കോഴിക്കോട് ജില്ലയില് കണ്ടെയ്ന്മെന്റ് സോണുകളില് 144 പ്രഖ്യാപിച്ചു, ഇളവ് അവശ്യ സേവനങ്ങള്ക്ക്
കോഴിക്കോട്: ജില്ലയിലെ കണ്ടയ്ന്മെന്റ് സോണുകളില് 144 പ്രഖ്യാപിച്ച് കലക്ടര് ഉത്തരവായി. രോഗവ്യാപനം രൂക്ഷമാവുന്നത് ഒഴിവാക്കാന് പുറപ്പെടുവിച്ച കോവിഡ് നിയന്ത്രണങ്ങള് കര്ശനമായി പാലിക്കപ്പെടാത്ത സാഹചര്യത്തിലാണ് നടപടി. കണ്ടെയ്ന്മെന്റ് സോണുകളില് പൊതു, സ്വകാര്യ ഇടങ്ങളിലുള്ള കൂടിച്ചേരലുകള് ഇതുപ്രകാരം പൂര്ണമായി നിരോധിച്ചു. തൊഴില്, അവശ്യസേവനാവശ്യങ്ങള്ക്കു മാത്രമാണ് ഇളവ് അനുവദിച്ചിട്ടുള്ളത്.
നിയന്ത്രണങ്ങള് ലംഘിക്കുന്നവര്ക്കെതിരേ കര്ശന ശിക്ഷാനടപടികള് സ്വീകരിക്കാന് പോലീസ് മേധാവികള്ക്ക് കലക്ടര് നിര്ദേശം നല്കി. കണ്ടയ്ന്മെന്റ് സോണുകളിലെ ആരാധനാലയങ്ങളില് അനുഷ്ഠാനങ്ങളും ചടങ്ങുകളും നടത്താനേ പാടുള്ളൂ. ഇതില് അഞ്ചില് കൂടുതല് പേര് പങ്കെടുക്കരുത്. കോവിഡ് മാനദണ്ഡങ്ങള് പാലിക്കപ്പെടുന്നുവെന്ന് ഉറപ്പുവരുത്താനായി നിയോഗിക്കപ്പെട്ട സെക്ടറല് മജിസ്ട്രേറ്റുമാര് കണ്ടയ്ന്മെന്റ് സോണുകളില് നിരീക്ഷണത്തിനുണ്ടാവും.
രോഗവ്യാപനം വിശകലനം ചെയ്ത് ഓരോ ദിവസവും പ്രഖ്യാപിക്കുന്ന കണ്ടെയ്ന്മെന്റ് സോണുകളുടെ വിവരം കോവിഡ് ജാഗ്രത പോര്ട്ടലില് ലഭ്യമാണ്. രോഗവ്യാപനം അതി തീവ്രമായി തുടരുന്നത് ജില്ലയെ ഗുരുതര സാഹചര്യങ്ങളിലേക്ക് നയിക്കുമെന്ന് ജില്ലാ ഭരണകൂടം മുന്നറിയിപ്പു നല്കുന്നു.
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
അതേസമയം സംസ്ഥാനത്ത് തുടര്ച്ചയായ രണ്ടാം ദിവസവും വാക്സിന് ക്ഷാമം രൂക്ഷമായിരിക്കുകയാണ്. തിരുവനന്തപുരം, ആലപ്പുഴ, ഉള്പ്പെടെയുള്ള അഞ്ച് ജില്ലകളിലെ വാക്സിന് കേന്ദ്രങ്ങളില് ആവശ്യത്തിന് മരുന്ന് എത്തിയിട്ടുമില്ല. എറണാകുളത്ത് സ്വകാര്യ ആശുപത്രികളിലെ വാക്സിന് വിതരണം ഭൂരിഭാഗവും നിര്ത്തലാക്കിയിരിക്കുകയാണ്. ഇന്ന് വൈകീട്ടോടെ തിരുവനന്തപുരം വിമാനത്താവളത്തില് രണ്ട് ലക്ഷം കൊവിഷീല്ഡ് വാക്സിന് എത്തുന്നതോടെ താല്ക്കാലിക പരിഹാരമുണ്ടാകുമെന്നാണ് പ്രതീക്ഷ. കൂട്ടപ്പരിശോധനയില് കൂടുതല് പേര് പോസിറ്റീവാകുന്നുണ്ട്.
കാഷ്വൽ ലുക്കിൽ തമന്ന ഭാട്ടിയ, ചിത്രങ്ങൾ കാണാം
Click it and Unblock the Notifications
Sign in with Google