Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്‍, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ശബരിമലയില്‍ പണം വാങ്ങി ദര്‍ശനം നടത്താം; പ്രയാര്‍ ഗോപാലകൃഷ്ണന് രാജിവയ്ക്കാന്‍ വയ്യ...
തിരുവനന്തപുരം: ശബരിമലയില്‍ പണം വാങ്ങിയുള്ള വിഐപി ദര്‍ശന പാക്കേജിനെ അനുകൂലിക്കുന്നുവെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്. നേരത്തെ വിഐപി ദര്‍ശനത്തിന് പണം ഈടാക്കണമെന്ന മുഖ്യമന്ത്രി പിണറായി വിജയന്റെ നിര്‍ദ്ദേശത്തിനെതിരെ പ്രയാര്‍ വിമര്‍ശനവുമായി രംഗത്ത് വന്നിരുന്നു.
എന്നാല്‍ പണം വാങ്ങി ദര്‍ശനം നടത്തുന്നതില്‍ തെറ്റിലലെന്ന് കാട്ടി ദേവസ്വം ബോര്‍ഡ് നേരത്തെഹൈക്കോടതിയില്‍ സത്യവാങ് മൂലം സമര്‍പ്പിച്ചിരുന്നു. ഇത് പുറത്ത് വന്നതോടെ പണം വാങ്ങിയുള്ള ദര്‍ശനം നടത്താനാവില്ലെന്ന വാദം അനാവശ്യ വിവാദങ്ങളുണ്ടാക്കാനാണെന്ന് ആരോപണമുയര്‍ന്നു.
പ്രയാര്‍ ഗോപാലകൃഷ്ണനെ രൂക്ഷമായി വിമര്‍ശിച്ച് മുഖ്യമന്ത്രി, ദേവസ്വം മന്ത്രി എന്നിവരും രംഗത്തു വന്നു. ഇതിന് പിന്നാലെയാണ് നിലപാട് മാറ്റം. പണം വാങ്ങി ദര്‍ശനം നടത്താമെന്ന പാക്കേജിനെ അംഗീകരിക്കുന്നു. ഇതില്‍ എന്തൊക്കെ ഉള്‍പ്പടുമെന്ന് വിശദമായി ദേവസ്വം ബോര്‍ഡിനെ അറിയിക്കു. അടുത്ത ബോര്‍ഡ് യോഗത്തില്‍ വിഷയം ചര്‍ച്ച ചെയ്യും. എന്നാല്‍ മുഖ്യമന്ത്രി നിര്‍ദ്ദേശിച്ച പാക്കേജും ദേവസ്വം ബോര്‍ഡിന്റെ പാക്കേജും രണ്ടാണെന്നാണ് പ്രയാര്‍ ഗോപാലകൃഷ്ണന്റെ വാദം.
എന്നാല്‍ ഈ പ്രശ്‌നത്തില്‍ തര്‍ക്കം നീട്ടിക്കൊണ്ട് പോകാനാവില്ലെന്നാണ് ദേവസ്വം മന്ത്രി കടകംപള്ളി സുരേന്ദ്രന്‍ പറയുന്നത്. ദര്‍ശന പാക്കേജ് എന്താണ്, എന്തുകൊണ്ടാണ് ഹൈക്കോടതിയില്‍ ഇത്തരമൊരു സത്യവാങ്മൂലം നല്‍കിയത് തുടങ്ങിയ കാര്യങ്ങള്‍ ചര്‍ച്ച ചെയ്യും. മുഖ്യമന്ത്രി മുന്നോട്ട് വച്ച നിര്‍ദ്ദേശങ്ങളും ചര്‍ച്ച ചെയ്യുമെന്ന് മന്ത്രി വ്യക്തമാക്കി.
Read Also: എം സ്വരാജിന്റെ പരിഹാസം അതിര് കടക്കുന്നോ; സിപിഐയില്‍ മരുന്നിന് പോലും ഒരാളില്ലേ !
ശബരിമല മാസ്റ്റര്‍ പ്ലാനുമായി ബന്ധപ്പെട്ട് നടന്ന യോഗത്തില്‍ മുഖ്യമന്ത്രയും പ്രയാര്‍ ഗോപാലകൃഷ്ണനും തമ്മില്‍ തര്‍ക്കമുണ്ടായിരുന്നു. പിണറായി പ്രയാറിനെതിരെ രൂക്ഷവിമര്‍ശനം നടത്തി. ഇതിന് പിന്നാലെ സര്‍ക്കാരിന് താല്‍പര്യമില്ലെങ്കില്‍ രാജിവയ്ക്കാന്‍ തയ്യാറാണെന്ന് വ്യക്തമാക്കി പ്രയാര്‍ രംഗത്ത് വന്നു. എന്നാല്‍ വിമര്‍ശനം ശക്തമായതോടെ ദേവസ്വം ബോര്‍ഡ് പ്രസിഡന്റ് നിലപാട് മാറ്റിയതാണെന്നാണ് റിപ്പോര്‍ട്ട്.
വണ്‍ഇന്ത്യയിലേക്ക് നിങ്ങള്‍ക്കും വാര്‍ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്‌ക്കേണ്ട വിലാസം [email protected]
