നടന് ഹരീഷ് പേങ്ങന്റെ നില ഗുരുതരം; സഹായമഭ്യര്ത്ഥിച്ച് സുഹൃത്തുക്കള്
കൊച്ചി: നടന് ഹരീഷ് പേങ്ങന് ആശുപത്രിയില്. വയറുവേദനയെ തുടര്ന്നാണ് ഹരീഷ് പേങ്ങനെ ആശുപത്രിയില് പ്രവേശിപ്പിച്ചത്. പിന്നീട് നടത്തിയ പരിശോധനയില് അദ്ദേഹത്തിന് ഗുരുതര കരള് രോഗമാണെന്ന് കണ്ടെത്തി. നിലവില് ഹരീഷ് പേങ്ങന് ഐസിയുവില് ഗുരുതരാവസ്ഥയില് കഴിയുകയാണ് എന്നാണ് സുഹൃത്തുക്കള് പറയുന്നത്. കരള്മാറ്റ ശസ്ത്രക്രിയയാണ് ഹരീഷ് പേങ്ങന് ഡോക്ടര്മാര് നിര്ദേശിച്ചിരിക്കുന്നത്.
ഹരീഷിന്റെ ഇരട്ട സഹോദരിയായ ശ്രീജ കരള് ദാനത്തിന് തയ്യാറാണ്. എന്നാല് ശസ്ത്രക്രിയയ്ക്കായി ഭാരിച്ച തുകയാണ് വേണ്ടത് എന്നും അതിന് സഹായിക്കണം എന്നും അഭ്യര്ത്ഥിച്ച് ഹരീഷിന്റെ സുഹൃത്തുക്കള് ഫേസ്ബുക്കില് പോസ്റ്റുകള് പങ്കുവെക്കുന്നുണ്ട്. മഹേഷിന്റെ പ്രതികാരം, ഷഫീക്കിന്റെ സന്തോഷം, ഹണീ ബി 2.5, വെള്ളരിപ്പട്ടണം, ജാനേ മന്, ജയ ജയ ജയ ഹേ, പ്രിയന് ഓട്ടത്തിലാണ്, ജോ&ജോ, മിന്നല് മുരളി തുടങ്ങി നിരവധി അഭിനയിച്ചിട്ടുണ്ട് ഹരീഷ് പേങ്ങന്.
ഹരീഷ് പേങ്ങന് സഹായമഭ്യര്ത്ഥിച്ച് കൊണ്ട് നടന് വിജിലേഷ് കരയാട് പങ്കുവെച്ച ഫേസ്ബുക്ക് കുറിപ്പ് വായിക്കാം
മഹേഷിന്റെ പ്രതികാരം, ഷഫീക്കിന്റെ സന്തോഷം, ഹണീ ബി 2.5, വെള്ളരിപ്പട്ടണം, ജാനേ മന്, ജയ ജയ ജയ ഹേ, പ്രിയന് ഓട്ടത്തിലാണ്, ജോ&ജോ, മിന്നല് മുരളി തുടങ്ങി നിരവധി സമകാലിക സിനിമകളിലൂടെ നമ്മെ ചിരിപ്പിച്ച്, ശ്രദ്ധേയമായ നിരവധി വേഷങ്ങള് ചെയ്ത കലാകാരന്, ഹരീഷ് പേങ്ങന് എന്റെ നാട്ടുകാരനും പ്രിയ സുഹൃത്തുമായ ഹരീഷ്, കഴിഞ്ഞ പത്ത് ദിവസമായി എറണാകുളം അമൃത ആശുപത്രിയില് ജീവിതത്തിലേക്ക് തിരിച്ചു വരുവാനായി മല്ലിടുകയാണ്.
ചെറിയ ഒരു വയറുവേദനയുമായി ആശുപത്രിയില് പ്രവേശിപ്പിച്ച അദ്ദേഹത്തിന് ഗുരുതരമായ കരള് സംബന്ധമായ അസുഖമാണ്. അടിയന്തരമായി ലിവര് ട്രാന്സ്പ്ലാന്റാണ് ഡോക്ടര്മാര് നിര്ദ്ദേശിച്ചിരിക്കുന്നത്. ഹരീഷിന്റെ ഇരട്ട സഹോദരിയായ ശ്രീജ ലിവര് ദാനം ചെയ്യാന് തയ്യാറായിട്ടുണ്ട്. ഇനി വേണ്ടത് ചികിത്സയ്ക്ക് ആവശ്യമായ ഭീമമായ തുകയാണ്.
Vastu Tips: കറിവേപ്പില ഇവിടെ നടല്ലേ... വീട്ടില് കലഹം ഉറപ്പ്
അതീവ ഗുരുതരാവസ്ഥയില് നിലവില് ന്യുമോണിയ പിടിപ്പെട്ട് ഐസിയുവില് ജീവിതത്തോട് മലിട്ട് കഴിയുന്ന ഹരീഷിനെ ഞാനിന്ന് നേരില് കണ്ടിരുന്നു.ഡോക്ടര്മാരുമായി വിശദമായി സംസാരിക്കുകയുമുണ്ടായി. തുടര്ന്നുള്ള ഓരോ ദിവസവും ഹരീഷിന് നിര്ണായകമാണ്. സര്ജറിക്കും തുടര്ചികിത്സക്കുമായി ചെലവ് വന്നേക്കാവുന്ന ഏകദേശം 35 - 40 ലക്ഷം രൂപ കണ്ടെത്തുവാന് അവനെ അത്രയും ഇഷ്ടപ്പെടുന്ന നാടും നാട്ടുകാരും സുഹൃത്തുക്കളും കൈകോര്ക്കുകയാണ്.
ഈ ജീവന് രക്ഷാപ്രയത്നത്തില് പങ്കാളിയായി സഹായിക്കണം എന്ന് അഭ്യര്ത്ഥന. ഹരീഷിന്റെ സഹോദരിയുടെ ബാങ്ക് അക്കൗണ്ട് ഡീറ്റെയില്സ് നിങ്ങള് ഓരോരുത്തരും കൂടെ ഉണ്ടാവും എന്ന പ്രതീക്ഷിയില് താഴെ കൊടുക്കുന്നു.
SREEJA. M. NAIR
Savings Account : 338202120002191
UNION BANK OF INDIA
Branch : Athani, Ernakulam District, Kerala
IFSC CODE: UBINO533823
Click it and Unblock the Notifications
Sign in with Google