Click it and Unblock the Notifications
Just In
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മഴക്കാല രോഗങ്ങള്‍ക്കെതിരെ ജാഗ്രത പാലിക്കണം: ജില്ലാ മെഡിക്കല്‍ ഓഫീസര്‍
കൊല്ലം: മഴക്കാലത്ത് പടരുന്ന ജലജന്യ രോഗങ്ങള്‍ക്കെതിരെ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ മുന്നറിയിപ്പ് നല്‍കി. വയറിളക്കം, ടൈഫോയിഡ്, മഞ്ഞപ്പിത്തം, ഷിഗെല്ല, കോളറ തുടങ്ങിയ രോഗങ്ങള്‍ മലിനജലത്തിലൂടെയും മൂടിവയ്ക്കാതെയുള്ള ആഹാരത്തിലൂടെയുമാണ് പകരുന്നത്. വയറിളക്കം പാനീയ ചികിത്സയിലൂടെ നിയന്ത്രിക്കാനാകും. മതിയായ ചികിത്സ നല്‍കിയില്ലെങ്കില്‍ മരണകാരണമായേക്കാം.
ഒ.ആര്‍.എസ്. ലായനി, ഉപ്പിട്ട കഞ്ഞിവെള്ളം, കരിക്കിന്‍വെള്ളം, ഉപ്പും പഞ്ചസാരയും ചേര്‍ത്ത നാരങ്ങാവെള്ളം എന്നിവ നല്‍കാം. വേഗത്തില്‍ ദഹിക്കുന്ന ആഹാരം മാത്രമാണ് ചികിത്സാവേളയില്‍ നല്‍കേണ്ടത്. ഷിഗെല്ല വയറിളക്കം ബാധിച്ച് സംസ്ഥാനത്ത്‌ ഒരു മരണം റിപ്പോര്‍ട്ട് ചെയ്തിട്ടുണ്ട്. പനി, വയറുവേദന, മലത്തിലൂടെ രക്തം, പഴുപ്പ് എന്നിവയാണ് രോഗലക്ഷണങ്ങള്‍.
ഇവ കണ്ടെത്തിയാല്‍ വിദഗ്ധ ചികിത്സ തേടണം. തിളപ്പിച്ചാറ്റിയവെള്ളം മാത്രം ഉപയോഗിക്കുക, കിണറുകളും പമ്പിംഗ് സ്റ്റേഷനുകളും ക്ലോറിനേറ്റ് ചെയ്യുക, തുറസായ ഇടങ്ങളില്‍ മലമൂത്ര വിസര്‍ജനം ഒഴിവാക്കുക, ആഹാരത്തിന് മുമ്പും ശേഷവും കൈകള്‍ സോപ്പ് ഉപയോഗിച്ച് കഴുകുക, കുടിവെള്ളവും ആഹാരവും മൂടിവച്ച പാത്രങ്ങളിലാക്കുക, പഴകിയ ഭക്ഷണം, തൈര്, ഐസ്‌ക്രീം, സിപ് അപ്, തുടങ്ങിയവ പൂര്‍ണമായും ഒഴിവാക്കുക എന്നിവയാണ് രോഗ പ്രതിരോധ മാര്‍ഗങ്ങള്‍. ഇതോടൊപ്പം വ്യക്തിശുചിത്വവും പരിസര ശുചിത്വവും കൂടി ഉറപ്പാക്കണമെന്ന് ഡി.എം.ഒ. നിര്‍ദ്ദേശിച്ചു.
