'അതൊരു കൈപ്പിഴയാണ്, നിര്വ്യാജം ക്ഷമ ചോദിക്കുന്നു', 'കടുവ' വിവാദത്തിൽ മാപ്പ് പറഞ്ഞ് പൃഥ്വിരാജും ഷാജി കൈലാസും
കൊച്ചി: വര്ഷങ്ങള്ക്ക് ശേഷമുളള സംവിധായകന് ഷാജി കൈലാസിന്റെ തിരിച്ച് വരവ് ചിത്രമായ കടുവ തിയറ്ററുകള് വലിയ ഓളം സൃഷ്ടിച്ച് കൊണ്ടിരിക്കുകയാണ്. അതിനിടെ ഭിന്നശേഷിക്കാരായ കുട്ടികളേയും മാതാപിതാക്കളേയും അവഹേളിക്കുന്ന ചിത്രത്തിലെ സംഭാഷണം വലിയ വിവാദത്തിനും തിരി കൊളുത്തി.
ഭിന്നശേഷിക്കാരായി കുട്ടികള് ജനിക്കുന്നത് മാതാപിതാക്കള് ചെയ്ത പാപത്തിന്റെ ഫലമായാണ് എന്ന പൃഥ്വിരാജ് കഥാപാത്രത്തിന്റെ ഡയലോഗാണ് വിവാദമായത്. സംഭവത്തില് ചിത്രത്തിന്റെ നിര്മ്മാതാക്കള്ക്കും സംവിധായകനും ഭിന്നശേഷി കമ്മീഷന് നോട്ടീസ് അയച്ചിരിക്കുകയാണ്. അതിനിടെ ചിത്രത്തിലെ വിവാദ പരാമര്ശത്തില് മാപ്പ് പറഞ്ഞ് പൃഥ്വിരാജും ഷാജി കൈലാസും രംഗത്ത് എത്തി.
ഷാജി കൈലാസിന്റെ വിശദീകരണം ഇങ്ങനെ: ' ഞാന് സംവിധാനം ചെയ്ത 'കടുവ' എന്ന സിനിമയില് ഭിന്നശേഷിയുള്ള കുട്ടികളുടെ മാതാപിതാക്കളെ വേദനിപ്പിക്കുന്ന തരത്തില് പരാമര്ശം വന്നതില് നിര്വ്യാജം ക്ഷമചോദിക്കുന്നു. ആ സംഭാഷണശകലം ഒരു കൈപ്പിഴയാണ്. മനുഷ്യസഹജമായ തെറ്റായി കണ്ട് പൊറുക്കണം എന്ന് മാത്രമാണ് അഭ്യര്ഥിക്കാനുള്ളത്. അങ്ങനെയൊരു സംഭാഷണം എഴുതുമ്പോള് തിരക്കഥാകൃത്ത് ജിനുവോ അത് പറയുമ്പോള് നായകനായ പൃഥ്വിരാജോ ആ സീന് ഒരുക്കുമ്പോള് ഞാനോ അതിന്റെ മറ്റ് വശങ്ങളെക്കുറിച്ച് ചിന്തിച്ചില്ല എന്നതാണ് സത്യം.
വില്ലന്റെ ചെയ്തികളുടെ ക്രൂരത എത്രത്തോളമുണ്ടെന്ന് അയാളെയും കാണികളെയും ബോധ്യപ്പെടുത്തണം എന്ന ഉദ്ദേശ്യം മാത്രമാണ് അതിന് പിന്നിലുണ്ടായിരുന്നത്. നമ്മള് ചെയ്യുന്നതിന്റെ ഫലം നമ്മുടെ അനന്തരതലമുറയാണ് അനുഭവിക്കുകയെന്ന വാക്കുകള് കാലങ്ങളായി നാം കേള്ക്കുന്നതാണ്. ('പിതാക്കന്മാര് പച്ചമുന്തിരിങ്ങ തിന്നു, മക്കളുടെ പല്ല് പുളിച്ചു' എന്ന ബൈബിള്വചനം ഓര്മിക്കുക) മക്കളുടെ കര്മഫലത്തെക്കുറിച്ച് പറയുമ്പോഴൊക്കെ മനുഷ്യര് അത് ആവര്ത്തിക്കുന്നു. ഈ സിനിമയിലെ പൃഥ്വിരാജിന്റെ കഥാപാത്രത്തില് നിന്നുണ്ടായതും മനുഷ്യസഹജമായ ആ വാക്കുകളായിരുന്നു.
ശരി തെറ്റുകളെക്കുറിച്ചോ അതിന്റെ വൈകാരികമായ പ്രത്യാഘാതങ്ങളെക്കുറിച്ചോ ഓര്മിക്കാതെ തീര്ത്തും സാധാരണനായ ഒരു മനുഷ്യന് ഒരു നിമിഷത്തെ വികാരവിക്ഷോഭത്തില് പറഞ്ഞ വാക്കുകള് മാത്രമായി അതിനെ കാണുവാന് അപേക്ഷിക്കുന്നു. ഭിന്നശേഷിക്കാരായ കുട്ടികളുടെ മാതാപിതാക്കളുടെ ചെയ്തികളുടെ ഫലമാണ് അവര് അനുഭവിക്കുന്നത് എന്ന് ഇതിന് ഒരിക്കലും ഇതിനര്ഥമില്ല. ഞങ്ങളുടെ വിദൂരചിന്തകളില്പ്പോലും ഒരിക്കലും അങ്ങനെയൊന്നില്ല. മക്കളെ സ്നേഹിക്കുന്ന ഒരച്ഛനാണ് ഞാനും.
അവര് ചെറുതായൊന്ന് വീഴുമ്പോള്പ്പോലും എനിക്ക് വേദനിക്കാറുണ്ട്. അപ്പോള് ഭിന്നശേഷിയുള്ള കുട്ടികളുടെ മാതാപിതാക്കളുടെ മാനസികാവസ്ഥ മറ്റാരും പറയാതെ എനിക്ക് മനസിലാക്കാനാകും. 'കടുവ'യിലെ വാക്കുകള് മുറിവേല്പിച്ചു എന്ന് കാട്ടി അച്ഛനമ്മമാരുടെ കുറിപ്പുകള് കാണാനിടയായി. നിങ്ങള്ക്ക് ലോകത്തിലേറ്റവും വിലപ്പെട്ടത് നിങ്ങളുടെ മക്കളാണെന്നും അവര്ക്ക് വേണ്ടിയാണ് നിങ്ങള് ജീവിക്കുന്നതെന്നും മനസിലാക്കിക്കൊണ്ടു തന്നെ പറയട്ടെ.... മാപ്പ്...നിങ്ങള്ക്കുണ്ടായ മനോവിഷമത്തിന് ഈ വാക്കുകള് പരിഹാരമാകില്ല എന്നറിഞ്ഞുകൊണ്ടുതന്നെ ഒരിക്കല്ക്കൂടി ക്ഷമാപണം..' 'ക്ഷമിക്കണം, തെറ്റ് പറ്റി, അത് സമ്മതിക്കുന്നു, അംഗീകരിക്കുന്നു' എന്ന് ഷാജി കൈലാസിന്റെ പോസ്റ്റ് പങ്കുവെച്ച് പൃഥ്വിരാജ് കുറിച്ചു.
നയന്താര വിവാഹത്തിന്റെ അപൂര്വ ചിത്രങ്ങള്; ഒരു മാസം തികയവെ പങ്കുവച്ച് വിഘ്നേഷ്
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google