മാനദണ്ഡങ്ങൾ പാലിക്കാതെ ഷവർമ വിൽപ്പന വേണ്ട; 148 സ്ഥാപനങ്ങളിലെ വിൽപ്പന നിർത്തിവെപ്പിച്ച് ഭക്ഷ്യസുരക്ഷാ വകുപ്പ്
തിരുവനന്തപുരം: സംസ്ഥാനത്തെ ഷവർമ വിൽപ്പന കേന്ദ്രങ്ങളിൽ വ്യാപക പരിശോധനയുമായി ഭക്ഷ്യ സുരക്ഷാ വകുപ്പ്. കടകളിൽ മാനദണ്ഡങ്ങള് പാലിക്കുന്നുണ്ടെന്ന് ഉറപ്പു വരുത്തുന്നതിനായാണ് വില്പന കേന്ദ്രങ്ങളില് ഭക്ഷ്യ സുരക്ഷാ വകുപ്പിന്റെ നേതൃത്വത്തില് പരിശോധന നടത്തിയത്. ആകെ 88 സ്ക്വാഡുകള് 1287 ഷവര്മ വില്പന കേന്ദ്രങ്ങളിൽ പരിശോധന നടത്തി.
കൃത്യമായ മാനദണ്ഡങ്ങൾ പാലിക്കാതെ പ്രവർത്തിച്ച 148 സ്ഥാപനങ്ങളിലെ ഷവര്മ്മ വില്പന നിര്ത്തിവെപ്പിച്ചു. 178 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും 308 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും നല്കിയതായും മന്ത്രി വീണാ ജോര്ജ് അറിയിച്ചു. മയണൈസ് തയ്യാറാക്കുന്നതിൽ വീഴ്ച വരുത്തിയ 146 സ്ഥാപനങ്ങള്ക്കെതിരെയും നടപടിയെടുത്തിട്ടുണ്ട്.
ഇനിയും ഇത്തരം പരിശോധനകള് തുടരുമെന്നാണ് മന്ത്രി അറിയിച്ചത്. നിയമ ലംഘനം നടത്തുന്നവര്ക്കെതിരെ കര്ശന നിയമ നടപടികള് സ്വീകരിക്കുമെന്നും വീണാ ജോർജ് വ്യക്തമാക്കി. സംസ്ഥാന ഭക്ഷ്യ സുരക്ഷാ വകുപ്പ് ജോയിന്റ് കമ്മീഷണര് ജേക്കബ് തോമസ്, ഡെപ്യൂട്ടി കമ്മീഷണർര്മാരായ എസ് അജി, ജി രഘുനാഥ കുറുപ്പ്, വികെ പ്രദീപ് കുമാര് എന്നിവരാണ് ഈ പരിശോധനകള്ക്ക് നേതൃത്വം നല്കിയത്.
ഷവർമ വില്പന കേന്ദ്രങ്ങളിൽ പാലിക്കേണ്ട മാനദണ്ഡങ്ങൾ:
ഷവർമ കേന്ദ്രങ്ങളിൽ ഭക്ഷണം പാകം ചെയ്യുന്നതിനുള്ള ഒരുക്കങ്ങള് നടത്തുന്നയിടവും പാകം ചെയ്യുന്ന ഇടവും വൃത്തിയുള്ളതാണെന്ന് ഉറപ്പാക്കണം. കാറ്റും പൊടിയും കയറുന്ന രീതിയില് തുറന്ന സ്ഥലങ്ങളില് ഷവര്മ കോണുകള് വയ്ക്കാന് പാടില്ല.
ഷവര്മ തയാറാക്കാന് ഉപയോഗിക്കുന്ന ഫ്രീസറുകള് (18 ഡിഗ്രി സെല്ഷ്യസ്) ചില്ലറുകള് (4 ഡിഗ്രി സെല്ഷ്യസ്) എന്നിവ കൃത്യമായ ഊഷ്മാവില് വേണം പ്രവര്ത്തിക്കാന്. ഇതിനായി ടെമ്പറേച്ചര് മോണിറ്ററിംഗ് റെക്കോര്ഡ്സ് കടകളില് കൃത്യമായി സൂക്ഷിക്കണം. ഭക്ഷണം കൈകാര്യം ചെയ്യുന്നവര് വ്യക്തിശുചിത്വം പാലിക്കുകയും മെഡിക്കല് ഫിറ്റ്നസ് സര്ട്ടിഫിക്കറ്റ് എടുക്കുകയും വേണം.
ഷവര്മയ്ക്ക് ഉപയോഗിക്കുന്ന ബ്രഡ്, കുബ്ബൂസ് എന്നിവ വാങ്ങുമ്പോള് ലേബലില് പറയുന്ന മാനദണ്ഡങ്ങള് പാലിക്കുന്നതായിരിക്കണം. ഷവര്മ കോണുകള് തയാറാക്കുന്ന മാംസം പഴകിയതാകാന് പാടില്ല. കോണില് നിന്നും സ്ളൈസ് ചെയ്തെടുത്ത മാംസം, കൃത്യമായും മുഴുവനായും വേവുന്നതിനായി രണ്ടാമതൊന്നു കൂടി ഗ്രില്ലിംഗോ ഓവനിലെ ബേക്കിംഗോ ചെയ്യണം.
മയണൈസിനായി പാസ്ച്വറൈസ് ചെയ്ത മുട്ടകളോ അല്ലെങ്കില് പാസ്ച്വറൈസ്ഡ് മയണൈസോ മാത്രം ഉപയോഗിക്കുക. മയണൈസുകള് രണ്ട് മണിക്കൂറില് കൂടുതല് സാധാരണ ഊഷ്മാവില് വയ്ക്കരുത്. പാസ്ച്വറൈസ് ചെയ്ത മയണൈസ് ആണ് ഉപയോഗിക്കുന്നതെങ്കില്, ഒരിക്കല് കവര് തുറന്ന് ഉപയോഗിച്ചതിന് ശേഷം ബാക്കി വന്നത് നാല് ഡിഗ്രി സെല്ഷ്യസ് ഊഷ്മാവില് സൂക്ഷിക്കണം. രണ്ട് ദിവസങ്ങളില് കൂടുതല് ഉപയോഗിക്കുകയും ചെയ്യരുത്.
പാക്ക് ചെയ്ത് നല്കുന്ന ഷവര്മയുടെ ലേബലില് പാകം ചെയ്തത് മുതല് ഒരു മണിക്കൂര് വരെ ഉപയോഗിക്കാം എന്ന് വ്യക്തമായി ചേര്ക്കണം. ഫുഡ് സേഫ്റ്റി സ്റ്റാന്ഡേര്ഡ് നിയമ പ്രകാരം ഭക്ഷണ വിതരണ സ്ഥാപനങ്ങള് എല്ലാം തന്നെ ലൈസന്സ് അല്ലെങ്കില് രജിസ്ട്രേഷന് എടുത്ത് മാത്രമേ പ്രവര്ത്തിക്കാവൂ. ഇത് ലംഘിക്കുന്ന ആളുകൾക്കെതിരെ പത്ത് ലക്ഷം രൂപ വരെ പിഴ ശിക്ഷ ലഭിക്കാവുന്ന കുറ്റം ചുമത്തും.
അതേസമയം, സംസ്ഥാനത്ത് ഏറ്റവും കൂടുതൽ അപകടങ്ങൾ ക്ഷണിച്ചു വരുത്തിയ ഭക്ഷണ സാധനങ്ങളിൽ ഒന്നാണ് ഷവർമ. ഇതിനൊപ്പം മയണൈസും പലരുടെയും ജീവന് ഭീഷണി സൃഷ്ടിച്ചിരുന്നു. പലപ്പോഴും വൃത്തിഹീനമായ സാഹചര്യത്തിൽ തയ്യാറാക്കാത്തതും, കൃത്യമായ മാനദണ്ഡങ്ങൾ പാലിക്കാത്തതുമാണ് ഷവർമയെ അപകടകരമാക്കുന്നത്.
-
മഞ്ജു വാര്യർ പോയതോടെ ഭാഗ്യം പോയോ; ദിലീപിൻ്റെ മറുപടി..'അതോടെ മദ്യപാനവും നിർത്തി' -
വിവരക്കേട് കൂവുന്നവരോട് യാഥാര്ഥ്യം പറയുന്നു; ട്വന്റി20 ബിജെപിയില് ലയിച്ചതല്ലെന്ന് അഖില് മാരാര് -
'അതൊരു തീക്കളിയാണ്, അങ്ങനെയായിരുന്നെങ്കിൽ ഞാൻ കാവ്യയെ വിവാഹം കഴിക്കില്ലാർന്നു';ദിലീപ് -
ഇടുക്കിയില് കേന്ദ്ര സര്ക്കാര് ജോലി; പരീക്ഷയില്ല, അഭിമുഖം മാത്രം; നിങ്ങള് യോഗ്യരാണോ? -
ക്യാൻസറിനെ വരെ പ്രതിരോധിക്കും; ദിവസവും രാവിലെ ഈ 'സ്പെഷ്യൽ' ടീ കുടിക്കാം -
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
'ഇത്രയും ക്രൂരമായ കാര്യങ്ങൾ ചെയ്യുന്ന ഒരാളെ എങ്ങനെ ബിജെപി അധ്യക്ഷനാക്കി?'; രാജീവ് ചന്ദ്രശേഖറിനെതിരെ സെൻകുമാർ -
ബെംഗളൂരുവിലെ യാത്രികർക്ക് സന്തോഷവാർത്ത; പീനിയ ഫ്ലൈഓവർ അടച്ചിടുന്നത് മാറ്റി, ഗതാഗതം തുടരും -
അക്ഷയ തൃതീയയിൽ സ്വർണം വാങ്ങാൻ പോവുകയാണോ? മുഹൂർത്തം മാത്രം പോരാ, ഈ കാര്യങ്ങളും ശ്രദ്ധിക്കണം -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ -
മീനം രാശിഫലം: ജോലിസ്ഥലത്ത് പോസിറ്റീവ് ഫലങ്ങൾ, ചില പഴയ കടങ്ങൾ തീർക്കാൻ സാധ്യത, ആരോഗ്യം ശ്രദ്ധിക്കുക -
എല്ലാ മലയാള നടന്മാരും 100 കോടി അടിച്ചു, മമ്മൂട്ടി ഒഴികെ... മമ്മൂട്ടിക്ക് ബോക്സ് ഓഫീസ് പവർ ഇല്ലേ? കുറിപ്പ് വൈറൽ
Click it and Unblock the Notifications
Sign in with Google