ഉമ്മന്ചാണ്ടിയുടെ ഭൗതികശരീരം പുതുപ്പള്ളി പള്ളിയിലേക്ക് എത്തിച്ചു. സംസ്കാര ശുശ്രൂഷകള് ആരംഭിച്ചു.
Jul 20, 2023, 8:56 pm IST
ഉമ്മന്ചാണ്ടിയുടെ മൃതദേഹം പുതുപ്പള്ളി പള്ളിയിലേക്ക് എത്തുന്നു.
Jul 20, 2023, 8:45 pm IST
ഉമ്മന്ചാണ്ടിക്ക് വിട നല്കി കുടുംബവീട്
Jul 20, 2023, 8:18 pm IST
വിലാപ യാത്ര പള്ളിയിലേക്ക് പുറപ്പെട്ടു
Jul 20, 2023, 8:02 pm IST
രാഹുല് ഗാന്ധി സംസ്കാര ചടങ്ങുകള് നടക്കുന്ന പുതുപ്പള്ളി വലിയ പള്ളിയില് എത്തി
Jul 20, 2023, 7:48 pm IST
ഉമ്മന്ചാണ്ടിക്ക് അന്തിമോപചാരം അര്പ്പിക്കാന് കോണ്ഗ്രസ് നേതാവ് രാഹുല് ഗാന്ധി എത്തിയേക്കുമെന്ന് സൂചന.
Jul 20, 2023, 7:40 pm IST
അന്ത്യ ശുശ്രൂഷ ചടങ്ങുകൾ പൂർത്തിയായി
Jul 20, 2023, 7:35 pm IST
പുതുപ്പള്ളി ദേവാലയത്തിന്റെ അരുമ സന്താനമാണ് ഉമ്മന് ചാണ്ടി. വിശ്വാസ പ്രവർത്തനവും പൊതുപ്രവർത്തനവും ഒരു പോലെ കൊണ്ടുപോയ നേതാവാണ് ഉമ്മന് ചാണ്ടിയെന്നും പുരോഹിതന്
Jul 20, 2023, 7:34 pm IST
പുതുപ്പള്ളി പള്ളിയില് എല്ലാവർക്കും പൊതുദർശനത്തിനുള്ള സൌകര്യം ഏർപ്പാടുത്തുമെന്ന് പുരോഹിതന്
Jul 20, 2023, 7:27 pm IST
പൊതു ദർശനത്തിന് ശേഷം മൃതദേഹം വിലാപ യാത്രയായി പുതുപ്പള്ളി വലിയ പള്ളിയിലേക്ക് എത്തിക്കും. രാഹുല് ഗാന്ധി ഉള്പ്പെടേയുള്ളവർ ഇവിടെയത്തി അന്തിമോപചാരം അർപ്പിക്കും
Jul 20, 2023, 7:25 pm IST
പുതുപ്പള്ളിയിലെ പുതിയ വീട്ടില് പൊതുദർശനം പുരോഗമിക്കുന്നു. അന്തിമ ശുശ്രൂഷകളും തുടരുന്നു
Jul 20, 2023, 7:15 pm IST
ഭൗതിക ശരീരം നിർമ്മാണത്തിലിരുന്ന വീട്ട് പരിസരത്തേക്ക് എത്തിച്ചു. അരമണിക്കൂറിലേറെ നേരം ഇവിടെ പൊതുദർശനം നടക്കും
ഉമ്മന് ചാണ്ടിയുടെ ഭൗതിക ശരീരം തറവാട് വീട്ടില് നിന്നും പുതിയ വീട്ട് പരിസരത്ത് സജ്ജീകരിച്ച പന്തലിലേക്ക് കൊണ്ടു പോവുന്നു
Jul 20, 2023, 6:49 pm IST
ഉമ്മന് ചാണ്ടിക്ക് അന്തിമോപചാരം അർപ്പിക്കാനായി രാഹുല് ഗാന്ധി പുതുപ്പള്ളിയിലെ വീട്ടിലെത്തി
Jul 20, 2023, 6:37 pm IST
പുതുപ്പള്ളിയിലെ കുടുംബ വീട്ടിലെ പ്രാർത്ഥനാ ചടങ്ങുകള് പുരോഗമിക്കുന്നു.
Jul 20, 2023, 6:30 pm IST
ഉമ്മന് ചാണ്ടിയെ അവസാനമായി ഒരു നോക്ക് കാണാന് പുതുപ്പള്ളിയിലേക്ക് ഒഴുകിയെത്തിയ ജനക്കൂട്ടം
Jul 20, 2023, 6:25 pm IST
ഉമ്മന് ചാണ്ടിയുടെ ഭൗതിക ശരീരം പുതുപ്പള്ളിയിലെ വീട്ടില്. രാഹുല് ഗാന്ധി അടക്കമുള്ളവർ ഇവിടെയെത്തി അന്തിമോപചാരം അർപ്പിക്കും
Jul 20, 2023, 6:17 pm IST
കുടുംബ കല്ലറയ്ക്ക് പകരം, വൈദികരുടെ കബറിടത്തിന് സമീപമായി പ്രത്യേക കല്ലറയാണ് ഉമ്മന് ചാണ്ടിക്കായി ഒരുക്കിയിരിക്കുന്നത്
Jul 20, 2023, 6:08 pm IST
പുതുപ്പള്ളി സെന്റ്: ജോർജസ് പള്ളിയില് പ്രാർത്ഥനാ ചടങ്ങുകള് ആരംഭിച്ചു
Jul 20, 2023, 6:01 pm IST
ഉമ്മന് ചാണ്ടിക്കെതിരായ പരാമർശത്തില് നടന് വിനായകനെതിരെ പൊലീസ് കേസെടുത്തു. നിയമോപദേശത്തിന്റെ അടിസ്ഥാനത്തിലാണ് നടപടി
Jul 20, 2023, 5:56 pm IST
കേരള മുഖ്യമന്ത്രി പിണറായി വിജയന്, കർണാടക മുഖ്യമന്ത്രി സിദ്ധരാമയ്യ തുടങ്ങിയവർ പുതുപ്പള്ളിയിലെ വീട്ടിലെത്തി ഉമ്മന്ചാണ്ടിക്കിക്ക് അന്തിമോപചാരം അർപ്പിക്കും
Jul 20, 2023, 5:50 pm IST
സംസ്കാര ചടങ്ങിലേക്ക് പങ്കെടുക്കാന് രാഹുല് ഗാന്ധി കൊച്ചിയില് നിന്നും കോട്ടയത്തേക്ക് പുറപ്പെട്ടു
ഔദ്യോഗിക ബഹുമതികളില്ലാതെയാണ് ഉമ്മന് ചാണ്ടിയുടെ അന്ത്യകർമ്മങ്ങള് നടക്കുക. ഔദ്യോഗിക കർമ്മങ്ങള് വേണ്ടെന്ന് നേരത്തെ ഉമ്മന് ചാണ്ടി വ്യക്തമാക്കിയിരുന്നു
Jul 20, 2023, 5:35 pm IST
വൈകീട്ട് 6.30 ന് വീട്ടിലെ പ്രാർത്ഥനാ ചടങ്ങുകള് ആരംഭിക്കും. അതിന് ശേഷം വിലാപ യാത്രയായി പുതുപ്പള്ളി വലിയ പള്ളിയിലേക്ക് കൊണ്ടു പോവും
READ MORE
9:09 AM, 18 Jul
ഉമ്മന് ചാണ്ടിയുടെ മൃതദേഹം ബെംഗളൂരുവില് പൊതുദര്ശനത്തിന് വെക്കും. സോണിയാ ഗാന്ധിയും, രാഹുല് ഗാന്ധിയും അടക്കമുള്ളവര് ഇവിടെ എത്തും
9:11 AM, 18 Jul
ദര്ബാര് ഹാളിലും, കെപിസിസി ആസ്ഥാനത്തും ഉമ്മന് ചാണ്ടിയുടെ മൃതദേഹം പൊതുദര്ശനത്തിന് വെക്കും
9:12 AM, 18 Jul
വിദ്യാഭ്യാസ സ്ഥാപനങ്ങള്ക്കും, സര്ക്കാര് ഓഫീസുകള്ക്കും അവധി. ദേശീയ പതാക പകുതി താഴ്ത്തി കെട്ടും. സംസ്ഥാനത്ത് പൊതു അവധി പ്രഖ്യാപിച്ചതിനെ തുടര്ന്ന് എംജി യൂണിവേഴ്സിറ്റിയിലെ ഇന്നത്തെ പരീക്ഷകളും മാറ്റിയതായി വൈസ് ചാന്സലര് അറിയിച്ചു.
9:14 AM, 18 Jul
പുതുപ്പള്ളിയിലേക്ക് നാളെ വിലാപയാത്ര
9:18 AM, 18 Jul
പാര്ട്ടിയുടെ നെടുംതൂണായിരുന്നു ഉമ്മന് ചാണ്ടിയെന്ന് പ്രിയങ്ക ഗാന്ധി
9:30 AM, 18 Jul
നീതി നിഷേധത്തിന്റെ കാലഘട്ടത്തില് വളരെ ശക്തമായ ഇടപെടലുകള് ഉമ്മന്ചാണ്ടി നടത്തിയിരുന്നുവെന്ന് അബ്ദുന്നാസര് മഅദനി. ഭരണ-പ്രതിപക്ഷ മേഖലയില് ഇത്രയധികം സ്വാധീനം ചെലുത്തിയ നേതാവ് വേറെയില്ലെന്നും മഅദനി
9:37 AM, 18 Jul
കേരളത്തിന് നഷ്ടമായത് ജനകീയ മുഖമാണെന്ന് കര്ദിനാള് ക്ലീമിസ് ബാവ. സാധാരണക്കാരന്റെ ആവശ്യങ്ങള്ക്ക് മുന്നില് അദ്ദേഹത്തിന്റെ വീടോ ഓഫീസോ, ഒരിക്കലും അടഞ്ഞ് കിടന്നിരുന്നില്ലെന്നും കര്ദിനാള് ബാവ.
9:57 AM, 18 Jul
ഉമ്മന്ചാണ്ടിയുടെ വിയോഗത്തില് അനുശോചനം അറിയിച്ച് വിഎസ്സ് അച്യുതാനന്ദന്റെ മകന് അരുണ് കുമാര്. നിയമസഭയിലും കോടതിയിലുമെല്ലാം എന്റെ അച്ഛന് അദ്ദേഹവുമായി കൊമ്പുകോര്ക്കുന്നത് കണ്ടിട്ടുണ്ട്. രാഷ്ട്രീയമായി വിയോജിക്കുമ്പോഴും വ്യക്തിപരമായി അച്ഛന് ഉമ്മന്ചാണ്ടിയെ അംഗീകരിക്കുകയും ഇഷ്ടപ്പെടുകയും ചെയ്തിരുന്നു. അദ്ദേഹത്തിന്റെ വിയോഗത്തില് നേരിട്ട് അനുശോചിക്കാനാവാത്തതിന്റെ വിഷമം അച്ഛനുള്ളതായി ഞാന് മനസ്സിലാക്കുന്നുവെന്നും അരുണ് കുമാര്.
10:00 AM, 18 Jul
ബെംഗളൂരുവില് പൊതുദര്ശനം പത്ത് മണിയോടെ ആരംഭിക്കും. കര്ണാടക മുന് മന്ത്രി ടി ജോണിന്റെ വസതിയിലാണ് പൊതുദര്ശനത്തിന് വെക്കുന്നത്. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയും, രാഹുല് ഗാന്ധിയും അടക്കമുള്ള നേതാക്കള് ആദരാഞ്ജലി അര്പ്പിക്കും. 11 മണിയോടെയാണ് എയര് ആംബുലന്സില് മൃതദേഹം തിരുവനന്തപുരത്തേക്ക് കൊണ്ടുപോവുക.
10:24 AM, 18 Jul
മന്ത്രി എംബി രാജേഷ് ഉമ്മന് ചാണ്ടിയുടെ വിയോഗത്തില് അനുശോചിച്ചു. ലാളിത്യവം ജനകീയതയും ഉമ്മന് ചാണ്ടിയുടെ മുഖമുദ്രയായിരുന്നു. കേരള രാഷ്ട്രീയത്തിലെ സമുന്നതനായ നേതാവിനെയാണ് നഷ്ടമായതെന്നും രാജേഷ്
10:27 AM, 18 Jul
ജൂലായ് 19ന് നടത്താന് തീരുമാനിച്ച സംസ്ഥാന ചലച്ചിത്ര അവാര്ഡ് പ്രഖ്യാപനം മാറ്റി. ഉമ്മന് ചാണ്ടിയുടെ നിര്യാണത്തെ തുടര്ന്നാണിത്. പുരസ്കാരങ്ങള് 21ന് മന്ത്രി സജി ചെറിയാന് പ്രഖ്യാപിക്കും
10:48 AM, 18 Jul
കോണ്ഗ്രസ് നേതാക്കളായ മല്ലികാര്ജുന് ഖാര്ഗെ, സോണിയാ ഗാന്ധി, രാഹുല് ഗാന്ധി എന്നിവര് ഉമ്മന് ചാണ്ടിയുടെ ഭൗതിക ശരീരത്തില് അന്തിമോപചാരം അര്പ്പിച്ചു. തമിഴ്നാട് മുഖ്യമന്ത്രി എംകെ സ്റ്റാലിനും ഇതിനൊപ്പം അന്തിമോപചാരം അര്പ്പിച്ചു.
Congress Parliamentary Party Chairperson Sonia Gandhi, Congress president Mallikarjun Kharge, and party leader Rahul Gandhi paid last respects to former Kerala CM Oommen Chandy, in Bengaluru.
ബെംഗളൂരുവില് പൊതുദര്ശനത്തിന് വെച്ച ഉമ്മന് ചാണ്ടിയുടെ മൃതദേഹത്തില് ആദരാഞ്ജലി അര്പ്പിക്കാന് കര്ണാടക മുഖ്യമന്ത്രി സിദ്ധരാമയ്യ എത്തിയപ്പോള്. കോണ്ഗ്രസിന്റെ ദേശീയ നേതാക്കള് അടക്കം ആദരമര്പ്പിക്കാനെത്തിയിട്ടുണ്ട്.
11:13 AM, 18 Jul
കെപിസിസി ഒരാഴ്ച്ചത്തെ ദു:ഖാചരണം പ്രഖ്യാപിച്ചു. കോഴിക്കോട് നടത്താനിരുന്ന ജനസദസ് അടക്കമുള്ള പരിപാടികളും മാറ്റി. മൃതദേഹം കെപിസിസിയില് പൊതുദര്ശനത്തിനും വെക്കും.
11:40 AM, 18 Jul
തിരുവനന്തപുരത്തെ പുതുപ്പള്ളി ഹൗസില് ഉമ്മന് ചാണ്ടിയുടെ വിയോഗ വാര്ത്തയറിഞ്ഞ് മുതിര്ന്ന നേതാവ് രമേശ് ചെന്നിത്തല അടക്കമുള്ളവര് എത്തിയിട്ടുണ്ട്. നിരവധി പേര് ഇതിനോടകം അനുശോചനം അറിയിച്ചിട്ടുണ്ട്.
11:41 AM, 18 Jul
ഹൈക്കോടതി ഇന്ന് പരിഗണിക്കാനിരുന്ന കേസുളെല്ലാം മാറ്റി. ചീഫ് ജസ്റ്റിസിന്റേതാണ് തീരുമാനം. ഇന്നത്തെ കേസുകള് എല്ലാം നാളെ പരിഗണിക്കുമെന്നും ചീഫ് ജസ്റ്റിസ് അറിയിച്ചു.
12:09 PM, 18 Jul
ഉമ്മന്ചാണ്ടിക്ക് ആദരാഞ്ജലി അര്പ്പിക്കാന് സോണിയാ ഗാന്ധിയും രാഹുല് ഗാന്ധിയും എത്തിയപ്പോള്. ഉമ്മന് ചാണ്ടിയുടെ കുടുംബാംഗങ്ങളുമായി ഇരുവരും സംസാരിച്ചു. ബെംഗളൂരുവിലായിരുന്നു പൊതുദര്ശനം.
12:18 PM, 18 Jul
ചങ്ങാനേശ്ശരി അതിരൂപത ഉമ്മന്ചാണ്ടിക്ക് ആദരാഞ്ജലികള് അര്പ്പിച്ചു. പിതൃവാത്സല്യത്തോടെ ഒരു നാടിനെ ചേര്ത്ത് നിര്ത്തിയ നേതാവായിരുന്നു അദ്ദേഹമെന്നും, ജനങ്ങളോട് ഇത്രയും അടുപ്പം സൂക്ഷിച്ച മറ്റൊരു ഭരണാധിപന് കേരളത്തില് ഉണ്ടായിട്ടുണ്ടോ എന്നറിയില്ലെന്നും സഹായമെത്താന് മാര് തോമസ് തറയില് അനുസ്മരിച്ചു.
12:26 PM, 18 Jul
കോണ്ഗ്രസില് അടിത്തട്ടില് ഉള്ളവര്ക്കിടയില് ഏറ്റവും സ്വാധീനമുള്ള നേതാവായിരുന്നു ഉമ്മന് ചാണ്ടിയെന്ന് രാഹുല് ഗാന്ധി. അദ്ദേഹത്തിന്റെ പ്രവര്ത്തനങ്ങള് കേരളത്തിലെ ജനങ്ങള് എന്നും ഓര്മിക്കുമെന്നും രാഹുല്.
Oommen Chandy ji was an exemplary grassroots Congress leader. He will be remembered for his lifelong service to the people of Kerala.
ഉമ്മന് ചാണ്ടിയുടെ പുതുപ്പള്ളിയിലെ വസതിയില് പ്രാര്ത്ഥന നടത്തിയപ്പോള്. പുരോഹിതന്മാര് അടക്കം അദ്ദേഹത്തിന്റെ വീട്ടില് എത്തിയിരുന്നു. മൃതദേഹം പുതുപ്പള്ളിയില് നാളെയാണ് എത്തുക.
12:59 PM, 18 Jul
ഉമ്മന്ചാണ്ടിയുടെ വിയോഗം അറിഞ്ഞ് കെപിസിസി വൈസ് പ്രസിഡന്റ് എന് ശക്തന്, കെ മുരളീധരന് എംപി, ടി സിദീഖ് എംഎല്എ, എന്നിവര് പുതുപ്പള്ളി ഹൗസില് എത്തി.
1:00 PM, 18 Jul
ഉമ്മന് ചാണ്ടിയുടെ ഭൗതിക ശരീരം ഉച്ചയ്ക്ക് ശേഷം തലസ്ഥാനത്ത് എത്തിക്കും. പ്രത്യേക വിമാനത്തിലാണ് ബെംഗളൂരുവില് നിന്ന് എത്തിക്കുന്നത്. നിലവില് പുതുപ്പള്ളി ഹൗസില് പ്രാര്ത്ഥന ശുശ്രൂഷ നടന്ന് കൊണ്ടിരിക്കുകയാണ്.
1:19 PM, 18 Jul
ഉമ്മന് ചാണ്ടിയെ അനുസ്മരിച്ച് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ. ജനങ്ങളോട് ചേര്ന്ന് നടന്ന നേതാവായിരുന്നു ഉമ്മന് ചാണ്ടിയെന്ന് ഖാര്ഗെ. അദ്ദേഹത്തിന്റെ ജനസമ്പര്ക്ക പരിപാടിയെയും ഖാര്ഗെ പ്രശംസിച്ചു
Shri Oommen Chandy, in his politics, stayed firmly rooted to the ground and his people.
His "janasamparka paripadi" (mass public outreach program) were legendary.
നടന് മോഹന്ലാലും ഉമ്മന് ചാണ്ടിയെ അനസ്മരിച്ചു. പ്രഥമപരിഗണന എപ്പോഴും ജനങ്ങള്ക്ക് നല്കിയ പ്രിയപ്പെട്ട നേതാവും, സാധാരണക്കാരന്റെ പ്രശ്നങ്ങള് കേള്ക്കാനും പരിഹരിക്കാനും അവരിലേക്കിറങ്ങി ചെന്ന മനുഷ്യസ്നേഹിയുമായിരുന്നു, പ്രിയപ്പെട്ട ഉമ്മന് ചാണ്ടിയെന്നും മോഹന്ലാല്.
2:06 PM, 18 Jul
മൃതദേഹം രണ്ടര മണിയോടെ തലസ്ഥാനത്തെത്തും. തിരുവനന്തപുരത്തെ വസതിയായ പുതുപ്പള്ളി ഹൗസിലേക്ക് മൃതദേഹം ആദ്യം കൊണ്ടുവരിക. തുടര്ന്ന് ദര്ബാര് ഹാളിലേക്കും. സെക്രട്ടേറിയേറ്റിന് സമീപമുള്ള ഓര്ത്തഡോക്സ് ചര്ച്ചിലും, കെപിസിസി ഓഫീസിലേക്കും എത്തിക്കും.
2:41 PM, 18 Jul
ഉമ്മന് ചാണ്ടിയുടെ മൃതദേഹം ബെംഗളൂരുവില് നിന്ന് തിരുവനന്തപുരത്തെത്തിച്ചു. വന് ജനാവലിയുടെ അകമ്പടിയോടെ മൃതദേഹം സ്വവസതിയായ പുതുപ്പള്ളി ഹൗസിലേക്ക് കൊണ്ടുപോയി.
3:24 PM, 18 Jul
സംസ്ഥാന സർക്കാരിനെ പ്രതിനിധീകരിച്ച് മന്ത്രിമാർ ഉൾപ്പെടെ എത്തിയാണ് മൃതദേഹം ഏറ്റുവാങ്ങിയത്.
3:57 PM, 18 Jul
സ്നേഹം കൊണ്ട് ജനഹൃദയങ്ങളില് ഇടം നേടിയ പൊതുപ്രവര്ത്തകനെയാണ് കോണ്ഗ്രസിനും കേരളത്തിനും നഷ്ടമായതെന്ന് കെപിസിസി അധ്യക്ഷന് കെ.സുധാകരന് എം.പി.
തിരുവനന്തപുരം: കേരളത്തിന്റെ മുന് മുഖ്യമന്ത്രിയും ജനപ്രിയ നേതാവുമായ ഉമ്മന് ചാണ്ടി അന്തരിച്ചു. ഇന്ന് പുലര്ച്ചെ 4.25ഓടെയായിരുന്നു അദ്ദേഹത്തിന്റെ അന്ത്യം. 79 വയസ്സായിരുന്നു. സംസ്കാരം വ്യാഴാഴ്ച്ച 2.30ന് പുതുപ്പള്ളി സെന്റ് ഓര്ത്തഡോക്സ് വലിയ പള്ളി സെമിത്തേരിയില് നടത്തും.
അതേസമയം ഭൗതിക ശരീരം ഇന്ന് പ്രത്യേക വിമാനത്തില് ബെംഗളൂരുവില് നിന്നും തിരുവനന്തപുരത്ത് എത്തിക്കും. രണ്ടിടത്ത് പൊതുദര്ശനമുണ്ടാവും. സംസ്ഥാനത്ത് ഇന്ന് പൊതുഅവധി പ്രഖ്യാപിച്ചിട്ടുണ്ട്. ബാങ്കുകള്ക്കും ഇന്ന് അവധിയാണ്. രണ്ട് ദിവസത്തെ ഔദ്യോഗിക ദു:ഖാചരണവും പ്രഖ്യാപിച്ചിരിക്കുകയാണ്.
Click it and Unblock the Notifications
Sign in with Google