Click it and Unblock the Notifications
Just In
-
-
-
Don't Miss
-
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ? -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും -
'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു' -
കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..? -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മുന്‍ മന്ത്രിയുടെ സ്വത്ത് തട്ടിയെടുക്കാന്‍ ശ്രമിച്ചെന്ന പരാതി; പ്രേമചന്ദ്രന്‍ എംപിക്കെതിരെ കേസ്
കൊല്ലം: ആര്‍എസ്പി നേതാവും കൊല്ലം എംപിയുമായ എന്‍കെ പ്രേമചന്ദ്രനെതിരെ കേസ്. മുന്‍ മന്ത്രിയും ആര്‍എസ്പി നേതാവുമായ ആര്‍എസ് ഉണ്ണിയുടെ സ്വത്ത് തട്ടിയെടുക്കാന്‍ ശ്രമിച്ചെന്ന ചെറുമക്കളുടെ പരാതിയിലാണ് പ്രേമചന്ദ്രന്‍ അടക്കം നാല് പേര്‍ക്കെതിരെ കേസെടുത്തത്. മറ്റൊരാളുടെ സ്വത്ത് അതിക്രമിച്ച് കടന്നതിനും വധഭീഷണി മുഴക്കിയതിനും, സംഘം ചേര്‍ന്നതിനുമാണ് കൊല്ലം ശക്തികുളങ്ങര പോലീസ് കേസ് രജിസ്റ്റര്‍ ചെയ്തത്. പ്രേമചന്ദ്രന്‍ പ്രസിഡന്റായ സംഘടനയുടെ പേരിലാണ് സ്വത്ത് തട്ടിയെടുക്കാന്‍ ശ്രമിച്ചതെന്നാണ് ആരോപണം. കേസിലെ രണ്ടാം പ്രതിയാണ് പ്രേമചന്ദ്രന്‍. ആര്‍എസ്പി നേതാവായ കെപി ഉണ്ണികൃഷ്ണനാണ് ഒന്നാം പ്രതി.
ആര്‍എസ് ഉണ്ണിയുടെ കൊല്ലത്തെ കുടുംബവീട് കൈയ്യടക്കാന്‍ ശ്രമിച്ചെന്നാണ് പരാതിയില്‍ ആരോപിക്കുന്നത്. പ്രാദേശിക ആര്‍എസ്പി നേതാവിന്റെ നേതൃത്വത്തിലായിരുന്നു ഈ ശ്രമമെന്ന് കുടുംബം ആരോപിക്കുന്നു. ആര്‍എസ് ഉണ്ണിയുടെ ചെറുമക്കളായ അമൃതയ്ക്കും അഞ്ജനയ്ക്കുമാണ് വീടിന്റെ നിയമപരമായ അവകാശം. ഇതിന്റെ പേരിലാണ് പ്രശ്‌നങ്ങള്‍ ഉണ്ടായത്. ശക്തികുളങ്ങരയിലെ പ്രാദേശിക ആര്‍എസ്പി നേതാക്കള്‍ ഈ അവകാശം അംഗീകരിക്കാന്‍ തയ്യാറാകുന്നില്ലെന്നാണ് പരാതിയില്‍ പറയുന്നത്. ആര്‍എസ് ഉണ്ണി ഫൗണ്ടേഷന്റെ പേരില്‍ വീടിന്റെ അവകാശം സ്വന്തമാക്കാന്‍ പ്രാദേശിക ആര്‍എസ്പി നേതാവായ കെപി ഉണ്ണികൃഷ്ണനും സംഘവും ശ്രമിക്കുകയാണെന്ന് കുടുംബം ആരോപിച്ചു.
ഈ പ്രശ്‌നത്തിലാണ് പ്രേമചന്ദ്രനും ഇടപെട്ടതെന്നാണ് ആരോപണം. അദ്ദേഹം പ്രതികളുടെ നിലപാടിനൊപ്പമായിരുന്നു. ഇതിനിടെ ആര്‍എസ് ഉണ്ണി ഫൗണ്ടേഷന്റെ പേരില്‍ തട്ടിപ്പ് നടത്തിയ കാര്യം അറിഞ്ഞിട്ടും ആര്‍എസ്പി നേതാക്കള്‍ പ്രശ്‌നപരിഹാരത്തിന് സഹായിച്ചില്ലെന്നാണ് ആരോപണം. നിയമപരമായ അവകാശം സ്ഥാപിച്ചിട്ടും ഭീഷണി തുടരുന്ന ആര്‍എസ്പി പ്രാദേശിക നേതൃത്വം, ഫൗണ്ടേഷന്റെ പേരില്‍ വീട്ടില്‍ സൂക്ഷിച്ചിരുന്ന സാധനങ്ങള്‍ നീക്കം ചെയ്യാന്‍ തയ്യാറാകാതെ ബുദ്ധിമുട്ടിക്കുകയാണെന്നും പരാതിക്കാര്‍ വ്യക്തമാക്കി.
Recommended Video
