ഹാദിയ കേസില് കണക്കുനിരത്തി പോപ്പുലര് ഫ്രണ്ട്, ചെലവായത് ഒരു കോടി, സംസ്ഥാന സമിതിയുടെ റിപ്പോര്ട്ട്!
കേസില് ആദ്യം മുതല് തന്നെ ഹാദിയയെ പിന്തുണയ്ക്കുന്ന നിലപാടായിരുന്നു പോപ്പുലര് ഫ്രണ്ട് സ്വീകരിച്ചത്
കോഴിക്കോട്: ഹാദിയ കേസില് കണക്കുകള് നിരത്തി പോപ്പുലര് ഫ്രണ്ട് ഓഫ് ഇന്ത്യ. കേസില് തങ്ങള്ക്ക് ഒരു കോടിയോളം ചെലവായെന്നാണ് പോപ്പുലര് ഫ്രണ്ട് സംസ്ഥാന സമിതി പുറത്തുവിട്ട റിപ്പോര്ട്ടില് പറയുന്നത്. ഏറെ വിവാദം ഉണ്ടാക്കിയ സംഭവമായിരുന്നു ഹാദിയ കേസ്. മതം മാറി ഷെഫിന് ജഹാന് എന്ന യുവാവിനെ വിവാഹം കഴിച്ചതിന് പിന്നാലെ ഇതിനെതിരെ ഇവരുടെ മാതാപിതാക്കള് രംഗത്തെത്തുകയായിരുന്നു. തുടര്ന്ന് ഇത് ഹൈക്കോടതിയിലേക്കും അവിടെ നിന്ന് സുപ്രീം കോടതിയിലേക്കും കേസ് നീണ്ടു. ഇതിനിടെ ഷെഫിന് ജഹാന് ഐസിസ് ബന്ധമുണ്ടെന്ന് വരെ ആരോപണമുയര്ന്നിരുന്നു. ഒടുവില് ഹാദിയയുടെ ആവശ്യം പരിഗണിച്ച സുപ്രീം കോടതി ഭര്ത്താവിനൊപ്പം ജീവിക്കാന് അനുമതി നല്കുകയായിരുന്നു.
ഈ കേസില് ആദ്യം മുതല് തന്നെ ഹാദിയയെ പിന്തുണയ്ക്കുന്ന നിലപാടായിരുന്നു പോപ്പുലര് ഫ്രണ്ട് സ്വീകരിച്ചത്. ഇതിനായി അവര് നല്കിയ നിയമസഹായമാണ് ഇപ്പോള് വ്യക്തമാക്കിയിരിക്കുന്നത്. കേസില് വിവിധ ഘട്ടങ്ങളിലായി കോടതിയില് ഹാജരായ അഭിഭാഷകര്ക്ക് ഫീസ് ഇനത്തില് 93 ലക്ഷം രൂപയില് കൂടുതല് ചെലവായിട്ടുണ്ട്. യാത്രാചെലവിനത്തില് അഞ്ച് ലക്ഷത്തിന് മുകളിലും ചെലവായിട്ടുണ്ട്. ഇതില് അഡ്വ. ഹാരിസ് ബീരാന്റെ ഓഫീസിലെ ചില പേപ്പര് വര്ക്കുകള് മാത്രമായി 50000 രൂപയാണ് നല്കിയത്. ഇതിന്റെ വിശദമായ രേഖകളാണ് പോപ്പുലര് ഫ്രണ്ട് പുറത്തുവിട്ടത്. കേസ് നടത്തുന്നതിനായി പോപ്പുലര് ഫ്രണ്ട് സംസ്ഥാന സമിതി കേരളത്തിലുടനീളം ധനസമാഹരണം നടത്തിയിരുന്നു. ഇത്തരത്തില് 80 ലക്ഷം രൂപയോളം ലഭിച്ചിരുന്നുവെന്ന് റിപ്പോര്ട്ടില് പറയുന്നു.
ഇതിന് പുറമേ ബാങ്ക് അക്കൗണ്ടിലേക്കും തുക ലഭിച്ചിരുന്നതായി പറയുന്നുണ്ട്. ബാക്കിയുള്ള തുക പോപ്പുലര് ഫ്രണ്ടിന്റെ പ്രവര്ത്തന ഫണ്ടില് നിന്നാണ് നല്കിയത്. മുതിര്ന്ന അഭിഭാഷകരായ കബില് സിബല്, ദുഷ്യന്ത് ദവേ, ഇന്ദിരാ ജെയ്സിങ്, മര്സൂഖ് ബാഫഖി എന്നിവരാണ് ഹാദിയ കേസില് പോപ്പുലര് ഫ്രണ്ടിനായി ഹാജരായത്. നേരത്തെ കേസില് ജയിച്ച ഉടനെ ഹാദിയ മാതാപിതാക്കളോട് നഷ്ടപരിഹാരം ചോദിച്ചിരുന്നു. എന്നാല് പിന്നീടിത് സര്ക്കാരിനോടാണ് ചോദിച്ചതെന്ന് ഇവര് തിരുത്തിയിരുന്നു. തന്നെ മുസ്ലീമായി അംഗീകരിക്കുന്നത് വരെ മാതാപിതാക്കളെ കാണാന് പോകില്ലെന്നും ഹാദിയ വ്യക്തമാക്കിയിരുന്നു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google