ബംഗാള് ഉള്കടലില് ശക്തികൂടിയ ന്യൂനമര്ദം: അഞ്ച് ദിവസം ശക്തമായ മഴയ്ക്ക് സാധ്യത, ജാഗ്രതാ നിര്ദ്ദേശം
തിരുവനന്തപുരം: കേരളത്തില് ഇന്ന് (ആഗസ്റ്റ് 7) മുതല് ആഗസ്റ്റ് 11 വരെ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വടക്ക് പടിഞ്ഞാറന് ബംഗാള് ഉള്കടലില് ഒഡിഷ - പശ്ചിമ ബംഗാള് തീരത്തിനു മുകളിലായി രൂപപ്പെട്ട ന്യൂനമര്ദ്ദം ഒഡിഷ - വടക്കന് ആന്ധ്രാപ്രദേശ് തീരത്തിന് സമീപം ശക്തികൂടിയ ന്യൂനമര്ദ്ദമായി മാറിയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
അടുത്ത 48 മണിക്കൂറിനുള്ളില് പടിഞ്ഞാറു - വടക്കു പടിഞ്ഞാറു ദിശയില് ഒഡിഷ - ഛത്തിസ്ഗര് മേഖലയിലുടെ സഞ്ചരിച്ചു വീണ്ടും ശക്തി പ്രാപിച്ചു തീവ്ര ന്യൂനമര്ദ്ദമാകാന് സാധ്യതയുണ്ട്. തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ ന്യുന മര്ദ്ദ പാത്തി രൂപപ്പെട്ടിരിക്കുന്നു. മധ്യ കിഴക്കന് അറബിക്കടലില് ചക്രവാത ചുഴി നിലനില്ക്കുന്നു. ഇതിന്റെ സ്വാധീനത്താല്, കേരളത്തില് ഇന്ന് മുതല് ആഗസ്റ്റ് 11 വരെ ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്.
മത്സ്യത്തൊഴിലാളി ജാഗ്രതാ നിര്ദ്ദേശം
കേരള - ലക്ഷദ്വീപ് തീരങ്ങളില് 07-08-2022 മുതല് 10-08-2022 വരെയും, കര്ണാടക തീരങ്ങളില് 07-08-2022 മുതല് 11-08-2022 വരെയും മത്സ്യബന്ധനത്തിന് പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള - ലക്ഷദ്വീപ് തീരങ്ങളില് 07-08-2022 മുതല് 10-08-2022 വരെയും, കര്ണാടക തീരങ്ങളില് 07-08-2022 മുതല് 11-08-2022 വരെയും മണിക്കൂറില് 45 മുതല് 55 കിലോമീറ്റര് വേഗതയിലും, ചില അവസരങ്ങളില് 65 കിലോമീറ്റര് വേഗതയിലും ശക്തമായ കാറ്റിനും സാധ്യത.
പ്രത്യേക ജാഗ്രത നിര്ദ്ദേശങ്ങള്
07-08-2022 മുതല് 09-08-2022 വരെ: കന്യാകുമാരി തീരം, ഗള്ഫ് ഓഫ് മാന്നാര്, അതിനോട് ചേര്ന്നുള്ള തമിഴ്നാട് തീരം, തെക്ക്-പടിഞ്ഞാറ് ബംഗാള് ഉള്ക്കടല് അതിനോട് ചേര്ന്നുള്ള ശ്രീലങ്കന് തീരം,ആന്ധ്രാ തീരത്തും അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടലിലും, മധ്യകിഴക്കന് അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും, ചില അവസരങ്ങളില് മണിക്കൂറില് 65 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ആളെ മനസിലായോ; എജ്ജാതി മേക്കോവർ..ഇന്ദു ചിത്രങ്ങൾ ഒരു രക്ഷയുമില്ല
10-08-2022 & 11082022 : കേരള - കര്ണാടക തീരത്തും, അതിനോട് ചേര്ന്നുള്ള മധ്യ-കിഴക്കന് അറബിക്കടലിലും, ലക്ഷദ്വീപ് തീരത്തും, അതിനോട് ചേര്ന്നുള്ള തെക്ക് - കിഴക്കന് അറബിക്കടലിലും, ആന്ധ്രാ തീരത്തും, അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടലിലും മണിക്കൂറില് 45 മുതല് 55 കിലോമീറ്റര് വേഗതയില്, ചില അവസരങ്ങളില് മണിക്കൂറില് 65 കിലോമീറ്റര് വേഗതയിലും ശക്തമായ കാറ്റിന് സാധ്യത. മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതിയില് മല്സ്യബന്ധനത്തിന് പോകാന് പാടുള്ളതല്ല.
ഉയര്ന്ന തിരമാല ജാഗ്രത നിര്ദ്ദേശം
കേരള തീരത്ത് (വിഴിഞ്ഞം മുതല് കാസര്ഗോഡ് വരെ) 08-08-2022 രാത്രി 11.30 വരെ 3.5 മുതല് 3.7 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. മല്സ്യത്തൊഴിലാളികളും തീരദേശവാസികളും ജാഗ്രത തുടരുക.
1. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
2. മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
3. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി
Click it and Unblock the Notifications
Sign in with Google