Wayanad Result LIVE: വയനാട് ഫലം: രാഹുലിന്റെ ഭൂരിപക്ഷം നാല് ലക്ഷത്തിലേക്ക്, മുന്നോട്ട് തന്നെ

Wayanad Result LIVE: വയനാട് ഫലം: വയനാട് മണ്ഡലം എന്തുകൊണ്ടും ദേശീയ ശ്രദ്ധ ആകർഷിക്കുന്ന ഇടങ്ങളിൽ ഒന്നായി മാറിയിട്ട് ഇത് രണ്ടാമത്തെ തിരഞ്ഞെടുപ്പാണ്. കഴിഞ്ഞ പൊതു തിരഞ്ഞെടുപ്പിലാണ് ആദ്യമായി മണ്ഡലത്തിൽ രാഹുൽ ഗാന്ധിയുടെ പേര് ഉയർന്നു കേട്ടത്. വമ്പൻ ഭൂരിപക്ഷത്തിൽ കന്നിയങ്കത്തിൽ തന്നെ മണ്ഡലത്തിൽ നിന്ന് അദ്ദേഹം ജയിച്ചു കയറിയിരുന്നു.

എന്നാൽ കാലം മാറി, കഥ മാറി എന്നാണ് ഇത്തവണ എൽഡിഎഫും എൻഡിഎയും നൽകുന്ന മുന്നറിയിപ്പ്. എൽഡിഎഫിന് വേണ്ടി മുതിർന്ന സിപിഐ നേതാവ് ആനി രാജയാണ് കളത്തിൽ ഇറങ്ങിയത്. രാഹുലിനെ പോലെയൊരു ദേശീയ നേതാവിനെ നേരിടാൻ ദേശീയ തലത്തിൽ മികവ് തെളിയിച്ച വനിതാ സ്ഥാനാർത്ഥിയെ രംഗത്തിറക്കാൻ സിപിഐ മുതിർന്നു എന്നതാണ് ശ്രദ്ധേയമായ കാര്യം.

ഈ രണ്ട് മുന്നണികളെയും വെല്ലുവിളിച്ചു കൊണ്ട് മറുവശത്ത് ബിജെപി സംസ്ഥാന അധ്യക്ഷൻ കെ സുരേന്ദ്രൻ തന്നെ നേരിട്ട് ഇറങ്ങിയതോടെ വയനാട് അക്ഷരാർത്ഥത്തിൽ രാഷ്ട്രീയ യുദ്ധഭൂമിയായി. കേന്ദ്ര നേതൃത്വത്തിന്റെ പിന്തുണയോടെ രാഹുലിനെ എതിരിടുന്ന സുരേന്ദ്രൻ വോട്ട് പിടിക്കുമോ എന്നാണ് ഇനി കണ്ടറിയേണ്ടത്.

രാഹുൽ ഗാന്ധിയാവട്ടെ വയനാട്ടിലെ സ്ഥാനാർത്ഥിത്വവും പ്രചരണവും വോട്ടെടുപ്പും ഒക്കെ കഴിഞ്ഞ ശേഷമാണ് റായ്ബറേലിയിൽ മത്സരിക്കുമെന്ന കാര്യം പ്രഖ്യാപിച്ചത്. ഇനി ഒരു പക്ഷേ രണ്ട് മണ്ഡലങ്ങളും ജയിച്ചാൽ രാഹുൽ ഏതിനെ കൈയൊഴിയും എന്നാണ് കണ്ടറിയേണ്ടത്. അതറിയാൻ വോട്ടെണ്ണൽ അവസാനം വരെ കാത്തിരിക്കേണ്ടി വരും.

വയനാട് ലോക്‌സഭ മണ്ഡലത്തിലെ തിരഞ്ഞെടുപ്പ് ഫലം വണ്‍ഇന്ത്യ മലയാളത്തോടൊപ്പം തത്സമയം അറിയാം.

English summary

Rahul Gandhi Vs Annie Raja Vs K Surendran Who Wins, Total Votes. CPIM vs BJP vs Congress.