ഇന്ത്യ മതസ്വാതന്ത്ര്യമുള്ള നാട്; അറബ് രാജ്യങ്ങളില്‍ ഇതുപോലെ പറ്റില്ലെന്ന് സമസ്ത നേതാവ്

ഇന്ത്യ മതസ്വാതന്ത്ര്യമുള്ള രാജ്യമാണെന്ന് സമസ്ത നേതാവ്. ഇസ്ലാമിക രാജ്യങ്ങളിലൊന്നും ഇന്ത്യയിലേത് പോലെ ഇസ്ലാമിക പ്രവര്‍ത്തനം നടത്താനാവില്ലെന്നും അദ്ദേഹം പറഞ്ഞു.

Updated: Sunday, January 29, 2023, 5:38 [IST]

കോഴിക്കോട്: ഇന്ത്യയെ പോലെ ഇസ്ലാമിക പ്രവര്‍ത്തനം നടത്താന്‍ സാധിക്കുന്ന രാജ്യം ലോകത്തില്ലെന്ന് സമസ്ത കേരള ജംഇയ്യത്തുല്‍ ഉലമ എപി വിഭാഗം സെക്രട്ടറി പൊന്മള അബ്ദുള്‍ ഖാര്‍ മുസ്ല്യാര്‍. ഇന്ത്യയിലുള്ളത് പോലെ മതസ്വാതന്ത്ര്യം മറ്റൊരു രാജ്യത്തുമില്ല.

ഇസ്ലാമിക രാജ്യങ്ങളായ സൗദി അറേബ്യ അടക്കമുള്ള ഇടങ്ങളില്‍ ഇത്തരത്തിലുള്ള മതസ്വാതന്ത്ര്യമില്ലെന്ന് അദ്ദേഹം പറഞ്ഞു. സുന്നി സ്റ്റുഡന്റ് ഫെഡറേഷന്റെ സമ്മേളനത്തിലായിരുന്നു അദ്ദേഹത്തിന്റെ പരാമര്‍ശം.

ലോകരാഷ്ട്രങ്ങള്‍ പരിശോധിക്കുമ്പോള്‍ ഇസ്ലാമികമായി ഇവിടെ പ്രവര്‍ത്തനം നടത്തുന്നത് പോലെ മറ്റെവിടെയും നടത്താന്‍ സൗകര്യമുള്ള ഒരു രാജ്യവുമില്ലെന്ന് അദ്ദേഹം പറഞ്ഞു.

മുടിയൊന്ന് നീട്ടാന്‍ നോക്കിയിട്ടും വളരുന്നില്ലേ, ഒന്നുകൊണ്ടും പേടിക്കേണ്ട, ഇത് പരീക്ഷിച്ചാല്‍ എല്ലാം റെഡിയാവും

പരിചയമുള്ള ഗള്‍ഫ് നാടുകളില്‍ യുഎഇ, ഖത്തര്‍, കുവൈത്ത്, ബഹ്‌റൈന്‍, സൗദി അറേബ്യന്‍, അതോടൊപ്പം മലേഷ്യ,സിംഗപ്പൂര്‍ തുടങ്ങിയ രാജ്യങ്ങളിലും ഇന്ത്യയിലേത് പോലെ ഇസ്ലാമിക പ്രവര്‍ത്തനം സാധ്യമല്ല.

വെള്ളിയാഴ്ച്ച മതപ്രഭാഷണം നടത്താന്‍ നാട്ടിലൊരു പ്രശ്‌നവുമില്ലെന്നും അദ്ദേഹം പറഞ്ഞു. അതേസമയം രാജ്യത്തിന്റെ സമാധാനത്തിനും പുരോഗതിക്കും മതേതരത്വം സംരക്ഷിക്കപ്പെടണമെന്ന് കാന്തപുരം അബൂബക്കര്‍ മുസ്ല്യാര്‍ പറഞ്ഞു.

വിദ്യാര്‍ത്ഥികളും യുവാക്കളും രാജ്യത്ത് നല്ല അന്തരീക്ഷണം സൃഷ്ടിക്കാന്‍ പ്രവര്‍ത്തിക്കണമെന്നും അദ്ദേഹം പറഞ്ഞു. തീവ്രവാദവും, വിധ്വംസക പ്രവര്‍ത്തനങ്ങളും ഒന്നിനും പരിഹാരമല്ലെന്നും കാന്തപുരം പറഞ്ഞു.