി മന്സുഖ് മാണ്ഡവ്യയാണ് ഇക്കാര്യം പ്രഖ്യാപിച്ചത്.
ദേശീയ തലത്തില് നാഷണല് ക്വാളിറ്റി അഷ്വറന്സ് സ്റ്റാന്ഡേര്ഡ് അംഗീകാരം ഏറ്റവും കൂടുതല് കരസ്ഥമാക്കിയ സംസ്ഥാനങ്ങളിലാണ് കേരളത്തിന് രണ്ട് ദേശീയ അവാര്ഡുകള് ലഭിച്ചത്. കൊവിഡ് കാലത്ത് സംസ്ഥാനത്ത് നടത്തുന്ന വികസന പ്രവര്ത്തനങ്ങള്ക്കുള്ള അംഗീകാരമാണ് ഈ പുരസ്കാരമെന്ന് ആരോഗ്യമന്ത്രി വീണ ജോര്ജ് പ്രസ്താവനയിലൂടെ അറിയിച്ചു.
ദേശീയ തലത്തില് നാഷണല് എന്ക്യുഎഎസ് അംഗീകാരം ലഭിച്ച നഗര പ്രാഥമിക ആരോഗ്യ കേന്ദ്ര വിഭാഗത്തില് കേരളം ഒന്നാം സ്ഥാനത്തും പ്രാഥമിക ആരോഗ്യ കേന്ദ്ര വിഭാഗത്തില് റണ്ണര് അപ്പായും തെരഞ്ഞെടുക്കപ്പെട്ടിട്ടുണ്ട്. 93 നഗര പ്രാഥമിക ആരോഗ്യ കേന്ദ്രമുള്ളതില് ഇതുവരെ 33 നഗര പ്രാഥമിക ആരോഗ്യ കേന്ദ്രത്തിനും 849 പ്രാഥമിക ആരോഗ്യ കേന്ദ്രമുള്ളതില് ഇതുവരെ 78 പ്രാഥമിക ആരോഗ്യ കേന്ദ്രത്തിനുമാണ് എന്ക്യുഎഎസ് അംഗീകാരം ലഭിച്ചത്.
കേരളത്തിലെ 125 സര്ക്കാര് ആശുപത്രിക്കള്ക്കാണ് ഇതുവരെ നാഷണല് എന്ക്യുഎഎസ് അംഗീകാരം ലഭിച്ചത്. അതില് 3 ജില്ലാ ആശുപത്രികള്, 4 താലൂക്ക് ആശുപത്രികള്, 7 സാമൂഹികാരോഗ്യ കേന്ദ്രങ്ങള്, 78 കുടുംബാരോഗ്യ കേന്ദ്രങ്ങള്, 33 നഗര പ്രാഥമിക ആരോഗ്യ കേന്ദ്രങ്ങള് എന്നിങ്ങനെയാണ് എന്ക്യുഎഎസ് നേടിയിട്ടുള്ളത്. 6 സര്ക്കാര് ആശുപത്രികള് എന്ക്യുഎഎസ് അക്രഡിറ്റേഷന് വേണ്ടിയിട്ടുള്ള ദേശീയതല പരിശോധന കഴിഞ്ഞു ഫലം കാത്തിരിക്കുകയാണ്. ഇത് കൂടാതെ 6 ആശുപത്രികള് ദേശീയ തല പരിശോധനക്കായുള്ള അപേക്ഷ നല്കി പരിശോധന നടപടികള് കാത്തിരിക്കുകയാണെന്നും മന്ത്രി വ്യക്തമാക്കി.
മഞ്ഞും മലയും താണ്ടി പ്രണവിനൊപ്പം യാത്ര; ചിത്രങ്ങള് പങ്കുവച്ച് വിസ്മയ മോഹന്ലാല്
അതേസമയം, കേരളത്തിലെ ആരോഗ്യ വകുപ്പിന് കേന്ദ്ര സര്ക്കാരിന്റെ പുരസ്കാരങ്ങള് നേരത്തെയും തേടിയെത്തിയിരുന്നു. ലോക ബാങ്കിന്റെ സഹകരണത്തോടെ നീതി ആയോഗ് നടത്തിയ പഠനത്തില് കേരളം ഒന്നാമതെത്തിയിരുന്നു. നിതി അയോഗ് റിപ്പോര്ട്ട് പ്രകാരം 76.55 മുതല് 80.00 സ്കേര് നേടിയാണ് കേരളം ഈ നേട്ടം കൈവരിച്ചത്.
ഇതിനിടെ, സര്ക്കാരിന്റെ 100 ദിന കര്മ്മ പദ്ധതിയുടെ ഭാഗമായി സംസ്ഥാന ആരോഗ്യ വകുപ്പിന് കീഴില് വരുന്ന 158 ആരോഗ്യ സ്ഥാപനങ്ങളിലെ 16.69 കോടി രൂപയുടെ പദ്ധതികളുടെ ഉദ്ഘാടനം ആരോഗ്യമന്ത്രി ഇന്ന് നിര്വഹിച്ചിരുന്നു. സബ് സെന്റര് മുതല് മെഡിക്കല് കോളേജുകള് വരെയുള്ള എല്ലാ മേഖലകളിലും വലിയ മാറ്റങ്ങള് ഉണ്ടാക്കാന് ഈ കുറഞ്ഞ കാലത്തിനുള്ളില് കഴിഞ്ഞിട്ടുണ്ടെന്ന് ആരോഗ്യമന്ത്രി അറിയിച്ചിരുന്നു.
Click it and Unblock the Notifications
Sign in with Google