പോളിംഗ് ബൂത്തില് എത്താനാവില്ലെന്ന് പേടിക്കേണ്ട, ഇത്തവണ തപാല് വോട്ട്, ക്രമീകരണങ്ങള് ഇങ്ങനെ
കോട്ടയം: നിയമസഭാ തിരഞ്ഞെടുപ്പില് പോളിംഗ് ബൂത്തുകളില് എത്താന് കഴിയാത്തവര് വിഷമിക്കേണ്ട, ഇത്തവണ ആബ്സന്റി വോട്ടര്മാരായി പരിഗണിച്ച് അവര്ക്ക് ബാലറ്റ് സൗകര്യം ഏര്പ്പെടുത്തിയിട്ടുണ്ട്. തപാല് വോട്ടാണ് ഉണ്ടാവുക. 80 വയസു പിന്നിട്ടവര്, ഭിന്നശേഷി വിഭാഗത്തില്പെട്ടവര്, കോവിഡ് ബാധിതര്, കോവിഡ് ക്വാറന്റയിന് കഴിയുന്നവര്, അവശ്യ സേവന വിഭാഗങ്ങളിലെ ജീവനക്കാര് എന്നിവര്ക്കാണ് തപാല് വോട്ടു ചെയ്യാന് കഴിയുക.
ആദ്യത്തെ നാലു വിഭാഗങ്ങളിലുള്ളവര്ക്ക് താമസസ്ഥലത്ത് എത്തിച്ചു നല്കുന്ന ബാലറ്റ് പേപ്പറില് വോട്ടു ചെയ്യാം. അവശ്യ സേവന വിഭാഗങ്ങളില്പെട്ടവര്ക്ക് തപാല് വോട്ടു ചെയ്യുന്നതിനായി ഓരോ മണ്ഡലത്തിലും പ്രത്യേക വോട്ടിംഗ് കേന്ദ്രം സജ്ജമാക്കും. തപാല് വോട്ടു ചെയ്യാന് താത്പര്യമുണ്ടെന്ന് വോട്ടര് വരണാധികാരിയെ അറിയിക്കുന്നതാണ് ആദ്യ പടി. ഇതിനായി 12 ഡി എന്ന ഫോറത്തില് വിവരങ്ങള് രേഖപ്പെടുത്തി നല്കണം. ബൂത്ത് ലെവല് ഓഫീസര്മാര് ഈ ഫോറം മാര്ച്ച് 17നു മുന്പ് ഇത്തരം വോട്ടര്മാര്ക്ക് എത്തിച്ചു നല്കി പൂരിപ്പിച്ച് തിരികെ വാങ്ങും.
ഭിന്നശേഷിക്കാരായ വോട്ടര്മാര് 40 ശതമാനമോ അതിലധികമോ ഭിന്നശേഷിയുണ്ടെന്ന് വ്യക്തമാക്കുന്ന സാക്ഷ്യപത്രം കൂടി ഇതോടൊപ്പം നല്കേണ്ടതാണ്. തപാല് ബാലറ്റുകള് വോട്ടര്ക്ക് നല്കുന്നതിന് പ്രത്യേക പോളിംഗ് സംഘങ്ങളെ വരണാധികാരിമാര് നിയോഗിച്ചിട്ടുണ്ട്. സ്വകാര്യത ഉറപ്പാക്കി വോട്ടു ചെയ്യുന്നതിനുള്ള ക്രമീകരണങ്ങളുമായാണ് ഉദ്യോഗസ്ഥര് എത്തുക. പോസ്റ്റല് ബാലറ്റില് ആരുടെയും സ്വാധീനത്തിന് വിധേയമല്ലാതെതന്നെ സ്ഥാനാര്ഥിയുടെ പേരിനു നേരെ ശരി ചിഹ്നമോ ഗുണന ചിഹ്നമോ രേഖപ്പെടുത്തി വോട്ടു ചെയ്യാം.
അതേസമയം ആബ്സന്റി വോട്ടര്മാര്ക്ക് തപാല് വോട്ടു ചെയ്യുന്നതിനുള്ള 12 ഡി അപേക്ഷാ ഫോറത്തിന്റെ വിതരണം വേഗത്തില് പൂര്ത്തീകരിക്കണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര് എം അഞ്ജന നിര്ദേശിച്ചു. ബൂത്ത് ലെവല് ഓഫീസര്മാര്(ബി.എല്.ഒ) മുഖേനയാണ് ഫോറം വിതരണം ചെയ്യുന്നത്. ഫോറം വിതരണം സമയബന്ധിതമായി പൂര്ത്തീകരിക്കേണ്ടതിനാല് ബൂത്ത് ലെവല് ഓഫീസര്മാര് പൂര്ണമായും ഈ പ്രവര്ത്തനങ്ങളില് ശ്രദ്ധ കേന്ദ്രീകരിക്കണം.
തെരഞ്ഞെടുപ്പ് പ്രചാരണത്തിനായി അമിത് ഷാ തമിഴ്നാട്ടില്, ചിത്രങ്ങള് കാണാം
ഫോറം വിതരണം ചെയ്യുന്നതിന് വീടുകളില് പോകുന്ന ബി.എല്.ഒമാര് കോവിഡ് പ്രതിരോധ വാക്സിന് സ്വീകരിക്കണമെന്നും കോവിഡ് പ്രോട്ടോക്കോള് കര്ശനമായി പാലിക്കണമെന്നും കളക്ടര് നിര്ദേശിച്ചു. ബൂത്തുകളുള്ള കെട്ടിടങ്ങളില് നിര്മാണ പ്രവര്ത്തനങ്ങള് പാടില്ല. കേന്ദ്ര തെരഞ്ഞെടുപ്പ് കമ്മീഷന് സമര്പ്പിച്ചിട്ടുള്ള പട്ടികയില് ഉള്പ്പെട്ട പോളിഗ് ബൂത്തുകള് പ്രവര്ത്തിക്കുന്ന കെട്ടിടങ്ങള് പൊളിക്കുവാനോ നവീകരണ പ്രവര്ത്തനങ്ങള് നടത്തുവാനോ പാടില്ല. മാര്ച്ച് 10ന് മുന്പ് പോളിംഗ് ബൂത്തുകളില് അടിസ്ഥാന സൗകര്യങ്ങള് ഉറപ്പാക്കാന് വരണാധികാരികള് ശ്രദ്ധിക്കണം.
ഐഷാ ശര്മയുടെ ഗ്ലാമര് ഫോട്ടോ ഷൂട്ട്
Click it and Unblock the Notifications
Sign in with Google