ആൽബിൻ പോൾ ഇനി ആറ് പേരിലൂടെ ജീവിക്കും, കുടുംബത്തെ അഭിനന്ദിച്ച് ആരോഗ്യമന്ത്രി
തിരുവനന്തപുരം: ആല്ബിന് പോള് എന്ന മുപ്പതുകാരൻ യുവാവ് ഇനി 6 പേരിലൂടെ ജീവിക്കും. തൃശൂര് ചായ്പ്പാന്കുഴി രണ്ടുകൈ തട്ടകത്ത് ഹൗസ് സ്വദേശിയായ ആൽബിൻ പോളിന് മസ്തിഷ്ക മരണം സംഭവിക്കുകയായിരുന്നു. ആല്ബിന് പോളിന്റെ ഹൃദയം, കരള്, 2 വൃക്കകള്, 2 നേത്രപടലം എന്നിവയാണ് ദാനം ചെയ്തത്. സംസ്ഥാന സര്ക്കാരിന്റെ മരണാന്തര അവയവദാന പദ്ധതിയായ മൃതസഞ്ജീവനി (കെ.എന്.ഒ.എസ്.) വഴിയാണ് അവയവദാനം നടത്തിയത്. ഏറെ വിഷമഘട്ടത്തിലും അവയവദാനത്തിന് മുന്നോട്ടുവന്ന കുടുംബാംഗങ്ങളെ ആരോഗ്യ വകുപ്പ് മന്ത്രി വീണാ ജോര്ജ് അഭിനന്ദിച്ചു. മറ്റുള്ളവരിലൂടെ ആല്ബിന് പോള് ജീവിക്കുമെന്നും ആരോഗ്യവകുപ്പ് മന്ത്രി പറഞ്ഞു.
'സ്വയം സ്നേഹിക്കാൻ മറക്കരുത്', നിറചിരിയോടെ മഞ്ജു വാര്യർ, ഏറ്റെടുത്ത് ആരാധകർ,- ചിത്രങ്ങൾ
ആല്ബിന് പോളും സഹോദരന് സെബിന് പൗലോസും കൂടി നെടുമ്പാശേരി എയര്പോട്ടില് ബന്ധുവിനെ യാത്രയാക്കി മടങ്ങി വരവെയാണ് അപകടം സംഭവിച്ചത്. ഈ മാസം 18ന് രാവിലെ 3.15നാണ് സംഭവം. അവര് സഞ്ചരിച്ച കാര് ലോറിയുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ഇവരെ തൊട്ടടത്തുള്ള അങ്കമാലി അപ്പോളോ ആശുപത്രിയില് എത്തിച്ചു. ആശുപത്രിയിലുള്ളവര് വിളിച്ച് പറഞ്ഞാണ് വീട്ടുകാര് അപകടത്തെപ്പറ്റി അറിഞ്ഞത്. അച്ഛനായ പൗലോസ് ആശുപത്രിയിലെത്തുമ്പോള് രണ്ട് മക്കളും ഐസിയുവില് ആയിരുന്നു. സഹോദരന് ഭേദമായി ആശുപത്രി വിട്ടു. എന്നാല് ആല്ബിന്റെ അവസ്ഥ ഗുരുതരമായി കഴിഞ്ഞ ദിവസം മസ്തിഷ്ക മരണമടയുകയായിരുന്നു. അവയവദാനത്തിന്റെ മഹത്വമറിയാവുന്ന പിതാവ് പൗലോസ് അവയവദാനത്തിന് സമ്മതം അറിയിച്ചു.
ഗള്ഫിലായിരുന്ന ആല്ബിന് പോള് ജോലി നഷ്ടപ്പെട്ട് നാട്ടിലെത്തി എസ്.സി.ടി. ഫെഡറേഷനില് ബിസിനസ് ഡെവലപ്മെന്റ് എക്സിക്യുട്ടീവായി താത്ക്കാലികമായി ജോലി നോക്കുകയായിരുന്നു. ആല്ബിന് വിവാഹിതനായിട്ട് 2 വര്ഷം കഴിഞ്ഞതേയുള്ളൂ. ഭാര്യ എയ്ഞ്ചല്. ഇവര്ക്കൊരു 4 മാസം പ്രായമായ കുഞ്ഞുമുണ്ട്. ബീനയാണ് അമ്മ.
സംസ്ഥാനത്ത് അവയവ ദാനത്തിനായി രജിസ്റ്റര് ചെയ്തവരില് ആല്ബിന് പോളിന്റെ ഹൃദയവുമായി ചേര്ച്ചയില്ലാത്തതിനാല് സംസ്ഥാനം കടന്നുള്ള അവയവദാനത്തിനാണ് വേദിയായത്. ഇക്കാര്യം ദേശീയ അവയദാന ഓഗനൈസേഷനെ (NOTTO) രേഖാമൂലം അറിയിച്ചു. അവര് റീജിയണല് ഓര്ഗണ് ആന്റ് ടിഷ്യു ട്രാന്സ്പ്ലാന്റേഷന് ഓഗനൈസേഷനെ (ROTTO) അറിയിച്ചു. അവരാണ് ചെന്നൈയിലെ റെല ഹോസ്പിറ്റലില് ചികിത്സയിലുള്ള രോഗിക്ക് ഹൃദയം അനുവദിച്ചത്. വിമാന മാര്ഗമാണ് ചെന്നൈയിലേക്ക് ഹൃദയം കൊണ്ട് പോകുന്നത്. ഒരു വൃക്ക തിരുവനന്തപുരം മെഡിക്കല് കോളേജില് ചികിത്സയിലുള്ള രോഗിക്കാണ് നല്കുന്നത്.
ഇത് മീനൂട്ടിയുടെ മാമാട്ടിക്കുട്ടിയമ്മ, അനിയത്തിക്കുട്ടിയുടെ പിറന്നാൾ ചിത്രവുമായി മീനാക്ഷി ദിലീപ്
Recommended Video
സംസ്ഥാനം കടന്നുള്ള അവയവദാന പ്രക്രിയ സുഗമമാക്കുന്നതിന് മന്ത്രി വീണാ ജോര്ജ് നേതൃത്വം നല്കി. മുഖ്യമന്ത്രിയുമായി വീണാ ജോർജ് സംസാരിച്ചാണ് യാത്ര സുഗമമാക്കിയത്. പോലീസിന്റെ സഹായത്തോടെ ആശുപത്രി മുതല് എയര്പോര്ട്ടുവ രെയും, ആശുപത്രി മുതല് മറ്റാശുപത്രികള് വരെയും ഗ്രീന് ചാനല് ഒരുക്കിയാണ് അവയവദാന പ്രക്രിയ നടത്തിയത്. കെ.എന്.ഒ.എസ്. നോഡല് ഓഫീസര് ഡോ. നോബിള് ഗ്രേഷ്യസിന്റെ നേതൃത്വത്തിലുള്ള സംഘമാണ് അവയവദാന പ്രക്രിയ പൂര്ത്തീകരിക്കുന്നത്.
Click it and Unblock the Notifications
Sign in with Google