Pathanapuram Election Result Live: ഗണേഷ് കുമാറിന് അടിതെറ്റി; ജ്യോതികുമാർ ചാമക്കാലയുടെ വിജയം 8310 വോട്ടുകൾക്ക്
കൊല്ലം: നിയമസഭാ തിരഞ്ഞെടുപ്പിൽ പത്തനാപുരത്ത് ഗണേഷിനെ അട്ടിമറിച്ച് ജ്യോതികുമാർ ചാമക്കാലയ്ക്ക് ജയം. യുഡിഎഫ് മുന്നേറ്റം ആദ്യ മണിക്കൂറിൽ പ്രകടമായപ്പോൾതന്നെ പത്തനാപുരത്ത് കെബി ഗണേഷ് കുമാറിന്റെ നിലയും പരുങ്ങലിലായിരുന്നു. മണ്ഡലത്തിൽ തുടക്കം മുതൽ യുഡിഎഫ് സ്ഥാനാർത്ഥി ജ്യോതികുമാർ ചാമക്കാല മുന്നിലായിരുന്നു. പോസ്റ്റൽ വോട്ടുകൾ എണ്ണിയപ്പോൾ മുതൽ ജ്യോതികുമാർ ചാമക്കാല കൃത്യമായ മുന്നേറ്റം പ്രകടമാക്കിയിരുന്നു. ഒടുവിൽ 8310 വോട്ടുകൾക്ക് ആയിരുന്നു അദ്ദേഹത്തിന്റെ അട്ടിമറി ജയം.
ആദ്യ റൗണ്ടിലെ ഭൂരിപക്ഷത്തിൽ നിന്ന് രണ്ടാം ഘട്ടത്തിലേക്ക് അടുക്കുമ്പോൾ കൂടുതൽ ലീഡ് നിലയാണ് ജ്യോതികുമാർ ചാമക്കാല നേടിയിരിക്കുന്നത്. മണ്ഡലത്തിൽ കഴിഞ്ഞ തവണയും ഗണേഷിനെതിരെ മത്സരിച്ച ജ്യോതികുമാർ കൃത്യമായ പ്രവർത്തനത്തിലൂടെ ലീഡ് പിടിച്ചതോടെ എൽഡിഎഫ് ക്യാമ്പിൽ ആശങ്ക ഉയരുകയാണ്.
തകരുന്നത് ഗണേഷിന്റെ അപ്രമാദിത്വമോ?
ഏകദേശം ഇരുപത്തിയഞ്ച് വർഷത്തോളം പത്തനാപുരം ഗണേഷ് കുമാറിന് അനുകൂലമായിരുന്നു. 2001-ൽ ആദ്യ വിജയം നേടിയ ശേഷം, യുഡിഎഫ്-എൽഡിഎഫ് മുന്നണി മാറ്റങ്ങളിലും അദ്ദേഹം സീറ്റ് നിലനിർത്തി. നടനായും മുഴുവൻ സമയ രാഷ്ട്രീയ നേതാവായും വോട്ടർമാർ അദ്ദേഹത്തെ കണ്ടിരുന്നു. എന്നാൽ, ഇത്തവണ അദ്ദേഹത്തിന്റെ സുരക്ഷിത മേഖല ചുരുങ്ങുന്നതായാണ് സൂചന.
മത്സരം കടുത്തുവന്ന രീതി കണക്കുകൾ വ്യക്തമാക്കുന്നു. 2016-ൽ 24,562 വോട്ടുകൾക്ക് വിജയിച്ച ഗണേഷ് കുമാറിന്, 2021-ൽ അതേ എതിരാളിയായ ജ്യോതികുമാർ ചാമക്കാലക്കെതിരെ 14,336 വോട്ടിന്റെ ഭൂരിപക്ഷം മാത്രമാണ് നേടാനായത്. 74 ശതമാനത്തിന് മുകളിലുള്ള പോളിംഗ്, ഓരോ സംഭവവികാസങ്ങളും സൂക്ഷ്മമായി നിരീക്ഷിക്കുന്ന ജനങ്ങളെയാണ് കാണിക്കുന്നത്. ഇത്തവണ ആദ്യ മണിക്കൂറുകളിൽ തന്നെ ജ്യോതികുമാർ ചാമക്കാല മുന്നിലാണ്.
Click it and Unblock the Notifications
Sign in with Google