കേരളത്തിലും 'അമ്മ' മോഡൽ ന്യായവില ഹോട്ടലുകൾ! മലയാളികൾക്ക് പിണറായി സർക്കാരിന്റെ ഓണ സമ്മാനം...
സർക്കാർ നടപ്പിലാക്കുന്ന വിശപ്പുരഹിത പദ്ധതിയുമായി ബന്ധപ്പെട്ട് ആഗസ്റ്റ് 30ന് ചേരുന്ന യോഗത്തിൽ ന്യായവില ഹോട്ടലുകൾ ആരംഭിക്കുന്നതിനെക്കുറിച്ചും ചർച്ച ചെയ്യും.
തിരുവനന്തപുരം: തമിഴ്നാട്ടിലെ അമ്മ ക്യാന്റീനുകളുടെ മാതൃകയിൽ കേരളത്തിലും ന്യായവില ഹോട്ടലുകൾ ആരംഭിക്കാൻ ആലോചന. വിശപ്പുരഹിത പദ്ധതിയുടെ ഭാഗമായി സംസ്ഥാന സർക്കാരിന്റെ നേരിട്ടുള്ള നിയന്ത്രണത്തിൽ ന്യായവില ഹോട്ടലുകൾ ആരംഭിക്കാനാണ് ആലോചിക്കുന്നത്.
അന്ന് ഏഴ് ചാക്ക് അരി, ഇപ്പോൾ 46 ടിവി സെറ്റുകൾ! പെരുമ്പിലാവ് വഴി യാത്ര ചെയ്യുന്നവർ ശ്രദ്ധിക്കുക...
ഭർത്താവ് ജയിലിലായപ്പോൾ സന്തോഷുമായി അവിഹിതം! വീട്ടിൽ ആരുമില്ലെന്ന ഫോൺ കോൾ! ചുരുളഴിഞ്ഞത് ഇങ്ങനെ...
ഭക്ഷ്യ-സിവിൽ സപ്ലൈസ് വകുപ്പ് മന്ത്രി പി തിലോത്തമനാണ് ഇത്തരമൊരു ആശയം സർക്കാരിന്റെ മുന്നിൽവെച്ചത്. സർക്കാർ നടപ്പിലാക്കുന്ന വിശപ്പുരഹിത പദ്ധതിയുമായി ബന്ധപ്പെട്ട് ആഗസ്റ്റ് 30ന് ചേരുന്ന യോഗത്തിൽ ന്യായവില ഹോട്ടലുകൾ ആരംഭിക്കുന്നതിനെക്കുറിച്ചും ചർച്ച ചെയ്യും. യോഗത്തിൽ ഇതുസംബന്ധിച്ച് ധാരണയുണ്ടായാൽ മുഖ്യമന്ത്രി പിണറായി വിജയനും ധനമന്ത്രി തോമസ് ഐസക്കും തമ്മിൽ ചർച്ച നടത്തി ഭക്ഷ്യവകുപ്പിന്റെയും സംസ്ഥാന സർക്കാരിന്റെയും ഓണസമ്മാനമായി പദ്ധതി പ്രഖ്യാപിച്ചേക്കും.
തമിഴ്നാട്ടിലെ 'അമ്മ', മഹാരാഷ്ട്രയിലെ 'പ്രിയദർശിനി' ഹോട്ടലുകളുടെ മാതൃകയിലാണ് സംസ്ഥാന സർക്കാരും ഹോട്ടലുകൾ ആരംഭിക്കാൻ ആലോചിക്കുന്നത്. ന്യായവില ഹോട്ടലുകൾക്ക് ആവശ്യമായ ഭക്ഷ്യധാന്യങ്ങൾ ഉൾപ്പെടെയുള്ളവ സിവിൽ സപ്ലൈസ് കോർപ്പറേഷൻ വിതരണം ചെയ്യും.
കാസർകോട് ഗണേശോത്സവ ഘോഷയാത്രയ്ക്ക് നേരെ ആക്രമണം! സ്ത്രീകളടക്കമുള്ളവരെ ആക്രമിച്ചു, പോലീസ് നോക്കിനിന്നു
സർക്കാരിന് ബാധ്യതയാകാതെ സപ്ലൈകോയിലെ സാധനങ്ങൾ നൽകിയാകും ഹോട്ടലുകൾ പ്രവർത്തിപ്പിക്കുക. ഇതോടെ ജനങ്ങൾക്ക് ന്യായവിലയിൽ ഭക്ഷണം ലഭിക്കുമെന്നതിന് പുറമേ, സപ്ലൈകോയുടെ വിറ്റുവരവ് വർദ്ധിക്കുമെന്നതും നേട്ടമാണ്. അർഹരായവർക്ക് സൗജന്യമായും മറ്റുള്ളവർക്ക് ന്യായവിലയിലും ഭക്ഷണം നൽകുന്നതാണ് സംസ്ഥാന സർക്കാർ നടപ്പിലാക്കുന്ന വിശപ്പുരഹിത പദ്ധതി. ഈ പദ്ധതിയുടെ ഭാഗമായാണ് ന്യായവില ഹോട്ടലുകളും ആരംഭിക്കാൻ സംസ്ഥാന സർക്കാർ ആലോചിക്കുന്നത്.