• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബാബുരാജിനും വാണി വിശ്വനാഥിനും എതിരെ പരാതി; വഞ്ചനാകുറ്റത്തിന് കേസെടുത്ത് പൊലീസ്

Google Oneindia Malayalam News

പാലക്കാട്: നടന്‍ ബാബുരാജിനും ഭാര്യയും നടിയുമായ വാണി വിശ്വനാഥിനും എതിരെ പൊലീസ് കേസ്. ഒറ്റപ്പാലം പൊലീസാണ് ബാബുരാജിനും വാണി വിശ്വനാഥിനും എതിരെ വഞ്ചനാ കുറ്റത്തിന് കേസെടുത്തിരിക്കുന്നത്.

പാലക്കാട് തിരുവില്വാമല സ്വദേശി റിയാസ് പാലക്കാട് ജില്ല പൊലീസ് മേധാവിക്ക് നല്‍കിയ പരാതിയുടെ അടിസ്ഥാനത്തിലാണ് ബാബുരാജിനും വാണി വിശ്വനാഥിനും എതിരെ കേസെടുത്തിരിക്കുന്നത്. അഞ്ച് വര്‍ഷം മുന്‍പ് നടന്ന സംഭവമാണ് കേസിനാസ്പദമായത്.

2017 ല്‍ സിനിമ നിര്‍മാണവുമായി ബന്ധപ്പെട്ട് ഉണ്ടായ ഇടപാടില്‍ 3,01,45,000 രൂപ ഒറ്റപ്പാലത്തെ ബാങ്ക് മുഖേന നല്‍കി എന്നാണ് റിയാസ് പാലക്കാട് ജില്ല പൊലീസ് മേധാവിക്ക് നല്‍കിയ പരാതിയില്‍ പറയുന്നത്.

കൂദാശ എന്ന സിനിമയുടെ നിര്‍മാണത്തിനായി 3.14 കോടി രൂപ കൈപ്പറ്റി എന്നാണ് ബാബുരാജിനും വാണി വിശ്വനാഥിനും എതിരെയുള്ള പരാതി. തൃശൂരിലും കൊച്ചിയിലുമായിരുന്നു ഇത് സംബന്ധിച്ച ചര്‍ച്ചകള്‍ നടത്തിയത് എന്നാണ് പറയുന്നത്.

സിനിമ പുറത്തിറങ്ങിയ ശേഷം പണവും ലാഭവിഹിതവും ഉള്‍പ്പെടെ തിരിച്ചു നല്‍കാമെന്ന് വിശ്വസിപ്പിച്ചായിരുന്നു ഇടപാട് എന്ന് റിയാസ് പരാതിയില്‍ ആരോപിക്കുന്നു. വാഗ്ദാനം പാലിക്കപ്പെടാതിരുന്നതോടെയാണ് റിയാസ് നിയമ നടപടിയുമായി മുന്നോട്ട് പോയത്.

ജോര്‍ജുകുട്ടിയുടെ മകള്‍ തന്നെയല്ലേ ഇത്; സാരിയില്‍ കിടുക്കി അന്‍സിബ, വൈറല്‍ ചിത്രങ്ങള്‍

എസ് പിയുടെ നിര്‍ദേശത്തെ തുടര്‍ന്ന് ഒറ്റപ്പാലം പൊലീസ് നടത്തിയ പ്രാഥമിക അന്വേഷണത്തിന് ശേഷമാണ് കേസ് എടുത്തത് എന്ന് പൊലീസ് പറഞ്ഞു. ഇതിന് മുന്‍പും ബാബുരാജിനെതിരെ വഞ്ചനാക്കുറ്റത്തിന് കേസെടുത്തിട്ടുണ്ട്.

 'ആ മുഖ്യമന്ത്രിയെ നിങ്ങള്‍ വീണ്ടെടുക്കണം'; പിണറായിയോട് ടെലഗ്രാഫ് എഡിറ്റര്‍ 'ആ മുഖ്യമന്ത്രിയെ നിങ്ങള്‍ വീണ്ടെടുക്കണം'; പിണറായിയോട് ടെലഗ്രാഫ് എഡിറ്റര്‍

മൂന്നാറില്‍ റവന്യൂ വകുപ്പിന്റെ നടപടി നേരിടുന്ന ഭൂമിയിലെ റിസോര്‍ട്ട് പാട്ടത്തിന് നല്‍കി കബളിപ്പിച്ചു എന്നായിരുന്നു ബാബുരാജിനെതിരായ കേസ്. കയ്യേറ്റ ഭൂമിയാണ് എന്ന് കണ്ടെത്തി റവന്യൂ വകുപ്പ് ഒഴിയാന്‍ ആവശ്യപ്പെട്ട റിസോര്‍ട്ടായിരുന്നു ഇത്.

'2018 ല്‍ രണ്ട് തവണ ദൃശ്യങ്ങള്‍ ആക്‌സസ് ചെയ്തു, അതും രണ്ട് ഡിവൈസില്‍..അത് ഗുരുതരമല്ലേ?': സംഗമേശ്വരന്‍'2018 ല്‍ രണ്ട് തവണ ദൃശ്യങ്ങള്‍ ആക്‌സസ് ചെയ്തു, അതും രണ്ട് ഡിവൈസില്‍..അത് ഗുരുതരമല്ലേ?': സംഗമേശ്വരന്‍

ഇതാണ് ബാബുരാജ് തനിക്ക് പാട്ടത്തിന് നല്‍കിയത് എന്നായിരുന്നു പരാതിക്കാരനായ അരുണ്‍ ആരോപിച്ചത്. ഇതിന്റെ പേരിലാണ് ബാബുരാജിന് എതിരെ കേസെടുത്തിരുന്നത്.

English summary
Police case against actor Baburaj and his wife and actress Vani Viswanath
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X