'സ്ത്രീധനം കൊടുക്കുകയെന്ന തെറ്റ് ചെയ്തു, പകരം നൽകിയത് മകളുടെ ജീവന്റെ വില..'; വിസ്മയയുടെ പിതാവ്
കൊല്ലം: സ്ത്രീധനം എന്ന തെറ്റ് ചെയ്ത തനിക്ക് പകരം നൽകേണ്ടി വന്നത് മകളുടെ ജീവന്റെ വിലയെന്ന് വിസ്മയയുടെ പിതാവ് വിക്രമൻ നായർ. തിരുവനന്തപുരത്തെ യുവ ഡോക്ടർ സ്ത്രീധനത്തിന്റെ പേരിൽ ആത്മഹത്യ ചെയ്ത സംഭവത്തിൽ പ്രതികരിക്കുകയായിരുന്നു അദ്ദേഹം.സമൂഹത്തിനൊപ്പം താനും സ്ത്രീധനം നല്കുകയെന്ന തെറ്റ് ചെയ്തെന്നും ആ തെറ്റിന്റെ വിലയായി തനിക്ക് മകളെ നഷ്ടപ്പെട്ടെന്നുമായിരുന്നു അദ്ദേഹത്തിന്റെ പ്രതികരണം.
സ്ത്രീധനം എന്ന വിപത്ത് അവസാനിപ്പിക്കാന് സമൂഹം ശക്തമായി ഇടപെടണെമന്നും അദ്ദേഹം ആവശ്യപ്പെട്ടു. തന്റെ മകളുടെ മരണത്തിന് ശേഷം നിരവധി ക്യാംപയിനുകളും ബോധവല്ക്കരണ പരിപാടികളും നടന്നുവെങ്കിലും സ്ത്രീധനത്തിന്റെ പേരിലുള്ള ആത്മഹത്യകള് തുടര്ക്കഥയാവുകയാണെന്ന് ത്രിവിക്രമൻ നായർ ചൂണ്ടിക്കാട്ടി.
വിസ്മയ ആത്മാര്ഥമായി സ്നേഹിച്ച ആളാണ് കിരണ്. ആ സ്നേഹം അയാള് നിരസിച്ചു. ഇത് തന്നെയാണ് ഷഹ്നയുടെ കാര്യത്തിലും സംഭവിച്ചത്. വിദ്യാഭ്യാസപരമായി ഉയര്ന്ന നിലയിലുള്ള കുട്ടിയായിരുന്നു. എന്നിട്ടും ഇങ്ങനെ ചെയ്യണമെങ്കില് അമിതമായ സ്നേഹമാണ് കാരണമെന്നും ത്രിവിക്രമൻ നായർ പറഞ്ഞു. റുവൈസിന്റെ അച്ഛനും അമ്മയ്ക്കും ഇതില് പങ്കുണ്ടെങ്കില് അവരെയും നിയമത്തിന് മുന്നില് കൊണ്ടുവരണമെന്നും അദ്ദേഹം ആവശ്യപ്പെട്ടു.
അതേസമയം, തിരുവനന്തപുരം മെഡിക്കല് കോളേജിലെ യുവ ഡോക്ടര് ഷഹനയുടെ ആത്മഹത്യയില് ആണ്സുഹൃത്ത് ഡോ. റുവൈസിനെ പോലീസ് കസ്റ്റഡിയില് എടുത്തിരുന്നു. ഷഹനയുടെ ആത്മഹത്യക്ക് ശേഷം ഒളിവില് കഴിയുകയായിരുന്ന റുവൈസിനെ കൊല്ലം കരുനാഗപ്പള്ളിയില് നിന്നാണ് പോലീസ് ഇയാളെ പിടികൂടിയത്. തിരുവനന്തപുരം മെഡിക്കല് കോളേജ് പോലീസാണ് റുവൈസിനെ കസ്റ്റഡിയിൽ എടുത്തത്.
കഴിഞ്ഞ ദിവസമാണ് അനസ്തേഷ്യക്കുള്ള മരുന്ന് കുത്തിവെച്ച് മരിച്ച നിലയില് ഡോക്ടറായ ഷഹാനയെ കണ്ടെത്തിയത്. ഡ്യൂട്ടിക്ക് എത്താത്തതിനെ തുടര്ന്ന് ഫ്ളാറ്റില് പോയി നോക്കിയ സുഹൃത്തുക്കളാണ് ഷഹന അബോധാവസ്ഥയില് കിടക്കുന്നതായി കണ്ടെത്തിയത്. ഉടന് തന്നെ ആശുപത്രിയില് എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ഇതിന് പിന്നാലെ ഷഹനയുടെ ആത്മഹത്യാക്കുറിപ്പ് കണ്ടെത്തുകയും ചെയ്തിരുന്നു.
തുടർന്ന് ഇന്നലെ റുവൈസിനെതിരെ ആത്മഹത്യാ പ്രേരണ കുറ്റം ചുമത്തി ജാമ്യമില്ലാ വകുപ്പ് പ്രകാരം കേസ് രജിസ്റ്റർ ചെയ്തു. കൊല്ലം ശക്തികുളങ്ങര സ്വദേശിയാണ് ഇയാൾ. ആത്മഹത്യാപ്രേരണാ കുറ്റത്തിന് പുറമെ സ്ത്രീധന നിരോധന നിയമവും ഇയാള്ക്കെതിരെ ചുമത്തിയിട്ടുണ്ട്. റുവൈസിനെതിരെ ശക്തമായ തെളിവുകളുണ്ടെന്നാണ് പോലീസ് നൽകുന്ന സൂചന.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google