രൺജീത് വധക്കേസിൽ ശിക്ഷ വിധിച്ചു; 15 പ്രതികൾക്കും വധശിക്ഷ, അപൂർവ വിധി
ആലപ്പുഴ: രൺജീത് ശ്രീനിവാസൻ വധക്കേസിൽ പതിനഞ്ച് പ്രതികൾക്ക് വധശിക്ഷ. പോപ്പുലർ ഫ്രണ്ട്-എസ്ഡിപിഐ പ്രവർത്തകരാണ് പ്രതികൾ. ഐപിസി 302 പ്രകാരമാണ് വധശിക്ഷ വിധിച്ചിരിക്കുന്നത്. വൈകാതെ ഇത് അംഗീകാരത്തിനായി ഹൈക്കോടതിയുടെ മുന്നിലെത്തും. ഇതിന് ശേഷമാവും മറ്റ് നടപടി ക്രമങ്ങൾ ആരംഭിക്കുക.
കേസിൽ ആദ്യഘട്ടത്തിൽ വിചാരണ നേരിട്ട 15 പ്രതികൾ കുറ്റക്കാരാണെന്ന് ശനിയാഴ്ച കോടതി കണ്ടെത്തിയിരുന്നു. കുറ്റകൃത്യത്തിൽ നേരിട്ട് പങ്കാളികളായ 12 പേരും മുഖ്യ ആസൂത്രകരായ 3 പേരുമാണ് ആദ്യ ഘട്ടത്തിൽ വിചാരണ നേരിട്ടവർ.
2021 ഡിസംബർ 19 നാണ് ആലപ്പുഴ വെള്ളക്കിണറുള്ള വീട്ടിൽ അതിക്രമിച്ചു കയറിയ പോപ്പുലർ ഫ്രണ്ട് പ്രവർത്തകർ അമ്മയുടെയും ഭാര്യയുടെയും മകളുടെയും മുന്നിൽ വച്ച് രൺജീത്തിനെ ക്രൂരമായി കൊലപ്പെടുത്തിയത്. എസ്ഡിപിഐ നേതാവ് കെഎസ് ഷാൻ കൊല്ലപ്പെട്ട് മണിക്കൂറുകൾക്കകമായിരുന്നു രൺജീത്തിന്റെ വധം.
അമ്പനാകുളങ്ങര മാച്ചനാട് നൈസാം, മണ്ണഞ്ചേരി അമ്പലക്കടവ് വടക്കേച്ചിറപ്പുറം വീട്ടില് അജ്മല്, ആലപ്പുഴ വെസ്റ്റ് വില്ലേജില് മുണ്ട് വാടയ്ക്കല് വീട്ടില് അനൂപ്, ആര്യാട് തെക്ക് വില്ലേജില് അവലൂക്കുന്ന് ഇരക്കാട്ട് ഹൗസില് മുഹമ്മദ് അസ്ലം, മണ്ണഞ്ചേരി ഞാറവേലില് വീട്ടില് അബ്ദുല് കലാം(സലാം പൊന്നാട്), മണ്ണഞ്ചേരി അടിവാരം ദാറുസബീന് വീട്ടില് അബ്ദുല് കലാം, ആലപ്പുഴ വെസ്റ്റ് വില്ലേജില് തൈവേലിക്കകം വീട്ടില് സറഫുദ്ദീന്, മണ്ണഞ്ചേരി ഉടുമ്പിത്തറ വീട്ടില് മന്ഷാദ് എന്നിവരാണ് പ്രതികൾ.
പ്രതികള്ക്ക് വധശിക്ഷ നല്കണമെന്നായിരുന്നു പ്രോസിക്യൂഷന്റെ പ്രധാന ആവശ്യം. പ്രതികള് നിരോധിത തീവ്രവാദ സംഘത്തിലെ അംഗങ്ങളും കൊലചെയ്യാന് പരിശീലനം ലഭിച്ചവരുമാണ്. ഇവര് പുറത്തിറങ്ങിയാല് നാടിന് ആപത്താണെന്നും അതുകൊണ്ട് തന്നെ മാതൃകാപരമായ ശിക്ഷ നല്കണമെന്നും വാദത്തിനിടെ പ്രോസിക്യൂഷന് കോടതിയില് ആവശ്യപ്പെട്ടിരുന്നു.
അമ്മയുടെയും ഭാര്യയുടെയും മകളുടെയും മുന്നിലിട്ട് ഒരാളെ അതിക്രൂരമായി കൊലപ്പെടുത്തിയത് അപൂര്വങ്ങളില് അപൂര്വമായ കുറ്റകൃത്യത്തിന്റെ പരിധിയില് വരുമെന്നും പ്രോസിക്യൂഷന് നേരത്തെ കോടതിയില് വാദിച്ചിരുന്നു. ഇത് കണക്കിലെടുത്താണ് കോടതിയുടെ അപൂർവങ്ങളിൽ അപൂർവമായി വിധി വന്നിരിക്കുന്നത്.
നേരത്തെ കേസിൽ ആലപ്പുഴ ഡിവൈഎസ്പി എന് ആര് ജയരാജിന്റെ നേതൃത്വത്തില് 35 പ്രതികളുടെയും അറസ്റ്റ് രേഖപ്പെടുത്തിയിരുന്നു. 90 ദിവസത്തിനുള്ളില് കൊലപാതകത്തില് നേരിട്ട് പങ്കുള്ള 15 കുറ്റവാളികളെയും പ്രതിയാക്കി ആദ്യഘട്ട കുറ്റപത്രം സമര്പ്പിക്കുകയും ചെയ്തു. വിചാരണ കോടതി മാറ്റണമെന്നാവശ്യപ്പെട്ട് പ്രതികള് മേല് കോടതിയെ സമീപിച്ചതോടെയാണ് നടപടികൾ നീണ്ടത്. പിന്നീട് മറ്റ് നടപടികളും വിചാരണയും പൂര്ത്തിയാക്കി 2023 ഡിസംബര് 15ന് അന്തിമ കുറ്റപത്രം സമര്പ്പിച്ചു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google