'സിപിഎം രക്തസാക്ഷിയെ ഉണ്ടാക്കുമെന്ന് ഉറപ്പായിരുന്നു', ഞങ്ങളും അപലപിക്കുന്നു': കെ സുധാകരൻ

പാലക്കാട് മരുതറോഡിൽ സിപിഐഎം ലോക്കൽ കമ്മറ്റിയംഗം ഷാജഹാന്റെ കൊലപാതകത്തിൽ മുഖ്യമന്ത്രി പിണറായി വിജയനെ പോലെ തന്നെ കോൺഗ്രസും ശക്തമായി അപലപിക്കുന്നുവെന്ന് കെപിസിസി പ്രസിഡന്റ് കെ സുധാകരൻ. അഴിമതി ആരോപണങ്ങളിൽ നിന്ന് രക്ഷനേടാൻ ഒരു രക്തസാക്ഷിയെ സിപിഎം ഉണ്ടാക്കുമെന്ന് ഞങ്ങൾക്കുറപ്പായിരുന്നു.അവരുടെ നിർഭാഗ്യത്തിന് സിപിഎം പ്രവർത്തകർ തന്നെയാണ് കൊലയ്ക്ക് പിന്നിലെന്ന് പറയാൻ ഇത്തവണ അവിടെയൊരു ദൃക്സാക്ഷി ഉണ്ടായിപ്പോയി.

ഈ കൊലപാകത്തിൽ കോൺഗ്രസ്‌ ആർഎസ്എസിനെതിരെ മിണ്ടുന്നില്ല എന്നാണ് സിപിഐഎമ്മിന്റെ പരാതി. ആർഎസ്എസാണ് ഈ കൊല ചെയ്തതെങ്കിൽ അത് പറയേണ്ടത് സിപിഐഎം ആണ്. കൊലപാതകത്തിനെ തുടർന്ന് സിപിഐഎം പ്രസിദ്ധീകരിച്ച ഫേസ്ബുക്ക് പോസ്റ്റിൽ പോലും ആർഎസ്എസിന്റെ പേര് പറയാൻ ഭയന്നതെന്തുകൊണ്ടാണെന്നും ഫേസ്ബുക്ക് കുറിപ്പിലൂടെ സുധാകരൻ ചോദിച്ചു.

ആ പ്രവർത്തകന് വധഭീഷണിയുള്ള കാര്യം നേരത്തേ പോലീസിനെ അറിയിച്ചിരുന്നുവത്രേ.'സിപിഐഎം പ്രവർത്തകൻ കൊല്ലപ്പെട്ടത് ആഭ്യന്തര വകുപ്പിൻ്റെ വീഴ്ചയുടെ ഒടുവിലത്തെ ഉദാഹരണമാണ്'.മുഖ്യമന്ത്രിയെ പോലെ ഞങ്ങളും അപലപിക്കുന്നു. സുധാകരൻ പറഞ്ഞു. കൊലപാതകത്തിൽ ബിജെപിക്ക് പങ്കില്ലെന്ന സുധാകരന്റെ പ്രതികരണം കടുത്ത വിമർശനങ്ങൾക്ക് വഴിവെച്ചതിന് പിന്നാലെയാണ് അടുത്ത പ്രതികരണം.

കുറിപ്പിന്റെ പൂർണ്ണ രൂപം:

'പാലക്കാട് സിപിഎം പ്രവർത്തകൻ കൊല്ലപ്പെട്ടത് ആഭ്യന്തര വകുപ്പിൻ്റെ വീഴ്ചയുടെ ഒടുവിലത്തെ ഉദാഹരണമാണ്. ആ പ്രവർത്തകന് വധഭീഷണിയുള്ള കാര്യം നേരത്തേ പോലീസിനെ അറിയിച്ചിരുന്നുവത്രേ. അഴിമതി ആരോപണങ്ങളിൽ നിന്ന് രക്ഷനേടാൻ ഒരു രക്തസാക്ഷിയെ സിപിഎം ഉണ്ടാക്കുമെന്ന് ഞങ്ങൾക്കുറപ്പായിരുന്നു. അവരുടെ നിർഭാഗ്യത്തിന് സിപിഎം പ്രവർത്തകർ തന്നെയാണ് കൊലയ്ക്ക് പിന്നിലെന്ന് പറയാൻ ഇത്തവണ അവിടെയൊരു ദൃക്സാക്ഷി ഉണ്ടായിപ്പോയി.

ഈ കൊലപാകത്തിൽ കോൺഗ്രസ്‌ ആര്‍എസ്എസിനെതിരെ മിണ്ടുന്നില്ല എന്നാണ് സിപിഎമ്മിന്റെ പരാതി. അവരാണ് ഈ കൊല ചെയ്തതെങ്കിൽ അത് പറയേണ്ടത് സിപിഎം ആണ്, സിപിഎമ്മിൻ്റെ നേതാക്കളാണ്. കൊലപാതകത്തിനെ തുടർന്ന് സിപിഎം പ്രസിദ്ധീകരിച്ച ഫേസ്ബുക്ക് പോസ്റ്റിൽ പോലും ആര്‍എസ്എസ് ൻ്റെ പേര് പറയാൻ ഭയന്നതെന്തുകൊണ്ടാണ്? ആഭ്യന്തര വകുപ്പ് ഭരിക്കുന്നുവെന്ന് "ഔദ്യോഗികമായി കരുതപ്പെടുന്ന " പിണറായി വിജയൻ പോലും കൊലയാളികളുടെ രാഷ്ട്രീയം പറയാൻ ഭയക്കുന്നു.

ഈ കൊലപാതകം ആര്‍എസ്എസ് ആണ് ചെയ്തതെങ്കിൽ എവിടൊക്കെ സിപിഎം പ്രതിഷേധ പ്രകടനം നടത്തി? എത്ര ആർഎസ്എസ് കാര്യാലയങ്ങൾ സിപിഎം തകർത്തു? പൊതുവേ കോൺഗ്രസിനെതിരെ അതാണല്ലോ സിപി എമ്മിൻ്റെ രീതി. ഈ കൊലപാതകം ആർഎസ്എസ് ആണ് നടത്തിയതെങ്കിൽ പോലും പ്രതികളെ പിണറായി നിഷ്പ്രയാസം രക്ഷിക്കുമെന്ന് ഞങ്ങൾക്കുറപ്പാണ്. പാലക്കാട്ടെ കൊലപാതകത്തെ പിണറായി വിജയനെ പോലെതന്നെ ഞങ്ങളും ശക്തമായി അപലപിക്കുന്നു.അദ്ദേഹത്തിൻ്റെ ഗുരുതര അഴിമതികൾ ജനം ചർച്ച ചെയ്യുന്നത് തടയാനാണ് എകെജി സെൻ്റർ ആക്രമണവും ഈ കൊലപാതകവും ഒക്കെ ആസൂത്രണം ചെയ്തതെങ്കിൽ അതൊന്നും വിലപ്പോവില്ലെന്ന് മാത്രം ഓർമിപ്പിക്കുന്നു''.

English summary

kpcc president k sudhakaran new facebook post on palakkad cpm worker shajahan murder syas cpm behind the case