ഇന്ന് മഴ കനക്കും, ജാഗ്രത വേണം; മൂന്ന് ജില്ലകളില് യെല്ലോ അലര്ട്ട്
തിരുവനന്തപുരം: കാലവര്ഷത്തോട് അനുബന്ധിച്ച് സംസ്ഥാനത്ത് ഇന്നും മഴയ്ക്ക് സാധ്യത. കേന്ദ്ര കാലാവസ്ഥ വകുപ്പിന്റെ അറിയിപ്പ് പ്രകാരം ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചിരിക്കുകയാണ്. ഇടുക്കി, മലപ്പുറം, വയനാട് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്. നാളെയും (ഞായറാഴ്ച )ഇതേ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഒറ്റപ്പെട്ട ശക്തമായ മഴയ്ക്കുള്ള സാധ്യത എന്നാണ് കേന്ദ്ര കാലാവസ്ഥ വകുപ്പ് പ്രവചിച്ചിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്ന് വിശേഷിപ്പിക്കുന്നത്. അറബികടലില് നിന്ന് കേരള തീരത്തേക്ക് കാലവര്ഷ കാറ്റ് വീശുന്നുണ്ട്. ഇതിന്റെ സ്വാധീന ഫലമായാണ് അടുത്ത ദിവസങ്ങളില് കേരളത്തില് മഴ സാധ്യത എന്നാണ് വെള്ളിയാഴ്ച കാലാവസ്ഥ വകുപ്പ് അറിയിച്ചത്.
അടുത്ത 5 ദിവസം കേരളത്തില് ഇടി മിന്നലോടു കൂടിയ വ്യാപകമായ മഴക്ക് സാധ്യത ഉണ്ടെന്നാണ് മുന്നറിയിപ്പ്. ശനി, ഞായര് എന്നീ ദിവസങ്ങളില് ഒറ്റപ്പെട്ട ശക്തമായ മഴക്കും സാധ്യതയുണ്ട് എന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. പത്തനംതിട്ട, കോട്ടയം, എറണാകുളം, കണ്ണൂര്, കോഴിക്കോട്, കാസര്കോട് എന്നീ ജില്ലകളില് മഴയ്ക്ക് സാധ്യതയുണ്ട്. ഈ ജില്ലകളില് ഒറ്റപ്പെട്ടയിടങ്ങളില് ഇടിയോട് കൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യത ഉണ്ട് എന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ജൂണ് 6 വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് പറയുന്നത്. അതേസമയം ജൂണ് 9 വരെ തെക്കന് കേരളത്തില് മഴ കനക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് ഈ കാലയളവില് സാധാരണ ലഭിക്കുന്ന മഴയെക്കാള് കൂടുതല് ലഭിക്കാനാണ് സാധ്യത.
എന്നാ ക്യൂട്ടാടാ ഈ കൊച്ച്..; ഐമയുടെ പുതിയ ചിത്രം കണ്ടോ? കിടിലനെന്ന് ആരാധകര്
എന്നാല് മറ്റുള്ള ജില്ലകളില് ആദ്യ സാധാരണയെക്കാള് കുറവ് മഴ ലഭിക്കാനാണ് സാധ്യത എന്നും കേന്ദ്ര കാലാവസ്ഥാ വകുപ്പ് അറിയിച്ചു. രണ്ടാമത്തെ ആഴ്ചയില് ( ജൂണ് 10-16) എല്ലാ ജില്ലകളിലും സാധാരണ ഈ കാലയളവില് ലഭിക്കുന്ന മഴയെക്കാള് കുറവ് മഴ ലഭിക്കാനാണ് സാധ്യതയെന്നും കേന്ദ്ര കാലാവസ്ഥ വകുപ്പ് പ്രവചിച്ചു.
Click it and Unblock the Notifications
Sign in with Google