കേരളത്തില് കാലവര്ഷം ദുര്ബലം.... ഒറ്റപ്പെട്ട മഴയ്ക്ക് സാധ്യത, സമാന കാലാവസ്ഥ തുടരുമെന്ന് പ്രവചനം!!
തിരുവനന്തപുരം: കേരളത്തില് മഴ കുറയുമെന്ന് കാലാവസ്ഥാ നിരീക്ഷണ വകുപ്പ്. തെക്ക് പടിഞ്ഞാറന് കാലവര്ഷം ദുര്ബലമായിരിക്കുകയാണ്. സംസ്ഥാനത്തിന്റെ ചില ഭാഗങ്ങളില് മാത്രമാണ് മഴ ലഭിച്ചത്. ലക്ഷദ്വീപിലും കാര്യമായ മഴ ലഊഭിച്ചില്ല. അതേസമയം കേരള തീരത്ത് മത്സ്യബന്ധനത്തിന് തടസമില്ല. കര്ണ്ണാടക തീരത്ത് മണിക്കൂറില് 40 മുതല് 50 കി മീ വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പറഞ്ഞ പ്രദേശങ്ങളില് മത്സ്യതൊഴിലാളികള് മത്സ്യ ബന്ധനത്തിന് പോകാന് പാടുള്ളതല്ല.
21 വരെ തെക്ക്-പടിഞ്ഞാറ് അറബിക്കടല്,മധ്യ-പടിഞ്ഞാറ് അറബിക്കടല് എന്നിവിടങ്ങളില് മണിക്കൂറില് 50 മുതല് 60 കി മീ വരെ വേഗതയില് ശക്തമായ കാറ്റിന് സാധ്യത. വടക്ക് ബംഗാള് ഉള്ക്കടല് അതിനോട് ചേര്ന്നുള്ള ഒഡീഷ- പശ്ചിമ ബംഗാള് തീരം എന്നിവിടങ്ങളില് മണിക്കൂറില് 40 മുതല് 50 കി മീ വരെ വേഗതയില് ശക്തമായ കാറ്റിന് സാധ്യത.ഗുജറാത്ത്-മഹാരാഷ്ട്ര-ഗോവ-കര്ണ്ണാടക തീരങ്ങളില് മണിക്കൂറില് 40 മുതല് 50 കിമീ വരെ വേഗതയില് ശക്തമായ കാറ്റിനും സാധ്യതയുണ്ട്.
വടക്ക് അറബിക്കടലില് മണിക്കൂറില് 50 മുതല് 60 കി മീ വരെ വേഗതയില് ശക്തമായ കാറ്റിന് സാധ്യത. മേല്പറഞ്ഞ കാലയളവില് മേല്പറഞ്ഞ പ്രദേശങ്ങളില് മത്സ്യതൊഴിലാളികള് മത്സ്യ ബന്ധനത്തിന് പോകാന് പാടുള്ളതല്ല. അതേസമയം കേരളത്തില് അങ്ങാടിപ്പുറം, ഇരിക്കൂര് എന്നിവിടങ്ങളില് മൂന്ന് സെന്റിമീറ്റര് മഴ രേഖപ്പെടുത്തിയപ്പോള് കരിപ്പൂര് വിമാനത്താവളം, പെരിന്തല്മണ്ണം, കോഴിക്കോട്, കൊയിലാണ്ടി, വടകര, കണ്ണൂര്, പിറവം എന്നിവിടങ്ങളില് രണ്ട് സെന്റിമീറ്റര് മഴയും രേഖപ്പെടുത്തി.
അതേസമയം അടുത്ത അഞ്ച് ദിവസവും കേരളത്തില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പ് പ്രവചിക്കുന്നു. ഇടിയോട് കൂടിയ മഴയാണ് കേരളത്തിലും ലക്ഷദ്വീപിലും പ്രതീക്ഷിക്കുന്നത്. എന്നാല് മുന്നറിയിപ്പുകളൊന്നും ഇതുവരെ ലഭിച്ചിട്ടില്ല.