കണ്ണൂർ കണ്ണവം വനത്തിൽ യുവാവ് വെടിയേറ്റ് മരിച്ചു
കൂത്തുപറമ്പ്: കണ്ണവം കോളനിയിൽ വെങ്ങളത്ത് വനത്തിനുള്ളിൽ ആദിവാസി യുവാവ് വെടിയേറ്റ് മരിച്ചു. വെങ്ങളത്ത് ഖാദി ബോർഡ് സെൻററിനടുത്ത് സ്വാമി പീടികയിലെ തെനിയാടൻ കുഞ്ഞാന്റെ മകൻ പ്രദീപൻ (സജീവൻ- 38) ആണ് മരിച്ചത്. തിങ്കളാഴ്ച വൈകുന്നേരം അറക്കൽ കോളനിയോട് ചേർന്ന പാറയിടുക്ക് ഭാഗത്ത് വെടിയേറ്റ് മരിച്ച നിലയിൽ കണ്ടെത്തിയത്.
കാണാതായ മലയാളി ദമ്പതികളുടെ മൃതദേഹം സൗദിയിലെ മരുഭൂമിയിൽ; ആരുമില്ലാത്ത സ്ഥലത്ത്... ദുരൂഹത...
നാടൻ തോക്ക് കൈകാര്യം ചെയ്യുന്നതിനിടെ അബദ്ധത്തിൽ വെടിയേറ്റതാണെന്നാണ് പോലീസിന്റെ നിഗമനം. മുഖത്ത് വെടിയേറ്റ് പിന്നിലേക്ക് മറിഞ്ഞു വീണ നിലയിലായിരുന്നു മൃതദേഹം. തിങ്കളാഴ്ച മുതൽ വനത്തിനുള്ളിൽ തന്നെ സൂക്ഷിച്ച മൃതദേഹം ചൊവ്വാഴ്ച രാവിലെ കണ്ണവം എസ് ഐ കെവി ഗണേഷിന്റെ നേതൃത്വത്തിൽ പോലീസ് ഇൻക്വസ്റ്റ് നടത്തി.
വിരലടയാള വിദഗ്ദരും ഫോറൻസിക് വിഭാഗം ഉദ്യോഗസ്ഥരും സ്ഥലത്തെത്തി പരിശോധന നടത്തി.തുടർന്ന് പോസ്റ്റ്മോർട്ടത്തിനായി പരിയാരം മെഡിക്കൽ കോളേജ് ആശുപത്രിയിലേക്ക് മാറ്റി. വെങ്ങളം കോളനിയിലെ കുഞ്ഞാൻ - പരേതയായ കുംഭ ദമ്പതികളുടെ മകനാണ് മരിച്ച പ്രദീപൻ. ഭാര്യ: രതി. മകൻ: നന്ദു. സഹോദരങ്ങൾ: ശ്രീധരൻ, അശോകൻ, ബാബു, സുമിത്ര, സുമ, പരേതനായ രാജൻ.മൃതദേഹം ചൊവ്വാഴ്ച വൈകീട്ട് വീട്ടുവളപ്പിൽ സംസ്ക്കരിക്കും.
കടിച്ച പാമ്പിനെ തിരിച്ചു കടിച്ച് യുവാവിന്റെ പ്രതികാരം! പാമ്പിന്റെ തല വായിലെടുത്ത് ചവച്ചു! ബോധം പോയി