രാഹുൽ മാങ്കൂട്ടത്തിലിന് എതിരായ പരാതിയിൽ പോലീസ് കേസെടുത്തു; കളമശേരിയില് ചരക്ക് ട്രെയിന് പാളം തെറ്റി
പാലക്കാട് എംഎൽഎ രാഹുൽ മാങ്കൂട്ടത്തിലിന് എതിരായ യുവതിയുടെ പരാതിയിൽ പോലീസ് കേസെടുത്തു. പരാതി നൽകിയ യുവതിയുടെ മൊഴിയെടുത്തതിന് പിന്നാലെയാണ് ഇത്. ഇന്നലെ രാത്രിയോടെയാണ് റൂറൽ എസ്പിയുടെ നേതൃത്വത്തിൽ പരാതിക്കാരിയായ യുവതിയുടെ മൊഴി രേഖപ്പെടുത്തിയത്. മുഖ്യമന്ത്രിയുടെ ഓഫീസിൽ നേരിട്ടെത്തിയാണ് പെൺകുട്ടി രാഹുൽ മാങ്കൂട്ടത്തിലിന് എതിരായ പരാതി നൽകിയത്. തിരുവനന്തപുരം റൂറല് എസ്പി കെഎസ് സുദര്ശനനാണ് കേസിന്റെ അന്വേഷണ ചുമതല. വലിയമല പോലീസ് സ്റ്റേഷനിലാണ് എഫ്ഐആർ രജിസ്റ്റർ ചെയ്തത്.
അതേസമയം, പെൺകുട്ടി നൽകിയ പരാതിയുടെ വിശദാംശങ്ങൾ പുറത്തുവന്നതിന് പിന്നാലെ കോൺഗ്രസ് നേതൃത്വം കടുത്ത പ്രതിസന്ധിയിലാണ്. കഴിഞ്ഞ ദിവസം വരെ രാഹുലിനെ അനുകൂലിക്കുന്ന രീതിയിലായിരുന്നു മുൻ കെപിസിസി അധ്യക്ഷൻ കെ സുധാകരൻ ഉൾപ്പെടെയുള്ള നേതാക്കൾ സംസാരിച്ചത്. നിലവിലെ സാഹചര്യത്തിൽ തിരഞ്ഞെടുപ്പ് കൂടി അടുത്ത് നിൽക്കവേ രാഹുലിനെ ചേർത്തുനിർത്താൻ കഴിയാത്ത സാഹചര്യത്തിലാണ് കോൺഗ്രസ്.
മുൻ കേന്ദ്രമന്ത്രിയും മുതിർന്ന കോൺഗ്രസ് നേതാവുമായ ശ്രീപ്രകാശ് ജയ്സ്വാൾ (81) ഹൃദയാഘാതത്തെ തുടർന്ന് അന്തരിച്ചു. വെള്ളിയാഴ്ച വൈകുന്നേരമായിരുന്നു അന്ത്യം.കിദ്വായ് നഗറിലെ ഒരു സ്വകാര്യ നഴ്സിംഗ് ഹോമിലേക്ക് അദ്ദേഹത്തെ ആദ്യം എത്തിക്കുകയായിരുന്നു. അവിടെ വെച്ച് ആരോഗ്യനില വഷളായതിനെ തുടർന്ന് കാർഡിയോളജി ആശുപത്രിയിലേക്ക് മാറ്റി. എന്നാൽ ആശുപത്രിയിലെത്തിയപ്പോഴേക്കും മരണം സംഭവിച്ചു.
കർണാടക മുഖ്യമന്ത്രി സ്ഥാനത്തെച്ചൊല്ലിയുള്ള സിദ്ധരാമയ്യ-ഡി.കെ. ശിവകുമാർ തർക്കം വീണ്ടും രൂക്ഷം.. സോണിയാ ഗാന്ധി അധികാരം 'ത്യജിച്ചു' എന്ന് ഡി.കെ. ശിവകുമാർ പരോക്ഷമായി പരാമർശിച്ചതോടെയാണ് പുതിയ വിവാദങ്ങൾ ഉടലെടുത്തത്. 2004-ൽ കോൺഗ്രസ് നേതൃത്വത്തിലുള്ള യുപിഎ സർക്കാർ ലോക്സഭാ തിരഞ്ഞെടുപ്പിൽ വിജയിച്ചതിന് ശേഷം പ്രധാനമന്ത്രിയാകാനുള്ള അവസരം സോണിയ ഗാന്ധി വേണ്ടെന്നു വെച്ചതിനെക്കുറിച്ചായിരുന്നു ഡികെയുടെ പരാമർശം. 'കോൺഗ്രസ് അധ്യക്ഷയായി സോണിയാ ഗാന്ധി 20 വർഷം സേവനമനുഷ്ഠിച്ചിട്ടുണ്ട്. അധികാരത്തോട് അവർക്ക് ആർത്തിയില്ലായിരുന്നു. അന്നത്തെ ഇന്ത്യൻ രാഷ്ട്രപതിയായിരുന്ന എ.പി.ജെ. അബ്ദുൾ കലാം പ്രധാനമന്ത്രിയാകാൻ അവരെ ക്ഷണിച്ചെങ്കിലും, മൻമോഹൻ സിംഗിനെ പ്രധാനമന്ത്രിയായി അവർ നിർദ്ദേശിക്കുകയായിരുന്നു. മൻമോഹൻ സിംഗിന് രാജ്യത്തെ വികസിപ്പിക്കാൻ കഴിയുമെന്ന് അവർ അഭിപ്രായപ്പെട്ടു', ഡികെ ശിവകുമാർ പറഞ്ഞു. കർണാടകയുടെ വികസനത്തിനായി സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാരിനൊപ്പം എപ്പോഴും നിൽക്കണമെന്ന് ജനങ്ങളോട് ഡി.കെ. ശിവകുമാർ അഭ്യർത്ഥിച്ചു. 2028-ലെ തിരഞ്ഞെടുപ്പിൽ കോൺഗ്രസിനെ വീണ്ടും അനുഗ്രഹിക്കണമെന്നും അദ്ദേഹം കൂട്ടിച്ചേർത്തു.
കളമശേരിയില് ചരക്ക് ട്രെയിന് പാളം തെറ്റി. വൈദ്യുതി പോസ്റ്റില് ഇടിച്ചാണ് അപകടമുണ്ടായത്. ട്രെയിന് ഗതാഗതത്തില് തടസം നേരിട്ടു. മൂന്ന് മണിക്കൂറോളം ട്രെയിന് ഗതാഗതം തടസപ്പെട്ടിട്ടുണ്ട്. നിരവധി ട്രെയിനുകളാണ് വൈകി ഓടുന്നത്. ഏറനാട് എക്സ്പ്രസ് ഒന്നര മണിക്കൂര് വൈകും. ഗുരുവായൂര്-എറണാകുളം പാസഞ്ചറും എറണാകുളം-പാലക്കാട് മെമുവും വൈകും.
ഇടുക്കിയില് സ്കൈ ഡൈനിങ്ങിനിടെ വിനോദ സഞ്ചാരികള് ആകാശത്ത് കുടുങ്ങിയ സംഭവത്തില് എല്ലാവരെയും താഴെയിറക്കി. രണ്ടു വയസുള്ള കുഞ്ഞ് ഉള്പ്പെടെ നാലംഗ കുടുംബവും ഒരു ജീവനക്കാരനുമാണ് സ്കൈ ഡൈനിങ്ങിനായി മുകളിലേക്കു പോയത്. രണ്ടു മണിക്കൂറോളം നീണ്ട രക്ഷാപ്രവര്ത്തനത്തിന് ശേഷമാണ് ഫയര് ഫോഴ്സ് ഇവരെ താഴെയിറക്കിയത്. ക്രെയിനിന്റെ സങ്കേതിക തകരാര് ആണ് കാരണം.
അടുത്ത 3 മണിക്കൂറില് കേരളത്തിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്ക് സാധ്യത. എറണാകുളം ജില്ലയില് ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ട്.
24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്. ഇന്ന് തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലും നാളെ പത്തനംതിട്ട, ഇടുക്കി, പാലക്കാട്, മലപ്പുറം, വയനാട് ജില്ലകളിലും യെല്ലോ അലര്ട്ട് നിലനില്ക്കുന്നുണ്ട്.
ശബരിമല സ്വര്ണക്കൊള്ള കേസ് വഴിമാറ്റിവിടാന് ഉള്ള സിപിഎമ്മിന്റെ പുതിയ തന്ത്രമാണ് രാഹുല് മാങ്കൂട്ടത്തിലിനെതിരെയുള്ള പരാതിയെന്ന് അടൂര് പ്രകാശ് എംപി. എല്ലാ തെരഞ്ഞെടുപ്പ് കാലത്തും കേസുകള് ഉണ്ടാക്കി വിടുക എന്നത് സിപിഎം തന്ത്രമാണെന്നും താന് കോന്നിയിലും ആറ്റിങ്ങലും മത്സരിക്കുന്ന സമയത്ത് നിരവധി കേസുകള് ഇത്തരത്തില് ഉണ്ടാക്കിയെടുത്തുവെന്നും അദ്ദേഹം പറഞ്ഞു.
ബലാത്സംഗക്കേസിൽ പ്രതിയായ പാലക്കാട് എംഎൽഎ രാഹുൽ മാങ്കൂട്ടത്തിൽ തിരുവനന്തപുരം ജില്ലാ കോടതിയിൽ മുൻകൂർ ജാമ്യാപേക്ഷ നൽകി. അന്വേഷണവുമായി സഹകരിക്കുമെന്ന് ഹർജിയിൽ പറയുന്നു. പരാതിക്കാരിയെ പരിചയമുണ്ടെന്നും സുഹൃത്താണെന്നും ഹർജിയിൽ വ്യക്തമാക്കുന്ന രാഹുൽ ബലാത്സംഗം ചെയ്തെന്ന ആരോപണം നിഷേധിച്ചിട്ടുണ്ട്. ബലാത്സംഗക്കേസിൽ പ്രതിയായ പാലക്കാട് എംഎൽഎ രാഹുൽ മാങ്കൂട്ടത്തിൽ തിരുവനന്തപുരം ജില്ലാ കോടതിയിൽ മുൻകൂർ ജാമ്യാപേക്ഷ നൽകി. അന്വേഷണവുമായി സഹകരിക്കുമെന്ന് ഹർജിയിൽ പറയുന്നു. പരാതിക്കാരിയെ പരിചയമുണ്ടെന്നും സുഹൃത്താണെന്നും ഹർജിയിൽ വ്യക്തമാക്കുന്ന രാഹുൽ ബലാത്സംഗം ചെയ്തെന്ന ആരോപണം നിഷേധിച്ചിട്ടുണ്ട്.
സ്കൈ ഡൈനിങ്ങില് വിനോദ സഞ്ചാരികള് കുടുങ്ങി. ഇടുക്കി ആനച്ചാലില് ആണ് സംഭവം. ഒന്നരമണിക്കൂറായി ഇവര് കുടുങ്ങി കിടക്കുകയാണ്. രണ്ടും നാലും വയസുള്ള കുഞ്ഞുങ്ങള് അടക്കം 5 പേര് ആണ് ഉള്ളത്. ക്രെയിനിന്റെ സങ്കേതിക തകരാര് ആണ് കാരണം. ഇവരെ താഴെ ഇറക്കാനുള്ള നടപടികള് ആരംഭിച്ചിട്ടുണ്ട്.
റഷ്യൻ പ്രസിഡന്റ് വ്ലാദിമീർ പുടിൻ അടുത്തമാസം 4നും 5നും ഇന്ത്യയിൽ. റഷ്യൻ വിദേശകാര്യമന്ത്രാലയം പുടിന്റെ സന്ദർശനം സ്ഥിരീകരിച്ചു.23 -ാമത് ഇന്ത്യ - റഷ്യ വാർഷിക ഉച്ചകോടിയിൽ പങ്കെടുക്കാനാണ് പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ച് പുടിൻ എത്തുന്നത്. പ്രാദേശിക-ആഗോള വിഷയങ്ങളിലും ഇരുരാജ്യങ്ങളും ചർച്ച നടത്തുമെന്ന് വിദേശകാര്യ മന്ത്രാലയം അറിയിച്ചു . റഷ്യയിൽ നിന്ന് എണ്ണ വാങ്ങുന്നത് മുൻനിർത്തി അമേരിക്കൻ പ്രസിഡന്റ് ഏർപെടുത്തിയ തീരുവയടക്കമുള്ള വിഷയങ്ങൾ ചർച്ചാകുമെന്നാണ് വിവരം. രാഷ്ട്രപതി ദ്രൗപദി മുർമു റഷ്യൻ പ്രസിഡന്റിനെ സ്വീകരിക്കുകയും രാഷ്ട്രപതി ഭവനിൽ വിരുന്ന് നൽകുകയും ചെയ്യും.
ശബരിമലയിൽ അന്നദാനത്തിന്റെ ഭാഗമായി ഡിസംബർ 2 മുതൽ ഭക്തർക്ക് സദ്യ വിളമ്പി തുടങ്ങുമെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് കെ ജയകുമാർ. ചോറ്, പരിപ്പ്, സാമ്പാർ, അവിയൽ, അച്ചാർ, തോരൻ, പപ്പടം, പായസം എന്നിങ്ങനെ ചുരുങ്ങിയത് ഏഴ് വിഭവങ്ങൾ സദ്യയിൽ ഉൾപ്പെടുത്തും. ഉച്ച 12 മുതൽ മൂന്ന് വരെയാണ് സദ്യ വിളമ്പുക. സ്റ്റീൽ പ്ളേറ്റും സ്റ്റീൽ ഗ്ലാസുമാണ് ഇതിനായി ഉപയോഗിക്കുക.
തീർഥാടകർ ഉപേക്ഷിക്കുന്ന വസ്ത്രങ്ങളാൽ പമ്പ മലിനമാകുന്ന സാഹചര്യത്തിൽ നിർദ്ദേശങ്ങൾ പുറപ്പെടുവിച്ച് കേരള ഹൈക്കോടതി. പമ്പയിൽ വസ്ത്രങ്ങൾ ഉപേക്ഷിക്കുന്നത് ആചാരമല്ലെന്ന് ഭക്തരെ ബോധ്യപ്പെടുത്തണമെന്ന് കോടതി നിർദ്ദേശിച്ചു. ഈവിഷയത്തിൽ വ്യാപക പ്രചാരണം നടത്തണമെന്നും ദേവസ്വം ബോർഡിന് ജസ്റ്റിസുമാരായ എ.വിജയരാഘവൻ, കെവി ജയകുമാർ എന്നിവരുടെ ബെഞ്ച് പറഞ്ഞു.
കോൺഗ്രസിനെ നശിപ്പിക്കാൻ ബിജെപി റിക്രൂട്ട് ചെയ്ത 'ട്രോജൻ കുതിര'യാണ് എഐസിസി ജനറൽ സെക്രട്ടറി കെസി വേണുഗോപാൽ എന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. കെസി വേണുഗോപാലിന്റെ സമീപകാല പ്രസ്താവനകളോട് പ്രതികരിക്കുകയായിരുന്നു മന്ത്രി.
ബിജെപിക്ക് രാജ്യസഭയിൽ ഭൂരിപക്ഷം ഉറപ്പാക്കാൻ വേണ്ടി മനഃപൂർവ്വം രാജ്യസഭാ സ്ഥാനാർത്ഥിത്വം ഒഴിഞ്ഞുകൊടുത്ത മഹാനാണ് കെസി വേണുഗോപാൽ. രാഹുൽ ഗാന്ധിക്ക് തെറ്റായ ഉപദേശങ്ങൾ നൽകി, തിരഞ്ഞെടുപ്പ് നടക്കുന്ന ഓരോ സംസ്ഥാനങ്ങളിലും കോൺഗ്രസിനെ നിലംപരിശാക്കുന്ന തന്ത്രമാണ് അദ്ദേഹം പയറ്റുന്നതെന്നും ശിവൻകുട്ടി ആരോപിച്ചു.
ഡിജിറ്റല്, സാങ്കേതിക സര്വകലാശാല വിസി നിയമനത്തില് ചാന്സലര് കൂടിയായ കേരള ഗവര്ണറെ രൂക്ഷമായി വിമര്ശിച്ച് സുപ്രീം കോടതി. വിസി നിയമനവുമായി ബന്ധപ്പെട്ട് ജസ്റ്റിസ് സുധാന്ഷു ദുലിയ നല്കിയ ശുപാര്ശയില് അടിയന്തരമായി തീരുമാനം എടുക്കണമെന്ന് സുപ്രീം കോടതി ഗവർണറോട് നിര്ദേശിച്ചു.
ലൈംഗിക പീഡനക്കേസില് രാഹുൽ മാങ്കൂട്ടത്തിൽ എംഎല്എയെ അറസ്റ്റ് ചെയ്യാനുള്ള നീക്കങ്ങള് ഊർജിതമാക്കി പോലീസ്. രാഹുൽ മാങ്കൂട്ടത്തിലിനായി ലുക്ക്ഔട്ട് സർക്കുലർ പുറത്തിറക്കിയിട്ടുണ്ട്. രാഹുൽ വിദേശത്തേക്ക് കടക്കാന് സാധ്യതയുള്ളതിനാലാണ് ലുക്ക്ഔട്ട് സർക്കുലർ പുറത്തിറക്കിയിരിക്കുന്നത്.
മുനമ്പത്തെ ഭൂസമരം അവസാനിപ്പിക്കുന്നതുമായി ബന്ധപ്പെട്ട് ചര്ച്ച നടത്താന് സമര സമിതി കോര് കമ്മറ്റി യോഗം ഇന്ന്. ഇന്നലെ രാത്രി ചേരേണ്ട യോഗം വിപുലമായ ചര്ച്ചക്ക് വേണ്ടിയാണ് ഇന്നത്തേക്ക് മാറ്റിയത്. മന്ത്രിമാർ അടക്കമുള്ള ജനപ്രതിനിധികള്, രാഷ്ട്രീയ നേതാക്കള്, സമുദായ നേതാക്കള് തുടങ്ങി എല്ലാവരെയും പങ്കെടുപ്പിച്ച് വരാപ്പുഴ അതിരൂപതാ ആസ്ഥാനത്ത് വിപുലമായ ചടങ്ങ് നടത്തി സമരം അവസാനിപ്പിക്കുന്ന പ്രഖ്യാപനം നടത്താനാണ് നീക്കം.
രാഹുൽ മാങ്കൂട്ടത്തിൽ എംഎൽഎയ്ക്കെതിരെ മുഖ്യമന്ത്രിക്ക് പരാതി നൽകിയ അതിജീവിതയെ അപമാനിച്ച് മുൻ വനിതാ ഡിജിപി ആർ ശ്രീലേഖ. സ്വർണക്കൊള്ള മറയ്ക്കാനാണോ പരാതിയെന്നാണ് ആർ ശ്രീലേഖയുടെ പ്രതികരണം. ബിജെപിയെ വെട്ടിലാക്കി രാഹുൽ മാങ്കൂട്ടത്തിലിനെ പ്രതിരോധിച്ചാണ് മുൻ പോലീസ് ഉദ്യോഗസ്ഥയുടെ പോസ്റ്റ്. നിലവിൽ തിരുവനന്തപുരം കോർപ്പറേഷനിലെ ബിജെപി സ്ഥാനാർഥി കൂടിയാണ് ആർ ശ്രീലേഖ.
ലൈംഗിക പീഡന പരാതിയിൽ പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെ വലിയമല പോലീസ് എടുത്ത കേസ് നേമം പൊലീസ് സ്റ്റേഷനിലേക്ക് കൈമാറും. രാഹുലിനെതിരെയുള്ള കേസിൽ രണ്ടു പ്രതികളാണുള്ളത്. രാഹുലും സുഹൃത്തും പ്രതികളായിരിക്കും. ബലാത്സംഗം,നിർബന്ധിത ഭ്രൂണഹത്യ വകുപ്പുകൾക്ക് പുറമെ ദേഹോപദ്രവം ഏൽപ്പിക്കൽ വകുപ്പ് കൂടി ചുമത്തിയിട്ടുണ്ട്.
പാലക്കാട് എംഎൽഎ രാഹുൽ മാങ്കൂട്ടത്തിലിനെതിരായ ലൈംഗിക പീഡന പരാതിയിൽ രൂക്ഷഭാഷയിൽ പ്രതികരിച്ച് രാജ്മോഹൻ ഉണ്ണിത്താൻ എംപി. ആരോപണത്തിൽ അടിസ്ഥാനം ഉണ്ടെന്ന് കണ്ടാണ് രാഹുലിനെ പാർട്ടിയിൽ നിന്ന് സസ്പെൻഡ് ചെയ്തത് എന്നും രാഹുൽ വടി കൊടുത്ത് അടി വാങ്ങിയെന്നും രാജ്മോഹൻ ഉണ്ണിത്താൻ പറഞ്ഞു. പാർലമെന്ററി പാർട്ടിയിൽ നിന്ന് പുറത്താക്കിയിട്ടും രാഹുൽ പാർട്ടിയെയും ഇരയെയും മാധ്യമങ്ങളെയും വെല്ലുവിളിച്ചുവെന്നും അദ്ദേഹം ചൂണ്ടിക്കാട്ടി.
പീഡന പരാതി നേരിടുന്ന പാലക്കാട് എംഎൽഎ രാഹുൽ മാങ്കൂട്ടത്തിലിനെ പിന്തുണയ്ക്കുകയാണ് വടകര എംപി ഷാഫി പറമ്പിലെന്ന ആരോപണവുമായി എസ്എഫ്ഐ സംസ്ഥാന പ്രസിഡന്റ് എം ശിവപ്രസാദ്. പിആർ ടീമിനെ ഉപയോഗിച്ച് ഷാഫി പറമ്പിൽ ഇപ്പോഴും കൂട്ടുകാരന് സംരക്ഷണം ഒരുക്കുകയാണ്. ഇതിന് കോൺഗ്രസ് കൂട്ടുനിൽക്കുകയാണെന്നും എം ശിവപ്രസാദ് വിമർശിച്ചു.
രാഹുൽ മാങ്കൂട്ടത്തിൽ എംഎൽഎക്കെതിരായ ലൈംഗിക പീഡനക്കേസിൽ പ്രതികരിച്ച് പാലക്കാട് ഡിസിസി അധ്യക്ഷൻ. പരാതി അന്വേഷിക്കട്ടെയെന്നും കുറ്റക്കാരനെങ്കിൽ ശിക്ഷിക്കട്ടെയെന്നും എ തങ്കപ്പൻ മാധ്യമങ്ങളോട് പറഞ്ഞു. രാഹുൽ മാങ്കൂട്ടത്തിൽ പാർട്ടി പരിപാടികളിൽ പങ്കെടുത്തിട്ടില്ലെന്നാണ് ഡിസിസി അധ്യക്ഷന്റെ വാദം.
എംഇഎസ് പ്രസിഡന്റ് ഫസൽ ഗഫൂർ എൻഫോഴ്സ്മെന്റ് ഡയറക്ട്രേറ്റ് കസ്റ്റഡിയിൽ. എംഇഎസ് സ്ഥാപനങ്ങളിലെ സാമ്പത്തിക ഇടപാടുമായി ബന്ധപ്പെട്ട പരാതിയിലാണ് ഇഡിയുടെ നടപടി. നെടുമ്പാശ്ശേരി വിമാനത്താവളത്തിൽ നിന്നും നാടകീയമായാണ് ഫസൽ ഗഫൂറിനെ കസ്റ്റഡിയിൽ എടുത്തത്. ഓസ്ട്രേലിയയിലേക്ക് പോകാൻ എത്തിയതായിരുന്നു അദ്ദേഹം.
പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെയുള്ള ലൈംഗിക പീഡന പരാതിയിൽ പോലീസ് കേസെടുത്തു. തിരുവനന്തപുരം വലിയമല സ്റ്റേഷനിലാണ് എഫ്ഐആർ രജിസ്റ്റർ ചെയ്തിരിക്കുന്നത്. വിവാഹ വാഗ്ഭാഗം നൽകി ലൈംഗിക പീഡനം, നിർബന്ധിച്ച് ഗർഭഛിദ്രം നടത്തി എന്നീ കുറ്റങ്ങളാണ് രാഹുലിനെതിരെ ചുമത്തിയിരിക്കുന്നത്.
Click it and Unblock the Notifications
Sign in with Google