മലപ്പുറത്ത് വട്ടപ്പാറയില് വാഹനാപകടം, കണ്ടെയ്നര് ലോറി ഓട്ടോറിക്ഷയിലേക്ക് മറിഞ്ഞ് മൂന്നു മരണം
ഒരു കുട്ടിയും സ്ത്രീയും ഉള്പ്പെടെയുള്ളുവരാണ് മരിച്ചത്
വളാഞ്ചേരി: മലപ്പുറത്ത് വളാഞ്ചേരിയിലെ വട്ടപ്പാറ വളപ്പിലുണ്ടായ വാഹനാപകടത്തില് മൂന്നു പേര് ദാരുണമായി മരിച്ചു. ഓട്ടോറിക്ഷയുടെ മുകളിലേക്ക് കണ്ടെയ്നര് ലോറി മറിഞ്ഞ് വീഴുകയായിരുന്നെന്ന് ദൃക്സാക്ഷികള് പറഞ്ഞു. ഓട്ടോയിലുള്ളവരാണ് മരിച്ച മൂന്നുപേരും.
ജോലിക്ക് സ്കൂട്ടറില് പോകുന്നതിനിടെ ലോറിയിടിച്ച് മലപ്പുറം സ്വദേശി മരിച്ചു
ഒരു കുട്ടിയും സ്ത്രീയും ഉള്പ്പെടെയുള്ളുവരാണ് മരിച്ചത്. ഇവര് അപകടം നടന്ന തല്ക്ഷണം മരിച്ചു. അതേസമയം ഫയര്ഫോഴ്സ് എത്തിയാണ് ഇവരുടെ മൃതദേഹങ്ങള് പുറത്തെടുത്തത്. അപകടത്തിന്റെ ആഘാതത്തില് ഇവരുടെ ശരീരം വാഹനത്തിനുള്ളില് കുടുങ്ങി പോയെന്നാണ് പോലീസ് പറയുന്നത്. മാര്ബിള് കയറ്റി വരികയായിരുന്നു കണ്ടെയ്നര് ലോറി. ഇത് നിയന്ത്രണം വിട്ട ശേഷമാണ് ഓട്ടോറിക്ഷയ്ക്ക് മുകളിലേക്ക് പാഞ്ഞ് കയറിയത്. അപകടത്തെ തുടര്ന്ന് ഓട്ടോറിക്ഷ പൂര്ണമായും തകര്ന്നിട്ടുണ്ട്.
രക്ഷാപ്രവര്ത്തനത്തിനായി ജെസിബി, ക്രെയിന്, എന്നിവ ഉപയോഗിച്ചിരുന്നെങ്കില് ആദ്യ ഘട്ടത്തില് കണ്ടെയ്നര് ലോറി മാറ്റാന് സാധിച്ചിരുന്നില്ല. ഇത് മൃതദേഹം പുറത്തെത്തിക്കാന് വൈകുന്നതിന് കാരണമായി. കോഴിക്കോട് നിന്നും വളാഞ്ചേരിയിലേക്ക് വരികയായിരുന്നു കണ്ടെയ്നര് ലോറിയെന്നാണ് സൂചന. അപകടത്തില് മരിച്ച ഓട്ടോ ഡ്രൈവര് വളാഞ്ചേരി പാലച്ചുവട് സ്വദേശി മുഹമ്മദ് നിഷാര് ആണെന്ന് തിരിച്ചറിഞ്ഞിട്ടുണ്ട്. ഇവരുടെ അയല്വാസി ഷാഹിനയാണ് കൊലപ്പെട്ട സ്ത്രീ. ശേഷിക്കുന്നയാളെ തിരിച്ചറിഞ്ഞിട്ടില്ല. പോലീസും ഫയര്ഫോഴ്സും അപകട സ്ഥലത്തെത്തിയപ്പോഴേക്കും ഇവര് കൊലപ്പെട്ടിരുന്നു.
നടന് ഉപേന്ദ്ര സ്വന്തം പാര്ട്ടി വിട്ടു, രാഷ്ട്രീയത്തില് തുടരും ബിജെപിയില് ചേരില്ലെന്ന് പ്രഖ്യാപനം
ലെനിനെ മാത്രമല്ല പെരിയാറിനെയും വെറുതെ വിടില്ല, ഭരണം കിട്ടിയാല് പ്രതിമ കാണില്ലെന്ന് ബിജെപി