കോഴിക്കോട്ട് ഹാജരാകാനാവാത്ത വോട്ടര്മാരെ തേടി പോളിങ് ഉദ്യോഗസ്ഥര് വീടുകളിലെത്തും
കോഴിക്കോട്: വീടുകളില് കഴിയുന്ന ഭിന്നശേഷിക്കാര്, 80 വയസ്സ് കഴിഞ്ഞവര്, കോവിഡ് രോഗികള്, ക്വാറന്റൈനില് കഴിയുന്നവര് എന്നീ വിഭാഗത്തില്പ്പെട്ട അര്ഹരായ വോട്ടര്മാരെ തേടി പോളിങ് ഉദ്യോഗസ്ഥര് വീടുകളിലെത്തി തുടങ്ങി. ഹാജരാകാനാവാത്ത സമ്മതിദായകര് എന്ന വിഭാഗത്തില്പ്പെടുത്തി ആദ്യമായാണ് ഇവര്ക്ക് സ്പെഷ്യല് തപാല്വോട്ട് ഏര്പ്പെടുത്തിയത്. കോവിഡ് രോഗവ്യാപനത്തിന്റെ കൂടി പശ്ചാത്തലത്തില് ആണ് വീടുകളില് കഴിയുന്നവര്ക്ക് ഈ സംവിധാനം.
നേരത്തേ നിശ്ചിത ഫോറത്തില് അപേക്ഷ നല്കിയവര്ക്കു മാത്രമാണ് ഇത്തരത്തില് വോട്ടുചെയ്യാന് സാധിക്കുകയുള്ളൂ. ഒരു മണ്ഡലത്തിലെ വരണാധികാരിക്കു കീഴില് മുപ്പത് ടീമുകളായാണ് പോളിങ് ഉദ്യോഗസ്ഥര് വീടുകളിലെത്തുക.രണ്ട് പോളിങ് ഉദ്യോഗസ്ഥരും ഒരു നിരീക്ഷകനും ഒരു പോലീസുകാരനും ഒരു വീഡിയോ ഗ്രാഫറും ഓരോ ടീമിലുമുണ്ടാകും. വോട്ടര്മാരെയും സ്ഥാനാര്ത്ഥികളെയും മുന്കൂട്ടി അറിയിച്ച ശേഷമാകും പോളിംഗ് ടീം വീടുകളില് എത്തുക.
എസ്എംഎസ് മെസ്സേജ് വഴിയോ ബി.എല്.ഒ.മാര് വഴിയോ ആണ് വോട്ടര്മാര്ക്ക് വിവരം കൈമാറുക. സ്ഥാനാര്ത്ഥികള്ക്ക് ആവശ്യമെങ്കില് വരണാധികാരിയുടെ മുന്കൂര് അനുമതിയോടെ പോളിംഗ് ഏജന്റുമാരായി ബൂത്ത് ലെവല് ഏജന്റുമാരെ നിയോഗിക്കാവുന്നതാണ്. വോട്ടിങ്ങിന്റെ രഹസ്യ സ്വഭാവം നഷ്ടപ്പെടുത്താത്തവിധത്തില് മുഴുവന് നടപടികളും വീഡിയോയില് പകര്ത്തും. ജില്ലയില് 80നു മുകളില് പ്രായമുള്ള 27,403 പേരും 7417 ഭിന്നശേഷിക്കാരും 30 കോവിഡ് രോഗികളുമാണ് സ്പെഷ്യല് തപാല് വോട്ടിനു അര്ഹരായിട്ടുള്ളത്.
Recommended Video
അതേസമയം പൊതുസ്ഥലങ്ങളും മുതലുകളും തെരഞ്ഞെടുപ്പ് പ്രചാരണത്തിനായി ഉപയോഗിക്കരുതെന്ന് തെരഞ്ഞെടുപ്പ് പൊതു നിരീക്ഷകന് കേശവ് കുമാര് പഥക് കഴിഞ്ഞ ദിവസം നിര്ദേശിച്ചിരുന്നു. കലക്ടറേറ്റ് കോണ്ഫറന്സ് ഹാളില് നടന്ന രാഷ്ട്രീയ പാര്ട്ടി പ്രതിനിധികളുടെ യോഗത്തില് സംസാരിക്കവേയാണ് ഇക്കാര്യം അദ്ദേഹം വ്യക്തമാക്കിയത്. പോളിങ് സ്റ്റേഷന്റെ 100 മീറ്റര് പരിധിക്കുള്ളില് പ്രചാരണ പോസ്റ്ററുകള്, ചുവരെഴുത്തുകള് പാടില്ലെന്നും, ചട്ടം ലംഘിക്കുന്നവര്ക്കെതിരേ കര്ശന നിയമനടപടി സ്വീകരിക്കുമെന്നും അദേഹം വ്യക്തമാക്കി.
-
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും
Click it and Unblock the Notifications
Sign in with Google