എംഎം മണി ജില്ലാ സെക്രട്ടറി സ്ഥാനത്തു നിന്നു പടിയിറങ്ങുന്നു
ഇടുക്കി: വിവാദ പ്രസംഗ നായകന് എം.എം മണി ഇടുക്കി ജില്ലാ സെക്രട്ടറി സ്ഥാനം രാജിവെക്കാന് ഒരുങ്ങുന്നു. കാലങ്ങളായി ജില്ലാ സെക്രട്ടറി സ്ഥാനം വഹിച്ച എം.എം മണിയാണ് പുതിയ അവകാശിക്ക് സ്ഥാനം കൈമാറാന് ഒരുങ്ങുന്നത്. മണിയുടെ കൊലവറി പ്രസംഗത്തില് അന്വേഷിക്കേണ്ടതായി ഒന്നുമില്ലെന്ന് സുപ്രീംകോടതി പറഞ്ഞതിനു പിന്നാലെയാണ് മണി സ്ഥാനം ഒഴിയുന്ന തീരുമാനം അറിയിച്ചിരിക്കുന്നത്.
വിവാദ പ്രസംഗത്തെ തുടര്ന്ന് ഇടുക്കി ജില്ലാ സെക്രട്ടറി സ്ഥാനം ഒരു തവണ ഒഴിയേണ്ടി വന്നതായിരുന്നു എം.എം മണിക്ക്. തുടര്ന്ന് കോടതി കുറ്റവിമുക്തനാക്കിയതോടെ വീണ്ടും ജില്ലാ സെക്രട്ടറിയായി പാര്ട്ടി അദ്ദേഹത്തെ നിയോഗിക്കുകയായിരുന്നു. സുപ്രീംകോടതിയുടെ ക്ലീന് ചീറ്റ് നേടിയതിനുശേഷമാണ് മണി സ്ഥാനം രാജിവെക്കാന് ഒരുങ്ങുന്നത്.
ഇടുക്കി ജില്ലാ സെക്രട്ടറി സ്ഥാനത്തേക്ക് പുതിയ ആളെ ഉടന് പ്രഖ്യാപിക്കും. ഇടുക്കിയിലെ മണ്ണ് ചുവപ്പിച്ച അഹങ്കാരത്തോടെയാണ് മണിയാശാന് ജില്ലാ സെക്രട്ടറി സ്ഥാനം ഒഴിയുന്നത്. രാഷ്ട്രീയ എതിരാളികളെ സിപിഐഎം കൊന്നുതള്ളിയെന്ന് മണി പൊതുവേദിയില് പ്രസംഗിച്ചത് ഏറെ കോളിളക്കം സൃഷ്ടിച്ച ഒന്നാണ്. മണിയെ അറസ്റ്റു ചെയ്തു ജയിലില് അടക്കുന്ന സംഭവത്തിലേക്കു വരെ എത്തിച്ചു. എം.എം
മണി നടത്തിയ വിവാദ പ്രസ്താവനയെക്കുറിച്ച് തുടരന്വേഷണം നടത്തണമെന്ന സംസ്ഥാന സര്ക്കാറിന്റെ ഹര്ജി സുപ്രീകോടതി കഴിഞ്ഞ ദിവസം തളളുകയായിരുന്നു. കോടതി വിധിയെ സന്തോഷത്തോടെ സ്വീകരിച്ചു കൊണ്ടാണ് എം.എം മണിയുടെ പടിയിറക്കം.