യുഎഇയിൽ വേനലിന്റെ ആദ്യ ലക്ഷണങ്ങൾ പ്രകടം; ചില ഭാഗങ്ങളിൽ താപനില 40°C, അസാധാരണ വർധനവ്
ദുബായ്: യുഎഇയിൽ വേനൽക്കാലത്തിന്റെ ആദ്യ ലക്ഷണങ്ങൾ പ്രകടമായതോടെ താമസക്കാർ കനത്ത ജാഗ്രതയിൽ. താപനില സാധാരണയെക്കാൾ ഉയർന്നതാണെങ്കിലും, അസ്ഥിരമായ വസന്തകാല കാലാവസ്ഥ വരും ദിവസങ്ങളിലും മഴയ്ക്ക് സാധ്യത നൽകുന്നുവെന്നാണ് മുന്നറിയിപ്പ്. ഇന്നലെ രാജ്യത്തിന്റെ ചില ഭാഗങ്ങളിൽ താപനില 40°C ആയി ഉയർന്നിരുന്നു. ഏപ്രിലിന് ഇത് അസാധാരണ വർധനവാണ് എന്നതാണ് ആശങ്ക ഉണ്ടാക്കുന്ന കാര്യം.
സാധാരണയായി തീരപ്രദേശങ്ങളിൽ 32-34°C-നും ഉൾപ്രദേശങ്ങളിൽ 34-36°C-നും ഇടയിലായിരുന്ന താപനിലയെക്കാൾ ഇത് വളരെ കൂടുതലാണ് എന്നാണ് കാലാവസ്ഥാ വിദഗ്ധർ സാക്ഷ്യപ്പെടുത്തുന്നത്. എന്നാൽ യഥാർത്ഥ വേനൽച്ചൂട് ഇതുവരെ എത്തിയിട്ടില്ല. മാർച്ച് പകുതി മുതൽ മെയ് ആദ്യവാരം വരെയുള്ള "സറയത്ത് സീസൺ" എന്ന പരിവർത്തന ഘട്ടത്തിലാണ് രാജ്യം.
ഈ സീസണിന്റെ പ്രത്യേകത പെട്ടന്നുള്ളതും ഹ്രസ്വവുമായ കാലാവസ്ഥാ മാറ്റങ്ങളാണ്. ഉച്ചതിരിഞ്ഞോ അതിരാവിലെയോ വലിയ ഇടിമിന്നൽ മേഘങ്ങൾ രൂപപ്പെട്ട് ഹ്രസ്വവും ശക്തമായ മഴ, കാറ്റ്, പൊടിക്കാറ്റുകൾ എന്നിവയുണ്ടാകാം. ചൂടും അസ്ഥിരമായ കാലാവസ്ഥയും ഈ കാലയളവിന്റെ പ്രത്യേകതയാണെന്ന് കാലാവസ്ഥാ നിരീക്ഷകർ പറയുന്നു. നിലവിലെ സ്ഥിതിയിൽ ഇത് എത്ര നാൾ തുടരുമെന്ന കാര്യത്തിൽ ധാരണയില്ല.
അറേബ്യൻ ഉപദ്വീപിന്റെ മധ്യഭാഗങ്ങളെ, പ്രത്യേകിച്ച് സൗദി അറേബ്യയെ ബാധിക്കുന്ന ന്യൂനമർദ്ദമാണ് ഈ അസ്ഥിരതയ്ക്ക് കാരണമായി വിലയിരുത്തുന്നത്. യുഎഇയെ നേരിട്ട് ബാധിക്കില്ലെങ്കിലും, മേഘരൂപീകരണം, ഒറ്റപ്പെട്ട മഴ എന്നിവയുടെ പരോക്ഷ ഫലങ്ങൾ വരും ദിവസങ്ങളിലും പ്രതീക്ഷിക്കാം.
കഴിഞ്ഞ ആഴ്ചകളിൽ അസാധാരണമാംവിധം തണുപ്പാണ് അനുഭവപ്പെട്ടത്.
ചില തീരദേശ നഗരങ്ങളിൽ താപനില 30°C-ൽ താഴെയായിരുന്നു. ചില പോലുള്ള ഉൾപ്രദേശങ്ങളിൽ ഇത് 15°C-ൽ താഴെയും ചിലപ്പോൾ 10°C-ലും താഴെയെത്തി. ഇത് സാധാരണ സീസൺ ശരാശരിയെക്കാൾ കുറവായിരുന്നു. നിലവിലെ കാലാവസ്ഥാ രീതി വസന്തകാലം അവസാനിക്കുന്നതിന്റെ സൂചനയായാണ് വിദഗ്ധർ വിലയിരുത്തുന്നത്.
മാർച്ച് പകുതി മുതൽ മെയ് ആദ്യവാരം വരെയുള്ള കാലയളവിൽ സാധാരണയായി അസ്ഥിരമായ കാലാവസ്ഥയാണെങ്കിലും, ഈ വർഷം തണുപ്പുള്ള ദിവസങ്ങളും 40°C പോലുള്ള പെട്ടന്നുള്ള താപനില വർധനയും കണ്ടത് പലരും കൗതുകത്തോടെയാണ് നിരീക്ഷിക്കുന്നത്. എങ്കിലും ഇത്തരം ഏറ്റക്കുറച്ചിലുകൾ സീസണിന്റെ പ്രത്യേകതയാണെന്നും പ്രാദേശിക കാലാവസ്ഥാ സംവിധാനങ്ങളെ ആശ്രയിച്ച് മെയ് ആദ്യകാലം വരെ നീണ്ടുനിൽക്കാം.
Click it and Unblock the Notifications
Sign in with Google