മഴ: ബംഗാള് ഉള്ക്കടലില് ന്യൂനമര്ദ്ദത്തിന് സാധ്യത; ശക്തമായ മഴ, അതീവ ജാഗ്രതാ നിര്ദ്ദേശം
തിരുവനന്തപുരം : മധ്യ പടിഞ്ഞാറന് ബംഗാള് ഉള്ക്കടലില് ഓഗസ്സ്റ് 7 യോടെ ന്യൂനമര്ദ്ദം രൂപപ്പെടാന് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ് . വടക്കന് കേരള തീരം മുതല് തെക്കന് ഗുജറാത്ത് തീരം വരെ നിലനില്ക്കുന്ന ന്യുനമര്ദ്ദ പാത്തിയുടെയും, ഷീയര് സോനിന്റെയും അറബികടലില് പടിഞ്ഞാറന് കാറ്റ് ശക്തമാകുന്നതിന്റെ സ്വാധീന ഫലമായി കേരളത്തില് ഓഗസ്റ്റ് 4 മുതല് 8 വരെ ശക്തമായ മഴക്കും ഓഗസ്റ്റ് 5 നു ഒറ്റപ്പെട്ട അതി ശക്തമായ മഴക്കും സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നത്.
സംസ്ഥാനത്ത് അതിശക്തമായ മഴ തുടരുന്ന സാഹചര്യമാണ് നിലവിലുള്ളത്. എട്ട് ജില്ലകളിലാണ് റെഡ് അലര്ട്ട് പ്രഖ്യാപിച്ചത്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി , തൃശൂര് , പാലക്കാട്, കണ്ണൂര് എന്നീ ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്. മലപ്പുറം , കോഴിക്കോട് , വയനാട്, കാസര്കോട്, കൊല്ലം എന്നീ ജില്ലകളില് ഓറഞ്ച് അലര്ട്ടും തിരുവനന്തപുരം ജില്ലയില് യെല്ലോ അലര്ട്ടുമാണ് .
ഇനി അവധിക്കാലം അമേരിക്കയിൽ: അടിപൊളി ചിത്രങ്ങളുമായി പൂജ ഹെഗ്ഡെ
മത്സ്യത്തൊഴിലാളി ജാഗ്രതാ നിര്ദ്ദേശം
കേരള-ലക്ഷദ്വീപ് തീരങ്ങളില് ഇന്ന് 04-08-2022 നും കര്ണാടക തീരങ്ങളില് 04-08-2022 മുതല് 05 - 08 - 2022 വരെയും മത്സ്യബന്ധനത്തിന് പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള-ലക്ഷദ്വീപ് തീരങ്ങളില് 04-08-2022 തീയതിയിലും കര്ണാടക തീരങ്ങളില് 04-08- 2022 മുതല് 05-08-2022 വരെയും മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വരെയും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
പ്രത്യേക ജാഗ്രത നിര്ദ്ദേശങ്ങള്
04 - 08 - 2022 & 05- 08- 2022 : കന്യാകുമാരി തീരം, ഗള്ഫ് ഓഫ് മാന്നാര്, തമിഴ്നാട് തീരം, ശ്രീലങ്കന് തീരം, തെക്ക് പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള മധ്യ- പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത, കൂടാതെ കേരള - കര്ണാടക തീരം, അതിനോട് ചേര്ന്ന മധ്യകിഴക്കന് തെക്കു കിഴക്കന് അറബിക്കടല് , തെക്കന് ആന്ധ്രാതീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത
മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതിയില് മല്സ്യബന്ധനത്തിന് പോകാന് പാടുള്ളതല്ല.
മുന്നറിയിപ്പുള്ള സമുദ്രമേഖലകളുടെ വ്യക്തതക്കായി ഇതിനോടൊപ്പം നല്കിയിരിക്കുന്ന ഭൂപടം പരിശോധിക്കുക.
ഉയര്ന്ന തിരമാല ജാഗ്രത നിര്ദ്ദേശം
കേരള തീരത്ത് (വിഴിഞ്ഞം മുതല് കാസര്ഗോഡ് വരെ) 05 -08-2022 രാത്രി 11.30 വരെ 3.0 മുതല് 3.6 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. മല്സ്യത്തൊഴിലാളികളും തീരദേശവാസികളും ജാഗ്രത തുടരുക.
1. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
2. മല്സ്യബന്ധന യാനങ്ങള് ( ബോട്ട് , വള്ളം , മുതലായവ ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
3. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.
Click it and Unblock the Notifications
Sign in with Google