മുസ്ലിം സമുദായത്തിന് ലഭിക്കേണ്ട ആനുകൂല്യങ്ങൾ ഇടതുപക്ഷം കവർന്നെടു: എംകെ മുനീര്‍

Updated: Friday, July 16, 2021, 21:30 [IST]

കോഴിക്കോട്: സച്ചാർ കമ്മിറ്റി റിപ്പോർട്ട് നടപ്പിലാക്കുമോ ഇല്ലയോ എന്ന് സർക്കാർ മറുപടി പറഞ്ഞേ തീരൂവെന്ന് മുസ്ലിം ലീഗ് നേതാവ് എംകെ മുനീര്‍. മുസ്ലിം സമുദായത്തിന്റെ പിന്നോക്കാവസ്ഥ മറികടക്കുകയെന്ന ഒരൊറ്റ ലക്ഷ്യം വെച്ചു കൊണ്ട് വന്നിട്ടുള്ള സച്ചാർ കമ്മിറ്റി റിപ്പോർട്ടിൽ ആദ്യം പാലോളി കമ്മിറ്റി രൂപീകരണത്തിലൂടെ വെള്ളം ചേർക്കുകയും ഇപ്പോഴത്തെ കോടതി വിധിയിലേക്ക് എത്തിക്കുകയും ചെയ്തതിലൂടെ മുസ്ലിം സമുദായത്തിന് ലഭിക്കേണ്ട ആനുകൂല്യങ്ങൾ കവർന്നെടുത്തിരിക്കുകയാണ് ഇടതുപക്ഷം ചെയ്തിട്ടുള്ളതെന്നും അദ്ദേഹം ഫേസ്ബുക്കില്‍ കുറിക്കുന്നു.

എംകെ മുനീറിന്‍റെ ഫേസ്ബുക്ക് കുറിപ്പിന്‍റെ പൂര്‍ണ്ണ രൂപം ഇങ്ങനെ..

സച്ചാർ കമ്മിറ്റിയെ കൊന്നതും നീയേ ചാപ്പാ കൊല്ലിച്ചതും നീയേ ചാപ്പാ
സച്ചാർ കമ്മിറ്റി റിപ്പോർട്ട് നടപ്പിലാക്കുമോ ഇല്ലയോ എന്ന് സർക്കാർ മറുപടി പറഞ്ഞേ തീരൂ.. സച്ചാർ കമ്മിറ്റി റിപ്പോർട്ട് മരവിപ്പിച്ചു കൊണ്ട് ഇത്തരത്തിലുള്ള ഒരു കോടതി വിധിയിലേക്ക് കാര്യങ്ങൾ എത്തിച്ചതിലൂടെ എന്താണ് സർക്കാർ ലക്ഷ്യമിടുന്നത്..?

കല്യാണ പെണ്ണായി സീതാകല്യാണം താരം സൗപര്‍ണിക സുഭാഷ്; ചിത്രങ്ങള്‍ ഏറ്റെടുത്ത് സോഷ്യല്‍ മീഡിയ

കോടതി വിധി നടപ്പിലാക്കുന്നതോടൊപ്പം സച്ചാർ കമ്മിറ്റി റിപ്പോർട്ട് നടപ്പിൽ വരുത്തുന്നതിനായി പ്രത്യേക സെൽ രൂപീകരിക്കണമെന്ന സർവ്വകക്ഷി യോഗത്തിലെ ഞങ്ങളുടെ ആവശ്യത്തെ ഗൗനിക്കാതിരിക്കുകയും ഇതിനെപ്പറ്റി ഒരക്ഷരവും മിണ്ടാതിരിക്കുകയും ചെയ്യുന്നതിന്റെ പിന്നിൽ നിഗൂഢ ലക്ഷ്യങ്ങളില്ലേ..?

കൊച്ചു നര്‍ത്തകിയായി വരവ്, ക്വീനിലൂടെ മനം കവര്‍ന്ന സാനിയ ഇയ്യപ്പന്‍; വൈറലായ ഗ്ലാമര്‍ ചിത്രങ്ങള്‍ കാണാം

മുസ്ലിം സമുദായത്തിന്റെ പിന്നോക്കാവസ്ഥ മറികടക്കുകയെന്ന ഒരൊറ്റ ലക്ഷ്യം വെച്ചു കൊണ്ട് വന്നിട്ടുള്ള സച്ചാർ കമ്മിറ്റി റിപ്പോർട്ടിൽ ആദ്യം പാലോളി കമ്മിറ്റി രൂപീകരണത്തിലൂടെ വെള്ളം ചേർക്കുകയും ഇപ്പോഴത്തെ കോടതി വിധിയിലേക്ക് എത്തിക്കുകയും ചെയ്തതിലൂടെ മുസ്ലിം സമുദായത്തിന് ലഭിക്കേണ്ട ആനുകൂല്യങ്ങൾ കവർന്നെടുത്തിരിക്കുകയാണ് ഇടതുപക്ഷം ചെയ്തിട്ടുള്ളത്.

എന്തിനാണ് പാലോളി കമ്മിറ്റി രൂപീകരിച്ചത്..? പാലോളി കമ്മിറ്റിയുടെ ശുപാർശകൾ എങ്ങനെയാണ് ഗവൺമെന്റ് നടപ്പിൽ വരുത്താൻ ഉദ്ദേശിച്ചിട്ടുള്ളത്..? സച്ചാർ കമ്മിറ്റിയിലൂടെ നൂറ് ശതമാനവും മുസ്ലിം സമുദായത്തിന് മാത്രം ലഭിക്കേണ്ട അവകാശങ്ങൾ വകവെച്ച് നൽകാതെ, ഇത് നടപ്പിലാക്കാനെന്ന വ്യാജേന പാലോളി കമ്മിറ്റി രൂപീകരിക്കുകയും മുസ്ലിം സമുദായത്തിന് അവകാശപ്പെട്ടതിന്റെ 80% മാത്രം നൽകുകയും ബാക്കിയുള്ള 20% ഇതര സമുദായങ്ങൾക്ക് നൽകാനും പാലോളി കമ്മിറ്റി തീരുമാനിക്കുന്നു. മുസ്ലിം സമുദായം അനർഹമായത് നേടിയെടുക്കുന്നുവെന്ന് ഇതര സമുദായങ്ങൾക്കിടയിൽ പ്രചരിപ്പിക്കാനും മുസ്ലിം സമുദായത്തിന് അർഹമായ ആനുകൂല്യങ്ങളും അവകാശങ്ങളും പോലും ലഭ്യമാകാതിരിക്കാനും ഇടതുപക്ഷം വഹിച്ചിട്ടുള്ള പങ്ക് വളരെ വലുതാണ്.

എന്തിനാണ് വീട്ടില്‍ പോലും ബ്രാ ധരിക്കാന്‍ നിര്‍ബന്ധിക്കുന്നത്; ചെറുപ്പത്തില്‍ അവര്‍ പൂര്‍ണ്ണ നഗ്നരായി കണ്ടിട്ടില്ലേ- പ്രതികരിച്ച് നടി

ന്യൂനപക്ഷങ്ങളുടെ വോട്ട് ലഭിക്കുന്നതിനുവേണ്ടി പാലോളി കമ്മിറ്റി രൂപീകരിച്ചുകൊണ്ട് അവരുടെ കണ്ണിൽ പൊടിയിടുകയും തെരഞ്ഞെടുപ്പിൽ വോട്ടു വാങ്ങി ജയിച്ചതിനു ശേഷം "കടക്ക് പുറത്ത് " എന്ന നിലപാട് സ്വീകരിച്ചു ( അവരെ പടിയടച്ചു പിണ്ഡം വെച്ച് ) അവരുടെ പാത്രത്തിൽ മണ്ണുവാരിയിടുകയാണ് വീണ്ടും അധികാരത്തിലേറിയ ഇടതു പക്ഷം ചെയ്തിട്ടുള്ളത്.

മതസൗഹാർദത്തിന്റെ ഈറ്റില്ലമായ ഇവിടെ ക്രിസ്തീയ സമുദായവും മുസ്ലിം സമുദായവും തമ്മിലുള്ള ഐക്യവും സ്നേഹവും തകർക്കുകയും അവർക്കിടയിൽ ഇല്ലാത്ത മതസ്പർദ്ധയുണ്ടാക്കുകയുമാണോ ഇടതുപക്ഷ സർക്കാരിന്റെ ലക്ഷ്യമെന്ന് അറിയാൻ താല്പര്യപ്പെടുന്നു. ഒരുവശത്ത് മുസ്ലിം സമുദായത്തിന്റെ അട്ടിപ്പേറവകാശം തനിക്കാണെന്ന് ഭംഗ്യന്തരേണ സൂചിപ്പിക്കുകയും മറുവശത്ത് മുസ്ലിം സമുദായം എന്തൊക്കെയോ അമിതമായി നേടുന്നു എന്ന് വരുത്തിത്തീർക്കാനുമുള്ള ബോധപൂർവ്വമായ ശ്രമമാണ് ഇന്നലെ മന്ത്രിസഭായോഗത്തിൽ ഉണ്ടായത്.