സപ്ലൈക്കോയുടെ 'ഓണസമ്മാനം'; സബ്സിഡി സാധനങ്ങളുടെ വില കൂട്ടി, പഞ്ചസാരയ്ക്ക് 6 രൂപ വർധിക്കും
തിരുവനന്തപുരം: ഓണത്തിന് മുന്നോടിയായി സാധാരണക്കാർക്ക് തിരിച്ചടിയാവുന്ന തീരുമാനവുമായി സപ്ലൈക്കോ. അരിയടക്കമുള്ള ഭക്ഷ്യ വസ്തുക്കളുടെ വില കുത്തനെ ഉയർത്തി സപ്ലൈക്കോ ഇരുട്ടടി നൽകിയിരിക്കുകയാണ് ഇപ്പോൾ. നേരത്തെ വിപണിയിലെ വില വർധനവിന് എതിരെ സർക്കാരിന് മുന്നറിയിപ്പ് നൽകിയ സപ്ലൈക്കോ തന്നെയാണ് ഇപ്പോൾ ഓണം അടുത്തപ്പോൾ കുത്തനെ വില വർധനവുമായി രംഗത്ത് വന്നിരിക്കുന്നത് എന്നതാണ് വിരോധാഭാസം.
സബ്സിഡി സാധനങ്ങളായ കുറുവ അരിക്കും തുവരപരിപ്പിനും ഉൾപ്പെടെ വില ഉയർത്തിയിട്ടുണ്ട്. കുറുവ അരിയുടെ വില കിലോഗ്രാമിന് 30 രൂപയിൽ നിന്ന് 33 രൂപയായി കൂട്ടി. തുവരപരിപ്പിന്റെ വിലയാവട്ടെ 111 രൂപയിൽ നിന്ന് 115 രൂപയാക്കിയും ഉയർത്തി. സംസ്ഥാന തലത്തിൽ ഓണം ഫെയറുകളുടെ ഉദ്ഘാടനം നടക്കാനിരിക്കെയാണ് പുതിയ തീരുമാനം വന്നിരിക്കുന്നത്.
ഓണച്ചന്തകളുടെ സംസ്ഥാനതല ഉദ്ഘാടനം ഇന്ന് മുഖ്യമന്ത്രിയാണ് നിർവഹിക്കുന്നത്. അതിന് മുന്നോടിയായാണ് ഈ വില വർധനവ്. അരിക്കും തുവരപരിപ്പിനും പുറമേ മലയാളിയുടെ തീൻമേശയിലെ ഒഴിച്ചു കൂടാനാവാത്ത ഭക്ഷ്യവസ്തുവായ പഞ്ചസാരയുടെ വില ആറ് രൂപയോളമാണ് വർധിപ്പിച്ചത്. നേരത്തെ 27 രൂപ മാത്രമായിരുന്ന പഞ്ചസാരയ്ക്ക് ഇനി 33 രൂപ നൽകണം.
തുവരപ്പരിപ്പിന് നാലു രൂപ വർധിപ്പിച്ച് 115 രൂപയാണ് പുതുക്കിയ വില, അരിക്ക് മൂന്നുരൂപ കൂട്ടി 33 രൂപയായും മാറിയിട്ടുണ്ട്. എന്നാൽ ചെറുപയർ വില മാത്രം കുറച്ചിട്ടുമുണ്ട്. രണ്ട് രൂപയുടെ കുറവാണ് ചെറുപയറിന്റെ വിലയിൽ ഉണ്ടായിരിക്കുന്നത്. സബ്സിഡി ഇനത്തിൽ ഉൾപ്പെട്ട നാലിനം അരികളിൽ ജയക്ക് മാത്രമാണ് വില കൂട്ടാതെയുള്ളത്.
ഇ-ടെൻഡറിലുണ്ടായ വിലവർധനവാണ് അവശ്യസാധനങ്ങൾക്ക് വില ഉയരാനുള്ള കാരണമെന്നാണ് സർക്കാർ നൽകുന്ന വിശദീകരണം. എന്നാൽ വിപണിയിലെ വില വർധനവ് തടയാൻ കാര്യക്ഷമമായി ഇടപെടുകയും കൃത്യമായ നടപടികൾ സ്വീകരിക്കുകയും ചെയ്യേണ്ട സപ്ലൈക്കോ തന്നെ ഇത്തരത്തിൽ വില വർധിപ്പിക്കുന്നത് ശരിയായ നടപടിയല്ലെന്നാണ് പൊതുവെ ഉയരുന്ന വിമർശനം.
സപ്ലൈക്കോ ഓണം ഫെയർ
തിരുവനന്തപുരത്ത് കിഴക്കേകോട്ട ഇകെ നായനാർ പാർക്കിൽ മുഖ്യമന്ത്രി പിണറായി വിജയനാണ് ഈ വർഷത്തെ ഓണം സപ്ലൈക്കോ ഫെയറിന്റെ സംസ്ഥാന തല ഉദ്ഘാടനം നിർവഹിക്കുന്നത്. ഭക്ഷ്യ-പൊതുവിതരണ വകുപ്പു മന്ത്രി ജി ആർ അനിൽ ചടങ്ങിൽ അധ്യക്ഷത വഹിക്കുമ്പോൾ വിദ്യാഭ്യാസ മന്ത്രി വി ശിവൻകുട്ടി ഉൾപ്പെടെ പരിപാടിയിൽ പങ്കെടുക്കുമെന്നാണ് അറിയിച്ചിട്ടുള്ളത്.
സെപ്റ്റംബർ അഞ്ച് മുതൽ 14 വരെയാണ് ഓണം ഫെയറുകൾ ഉണ്ടാവുക. ജില്ലാതല ഫെയറുകൾ സെപ്റ്റംബര് ആറ് മുതൽ 14 വരെ ജില്ലാ ആസ്ഥാനങ്ങളിൽ പ്രത്യേക സൗകര്യങ്ങളോടെ സംഘടിപ്പിക്കും. 13 ഇനം സബ്സിഡി സാധനങ്ങൾക്ക് പുറമെ ശബരിയുടെ ഉത്പന്നങ്ങൾ, മറ്റ് എഫ്എംസിജി ഉത്പന്നങ്ങൾ, മിൽമയുടെ ഉത്പന്നങ്ങൾ, കൈത്തറി വസ്തുക്കൾ, പഴം, ജൈവപച്ചക്കറികൾ എന്നിവ ഫെയറിൽ നിന്ന് 50 ശതമാനം വരെ വിലക്കുറവോടെ വാങ്ങാം.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google