Kerala Rain Live Updates: തിങ്കളാഴ്ച 2 ജില്ലകളിൽ മുന്നറിയിപ്പ്; ഒറ്റപ്പെട്ട ശക്തമായ മഴയ്ക്ക് സാധ്യത
പാലക്കാട് ചിറ്റൂർ പുഴയുടെ നടുവിൽ കുട്ടികൾ കുടുങ്ങി
പാലക്കാട് ചിറ്റൂർ പുഴയുടെ നടുവിൽ മൂന്ന് കുട്ടികൾ കുടുങ്ങി. ഒരാളെ രക്ഷപ്പെടുത്തി, രണ്ട് പേർ ഇപ്പോഴും ഇവിടെ കുടുങ്ങി കിടക്കുന്നു, അഗ്നിശമനാ സേനയും പോലീസും സ്ഥലത്തെത്തിയിട്ടുണ്ട്. കുട്ടികളെ കരയ്ക്ക് കയറ്റാനുള്ള ശ്രമങ്ങൾ നടന്നു കൊണ്ടിരിക്കുകയാണ്.
നിപ ബാധയെന്ന സംശയം; ആരോഗ്യമന്ത്രി മലപ്പുറത്തേക്ക്
മലപ്പുറത്ത് നിപ വൈറസ് സംശയിക്കുന്ന സാഹചര്യത്തില് ആരോഗ്യമന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു. ചികിത്സയിൽ കഴിയുന്ന പതിനാലു വയസുകാരന്റെ അന്തിമ ഫലത്തിനായി കാത്തിരിക്കുകയാണ് ഇപ്പോൾ. നിപ പ്രോട്ടോകോള് പ്രകാരമുള്ള നടപടികള് രാവിലെ തന്നെ ആരംഭിച്ചിരുന്നു
അർജുന്റെ ലോറി കണ്ടെത്താനുള്ള തിരച്ചിൽ പുരോഗമിക്കുന്നു
ഷിരൂരിലെ മണ്ണിടിച്ചിലിൽ കാണാതായ അർജുന്റെ ലോറി കണ്ടെത്താനുള്ള തിരച്ചിൽ പുരോഗമിക്കുന്നു. നേരത്തെ റഡാർ പരിശോധനയിൽ സിഗ്നലുകൾ കണ്ടെത്തിയെങ്കിലും അത് ലോറിയുടേതാണെന്ന് സ്ഥിരീകരിക്കാൻ കഴിഞ്ഞില്ല. ഇതോടെ റഡാർ പരിശോധന ഇപ്പോഴും തുടരുകയാണ്.
READ MORE
തിരുവനന്തപുരം: സംസ്ഥാനത്ത് അതിതീവ്ര മഴ തുടരും. അടുത്ത അഞ്ച് ദിവസം വ്യാപകമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്. വിവിധ ജില്ലകളിൽ റെഡ് അലർട്ട് ഉൾപ്പെടെയുള്ള മഴ മുന്നറിയിപ്പാണ് നൽകിയിരിക്കുന്നത്. തെക്കൻ കേരളത്തിൽ മഴ കനക്കുമെന്ന് മുന്നറിയിപ്പ് ഉണ്ട്.
കേരള തീരത്ത് ബുധനാഴ്ച രാത്രി 11.30 വരെ 2.0 മുതൽ 3.6 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. കേരള - കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു
Click it and Unblock the Notifications
Sign in with Google