സംസ്ഥാനത്ത് മഴ മുന്നറിയിപ്പില് മാറ്റം; തീവ്രമഴയ്ക്ക് സാധ്യത, 12 ജില്ലകളില് യെല്ലോ അലേർട്ട്
തിരുവനന്തപുരം: സംസ്ഥാനത്ത് വീണ്ടും മഴ മുന്നറിയിപ്പിൽ മാറ്റം. തീവ്രമഴയ്ക്കുള്ള സാധ്യതയാണ് പുതിയ അറിയിപ്പില് കാലാവസ്ഥ നിരീക്ഷണ കേന്ദ്രം പങ്കുവയ്ക്കുന്നത്. പുതിയ മാറ്റത്തെ തുടര്ന്ന് 12 ജില്ലകളിൽ യെല്ലോ അലേർട്ട് പ്രഖ്യാപിച്ചു. കോഴിക്കോട്, വയനാട് ജില്ലകള് ഒഴികെയുള്ള ജില്ലകളിലാണ് യെല്ലോ അലര്ട്ട്. നാളെ ഏഴ് ജില്ലകളിൽ ഓറഞ്ച് അലേർട്ട് പ്രഖ്യാപിച്ചിട്ടുണ്ട്.
തിരുവനന്തപുരം മുതൽ ഇടുക്കി വരെയുള്ള ജില്ലകളിലാകും മഴ കനക്കുക. വ്യാഴം വരെ മഴ തുടരുമെന്നാണ് മുന്നറിയിപ്പ്. ഇടിമിന്നലോടുകൂടി തുടര്ച്ചയായി മഴ പെയ്യുന്നതിനാൽ പ്രദേശികമായി ചെറു മിന്നൽ പ്രളയമുണ്ടാകാമെന്നും കാലാവസ്ഥാ വിദഗ്ധര് മുന്നറിയിപ്പ് നൽകിയിട്ടുണ്ട്.
അദ്യം തെക്കൻ കേരളത്തില് ശക്തി പ്രാപിക്കുന്ന മഴ പിന്നീട് വടക്കൻ കേരളത്തില് ശക്തി പ്രാപിക്കും. ചൊവ്വാഴ്ച തിരുവനന്തപുരം മുതൽ തൃശ്ശൂർ വരെയുള്ള 8 ജില്ലകളിൽ തീവ്ര മഴ മുന്നറിയിപ്പുണ്ട്. ബുധൻ, വ്യാഴം ദിവസങ്ങളിൽ 10 ജില്ലകളിലാണ് ഓറഞ്ച് അലേര്ട്ട്. തീരദേശ മേഖലകളിലും മലയോരമേഖലകളിലും അതിതീവ്ര മഴയെ കരുതിയിരിക്കണമെന്ന് കുസാറ്റ് കാലാവസ്ഥാ വിഭാഗത്തിലെ ഡോ.മനോജ് കുമാര് വ്യക്തമാക്കി.കുറഞ്ഞ സമയത്തിനുള്ളയിൽ കൂടുതൽ മഴ മേഘങ്ങൾ എത്താമെന്നതിനാൽ മണ്ണിടിച്ചിലിനും വെള്ളക്കെട്ടിനും സാധ്യത വളരെ കൂടുതലാണെന്നും മുന്നറിയിപ്പുണ്ട്.
അടിപൊളി ഗെറ്റപ്പില് ഞെട്ടിച്ച് അന്ന ബെന്; എജ്ജാതി ലുക്കെന്ന് സോഷ്യല് മീഡിയ
Click it and Unblock the Notifications
Sign in with Google