കെഎസ്ആർടിസിക്ക് 121 കോടി അനുവദിച്ച് ധനവകുപ്പ്; ജീവനക്കാരുടെ ശമ്പള വിതരണത്തിന് 50 കോടി
തിരുവനന്തപുരം: കെഎസ്ആർടിസിക്ക് 121 കോടി അനുവദിച്ച് ധനവകുപ്പ്. ജീവനക്കാരുടെ ശമ്പളത്തിന് 50 കോടിയും പെൻഷൻ നൽകിയ വകയിൽ സഹകരണ ബാങ്കുകളുടെ കൺസോർഷ്യത്തിന് 71കോടിയും ഉൾപ്പെടെ ആണ് 121കോടി രൂപ അനുവദിച്ചിരിക്കുന്നത്.
വിരമിച്ചവർക്കുള്ള ആനുകൂല്യങ്ങൾ വിതരണം ചെയ്യാൻ രണ്ട് വർഷത്തെ സാവകാശം വേണം എന്ന് കെഎസ്ആർടിസി ആവശ്യപ്പെട്ടു. 83.1 കോടി രൂപയാണ് ആനുകൂല്യങ്ങൾ വിതരണം ചെയ്യാൻ ആവശ്യം. സർക്കാർ സഹായമില്ലാതെ ഇത്രയും തുക നൽകാൻ നിലവിൽ കെഎസ്ആർടിസിക്ക് ശേഷിയില്ല.
ശകുനത്തില് വിശ്വാസമുണ്ടോ?;'കറുത്ത പൂച്ച ഭാഗ്യദോഷമല്ല'; ദമ്പതികള്ക്ക് ലോട്ടറി അടിച്ചത് കോടികള്
ഓരോ മാസവും 3.46 കോടി രൂപ വീതം മുൻഗണനാക്രമത്തിൽ ആനുകൂല്യങ്ങൾ കൊടുത്തു തീർക്കാമെന്ന് കെഎസ്ആർടിസി അറിയിച്ചു. 2021 ഏപ്രിൽ മുതൽ ഇതുവരെ വിരമിച്ച 1757 ജീവനക്കാരിൽ 1073 പേർക്ക് ഇനിയും ആനുകൂല്യങ്ങൾ കൊടുത്തു തീർക്കാൻ ഉണ്ടെന്നും കെഎസ്ആർടിസി പറഞ്ഞു..
'അതാണല്ലോ ഇപ്പോള് എന്റെ പണി..! ചാറ്റിന്റെ സ്ക്രീന്ഷോര്ട്ടുമായി കലിപ്പില് നിമിഷ
ജീവനക്കാർക്കു നൽകാനുള്ള പെൻഷൻ ആനുകൂല്യങ്ങൾ സീനിയോറിറ്റിയും അടിയന്തര സാഹചര്യങ്ങളും അടിസ്ഥാനമാക്കി 2 വർഷത്തിനകം വിതരണം ചെയ്യുമെന്നു കെഎസ്ആർടിസി ഹൈക്കോടതിയിൽ പറഞ്ഞു. ഇതിനായി എല്ലാ മാസവും 3.46 കോടി രൂപ മാറ്റിവയ്ക്കുമെന്നും വിശദീകരണപ്പത്രികയിൽ കെഎസ്ആർടിസി അറിയിച്ചു. കെഎസ്ആർടിസി തയാറാക്കിയ 'പെൻഷനറി ബെനഫിറ്റ് സ്കീം 2023' ഹൈക്കോടതിയുടെ പരിഗണനയ്ക്കു നൽകി. തുടർന്നു ഹർജി 31നു പരിഗണിക്കാൻ ജസ്റ്റിസ് ദേവൻ രാമചന്ദ്രൻ മാറ്റി.
സീനിയോറിറ്റി-38, കോടതി ഉത്തരവ്, മക്കളുടെ വിവാഹം, ചികിത്സ തുടങ്ങിയ അടിയന്തര സാഹചര്യം -7 എന്നിങ്ങനെ ഓരോ മാസവും 45 പേർക്ക് ആനുകൂല്യം നൽകാനാണു സ്കീം തയാറാക്കിയിരിക്കുന്നത്. സർക്കാരും ഓരോ മാസവും 3.46 കോടി രൂപ നൽകിയാൽ സ്കീം കാലാവധി ഒരു വർഷമായി ചുരുക്കാനാവുമെന്നും കെഎസ്ആർടിസി അറിയിച്ചു. 4 മാസത്തിനകം പെൻഷൻ ആനുകൂല്യങ്ങൾ നൽകാൻ നിർദേശിച്ച് ഒക്ടോബറിൽ ഹൈക്കോടതി പുറപ്പെടുവിച്ച ഉത്തരവിനെതിരെ നൽകിയ റിവ്യൂ പെറ്റീഷനിലാണ് കെഎസ്ആർടിസി ഇക്കാര്യം പറഞ്ഞത്.
2022 നവംബർ 30ലെ കണക്ക് പ്രകാരം വിരമിച്ചവർക്കു പെൻഷൻ ആനുകൂല്യങ്ങൾ വിതരണം ചെയ്യാൻ 83.10 കോടി രൂപയാണ് ആവശ്യം. ശമ്പളം, ഇന്ധനം, സ്പെയർ പാർട്ടുകൾ എന്നിവയ്ക്കായുള്ള സാമ്പത്തിക പ്രയാലമുണ്ടെങ്കിലും എല്ലാ മാസവും നിലവിൽ 4 കോടി രൂപ റിട്ടയർമെന്റ് ആനുകൂല്യമായി വിതരണം ചെയ്യുന്നുണ്ട്. അധിക വരുമാനം കണ്ടെത്താൻ കൂടുതൽ സർവീസ് നടത്തുന്നുണ്ട്. 2022ൽ 3700 ബസുകളാണു ശരാശരി സർവീസ് നടത്തിയിരുന്നെങ്കിൽ 4400 ബസുകളാണ് ഇപ്പോൾ സർവീസ് പോകുന്നത്...