കേരളത്തില് ഇന്ന് അതിശക്തമായ മഴ, നാല് ജില്ലകളില് ഓറഞ്ച് അലര്ട്ട്, അതിജാഗ്രത ഓഗസ്റ്റ് 20 വരെ!!
തിരുവനന്തപുരം: കേരളത്തില് ഇന്ന് മുതല് അതിശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ്. വിവിധ ജില്ലകളില് ഓറഞ്ച്-യെല്ലോ അലര്ട്ടുകളും പ്രഖ്യാപിച്ചിട്ടുണ്ട്. സംസ്ഥാനത്ത് മഴ കനത്തിരിക്കുകയാണെന്നും, എല്ലാവരും ജാഗ്രതയോടെ ഇരിക്കണമെന്നും നിര്ദേശമുണ്ട്. ബംഗാള് ഉള്ക്കടലില് രൂപം കൊള്ളുന്ന ന്യൂനമര്ദത്തെ തുടര്ന്നാണ് കേരളത്തില് അതിശക്തമായ മഴയ്ക്ക് സാധ്യതയുള്ളത്. ഇടുക്കി, കോഴിക്കോട്, കണ്ണൂര്, കാസര്കോട്, ജില്ലകളില് അതിശക്തമായ മഴയുണ്ടാവും. ഇവിടെ ഓറഞ്ച് അലര്ട്ട് പ്രഖ്യാപിച്ചു.
24 മണിക്കൂറില് 115.6 മില്ലി മീറ്റര് മുതല് 204 മില്ലി മീറ്റര് വരെ മഴ ലഭിക്കുമെന്നാണ് കാലാവസ്ഥാ വകുപ്പിന്റെ പ്രവചനം. ഓഗസ്റ്റര് ആറ് വരെ സംസ്ഥാനത്ത് കനത്ത മഴ ല ഭിക്കും. തീരദേശവാസികള് ജാഗ്രത പാലിക്കണമെന്നും നിര്ദേശമുണ്ട്. പൊതുജനങ്ങളോടും സര്ക്കാര് സംവിധാനങ്ങളോടും അതീവ ജാഗ്രത പാലിക്കാനും തയ്യാറെടുപ്പുകള് നടത്താനും സംസ്ഥാന ദുരന്ത നിവാരണ അതോറിറ്റി നിര്ദേശിച്ചു. പാലക്കാട് ഒഴികെയുള്ള ജില്ലകളില് ശക്തമായി മഴയ്ക്ക് സാധ്യതയുള്ളതിനാല് യെല്ലോ അലര്ട്ടും നല്കിയിട്ടുണ്ട്.
Recommended Video
വെള്ളപ്പൊക്കത്തിനും സാധ്യതുള്ളതിനാല് ജില്ലാ ഭരണകൂടങ്ങളും തദ്ദേശസ്ഥാപനങ്ങള്ക്കും സര്ക്കാര് മുന്നറിയിപ്പുണ്ട്. അതീവ ശ്രദ്ധ വേണമെന്നാണ് നിര്ദേശം. കടലാക്രമണവും രൂക്ഷമായ സാഹചര്യത്തിലാണ് മത്സ്യത്തൊഴിലാളികള് കടലില് പോകരുതെന്ന് നിര്ദേശിച്ചിരിക്കുന്നത്. ഓഗസ്റ്റ് 20 വരെയെങ്കിലും അതീവ ജാഗ്രത പുലര്ത്തണം. കഴിഞ്ഞ ദിവസങ്ങളില് എറണാകുളം അടക്കമുള്ള സ്ഥലങ്ങളില് വെള്ളപ്പൊക്കമുണ്ടായിരുന്നു. ഈ മേഖലകളില് കൂടുതല് ജാഗ്രത വേണമെന്ന് നിര്ദേശമുണ്ട്. കേരള തീരത്ത് മൂന്ന് മുതല് 3.4 മീറ്റര് ഉയരത്തില് തിരമാലയ്ക്ക് സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം അറിയിച്ചു.
കേന്ദ്ര കാലാവസ്ഥ വകുപ്പ് അതിശക്തമായ മഴക്കുള്ള സാധ്യത പ്രവചിച്ചിരിക്കുന്നതിനാല് പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കേണ്ടതാണ്. ഓറഞ്ച്, മഞ്ഞ അലേര്ട്ട് പ്രഖ്യാപിക്കപ്പെട്ടിരിക്കുന്ന ജില്ലകളില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
2018, 2019 വര്ഷങ്ങളില് ഉരുള്പൊട്ടല്-മണ്ണിടിച്ചില്, വെള്ളപ്പൊക്കം എന്നിവ ഉണ്ടായ മേഖലകളില് ഉള്ളവര്, ജിയോളജിക്കല് സര്വേ ഓഫ് ഇന്ത്യയും സംസ്ഥാന ദുരന്ത നിവാരണ അതോറിറ്റിയുടെ വിദഗ്ധ സമിതിയും അപകട സാധ്യത മേഖലകള് അഥവാ വാസയോഗ്യമല്ലാത്ത പ്രദേശങ്ങള് എന്ന് കണ്ടെത്തിയ സ്ഥലങ്ങളില് താമസിക്കുന്നവരും അവിടങ്ങളിലുള്ള തദ്ദേശ സ്ഥാപനങ്ങളും സര്ക്കാര് സംവിധാനങ്ങളും അപകട സാധ്യത മുന്നില് കണ്ട് കൊണ്ടുള്ള തയ്യാറെടുപ്പുകള് പൂര്ത്തീകരിക്കേണ്ടതാണ്.
Click it and Unblock the Notifications
Sign in with Google