ലോക്സഭാ തിരഞ്ഞെടുപ്പ്; കേരളത്തിലെ കോൺഗ്രസ് തിരഞ്ഞെടുപ്പ് സമിതി പ്രഖ്യാപിച്ചു, ചെയർമാനായി കെ സുധാകരൻ
തിരുവനന്തപുരം: ലോകസഭാ തിരഞ്ഞെടുപ്പിനുള്ള കേരളത്തിലെ കോണ്ഗ്രസ് തിരഞ്ഞെടുപ്പ് സമിതി പ്രഖ്യാപിച്ച് എഐസിസി. കെപിസിസി അധ്യക്ഷന് കെ സുധാകരന് അധ്യക്ഷനായ 33 അംഗ സമിതിയാണ് കേരളത്തിൽ പ്രചാരണത്തിന് ചുക്കാൻ പിടിക്കുക. വിഎം സുധീരന് അടക്കമുള്ള മുന് കെപിസിസി അധ്യക്ഷന്മാരെയും, മുതിർന്ന നേതാക്കളെയും ഉൾപ്പെടുത്തിയാണ് സമിതി പ്രഖ്യാപിച്ചിരിക്കുന്നത്.
പ്രതിപക്ഷ നേതാവ് വിഡി സതീശന്, എ കെ ആന്റണി, എഐസിസി ജനറല് സെക്രട്ടറി കെ സി വേണുഗോപാല്, രമേശ് ചെന്നിത്തല, വയലാര് രവി, മുല്ലപ്പള്ളി രാമചന്ദ്രന്, കൊടിക്കുന്നില് സുരേഷ്, കെ മുരളീധരന്, എംഎം ഹസ്സന്, ബെന്നി ബെഹ്നാന്, പി ജെ കുര്യന്, പി പി തങ്കച്ചന്, ശശി തരൂര്, എം കെ രാഘവന് എന്നിവർ അടക്കം സമിതിയിലുണ്ട്.
കൂടാതെ അടൂര് പ്രകാശ്, ടിഎന് പ്രതാപന്, തിരുവഞ്ചൂര് രാധാകൃഷ്ണന്, കെസി ജോസഫ്, വി എസ് ശിവകുമാര്, എ പി അനില് കുമാര്, ജോസഫ് വാഴക്കന്, പി സി വിഷ്ണുനാഥ്, ഷാനിമോള് ഉസ്മാന്, പന്തളം സുധാകരന്, രമ്യാ ഹരിദാസ്, ലാലി വിന്സെന്റ്, വിടി ബല്റാം, റോജി എം ജോണ്, ടി സിദ്ദിഖ്, പി കെ ജയലക്ഷ്മി, വിദ്യാ ബാലകൃഷ്ണന് എന്നിവരാണ് സമിതിയിലെ മറ്റംഗങ്ങൾ.
എക്സ് ഓഫീഷ്യോ അംഗങ്ങള് ഉള്പ്പടെ ആകെ 37 പേര് സമിതിയിലുണ്ടാവും. യൂത്ത് കോണ്ഗ്രസ് അധ്യക്ഷന്, കെഎസ്യു അധ്യക്ഷന്, സേവാദള്, മഹിളാ കോണ്ഗ്രസ് അധ്യക്ഷന്മാരാണ് സമിതിയിലെ എക്സ് ഓഫീഷ്യോ അംഗങ്ങള്.
വരാനിരിക്കുന്ന ലോക്സഭാ തിരഞ്ഞെടുപ്പിൽ കേരളത്തിലെ 20 ലോക്സഭാ മണ്ഡലങ്ങളിലും വിജയം കൈവരിക്കുക എന്നതാണ് സമിതി അംഗങ്ങളുടെ ചുമതല. വിദേശത്ത് ചികിത്സയില് കഴിയുന്ന കെപിസിസി അധ്യക്ഷന് കെ സുധാകരൻ തിരിച്ചെത്തിയാല് ഉടൻ നിയുക്ത തിരഞ്ഞെടുപ്പ് കമ്മിറ്റിയുടെ ആദ്യ യോഗം ചേരും.
അതേസമയം, വാർ റൂമിനും പബ്ലിസിറ്റി കമ്മിറ്റിക്കും പിന്നാലെയാണ് ഒൻപത് സംസ്ഥാനങ്ങളിലെ തിരഞ്ഞെടുപ്പ് കമ്മിറ്റികൾ കോൺഗ്രസ് പ്രഖ്യാപിച്ചു. കേരളത്തെ കൂടാതെ രാജസ്ഥാൻ, തെലങ്കാന, ഛത്തീസ്ഗഡ്, ഹിമാചൽ പ്രദേശ്, നാഗാലാൻഡ്, മണിപ്പൂർ, ത്രിപുര, മധ്യപ്രദേശ് എന്നിവിടങ്ങളിലും തിരഞ്ഞെടുപ്പ് സമിതികൾ രൂപീകരിച്ചു.
നേരത്തെ ദേശീയ തലത്തിൽ ഏഴ് പേരടങ്ങുന്ന പബ്ലിസിറ്റി കമ്മിറ്റി രൂപീകരിച്ചതായി കോൺഗ്രസ് നേതൃത്വം അറിയിച്ചിരുന്നു. മുതിർന്ന നേതാവ് അജയ് മാക്കനും എഐസിസി ജനറൽ സെക്രട്ടറി കെസി വേണുഗോപാലും ഉൾപ്പെടെയുള്ളവർ അടങ്ങുന്നതാണ് പ്രസ്തുത പബ്ലിസിറ്റി കമ്മിറ്റി. ഇതിന് പിന്നാലെയാണ് ഒൻപത് സംസ്ഥാനങ്ങളിലെ തിരഞ്ഞെടുപ്പ് സമിതികൾ പ്രഖ്യാപിച്ചത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google