കുതിരവട്ടം മാനസികാരോഗ്യ കേന്ദ്രത്തില് നിന്ന് പ്രതി രക്ഷപ്പെട്ട സംഭവത്തില് കേസെടുത്തു
കോഴിക്കോട്: കുതിരവട്ടം മാനസികാരോഗ്യ കേന്ദ്രത്തില് നിന്ന് കൊലക്കേസ് പ്രതി രക്ഷപ്പെട്ട സംഭവത്തില് മനുഷ്യാവകാശ കമ്മീഷന് സ്വമേധയാ കേസെടുത്ത് മാനസികാരോഗ്യ കേന്ദ്രം സൂപ്രണ്ടില് നിന്നും റിപ്പോര്ട്ട് തേടി.15 ദിവസത്തിനകം അന്വേഷണ റിപ്പോര്ട്ട് സമര്പ്പിക്കണമെന്ന് കമ്മീഷന് ജുഡീഷ്യല് അംഗം കെ ബൈജുനാഥ് ആവശ്യപ്പെട്ടു. പെരിന്തല്മണ്ണ ദൃശ്യ കൊലക്കേസിലെ പ്രതി വിനീഷാണ് മാനസികാരോഗ്യ കേന്ദ്രത്തില് നിന്നും രക്ഷപ്പെട്ടത്.
കേന്ദ്രത്തിലെ സുരക്ഷാ സംവിധാനത്തിലുണ്ടായ പാളിച്ച കാരണമാണ് പ്രതി രക്ഷപ്പെട്ടതെന്ന് കമ്മീഷന് പ്രാഥമികമായി വിലയിരുത്തി. കേസ് സെപ്റ്റംബര് 30 ന് കോഴിക്കോട് കളക്ടറേറ്റ് കോണ്ഫറന്സ് ഹാളില് നടക്കുന്ന സിറ്റിംഗില് പരിഗണിക്കും.
കുതിരവട്ടം മാനസികാരോഗ്യ കേന്ദ്രത്തെ അന്തര്ദേശീയ നിലവാരത്തിലേക്ക് ഉയര്ത്തുന്നതിനാവശ്യമായ നടപടികള് ചീഫ് സെക്രട്ടറി തലത്തില് സ്വീകരിക്കണമെന്ന് മനുഷ്യാവകാശ കമ്മീഷന് ജുഡീഷ്യല് അംഗം കെ ബൈജുനാഥ് ഇക്കഴിഞ്ഞ ഏപ്രില് 7 ന് ചീഫ് സെക്രട്ടറിക്ക് ഉത്തരവ് നല്കിയിരുന്നു.
കമ്മീഷന് കുതിരവട്ടം മാനസികാരോഗ്യ കേന്ദ്രത്തില് പരിശോധന നടത്തിയ ശേഷമാണ് ഉത്തരവ് നല്കിയത്. പ്രസ്തുത ഉത്തരവിന്മേല് സ്വീകരിച്ച നടപടികള് ചീഫ് സെക്രട്ടറി ഒരു മാസത്തിനകം അറിയിക്കണമെന്നും കമ്മീഷന് ആവശ്യപ്പെട്ടു. പ്രതി രക്ഷപ്പെട്ട സംഭവത്തിന്റെ പശ്ചാത്തലത്തിലാണ് നടപടി റിപ്പോര്ട്ട് ആവശ്യപ്പെട്ടത്.
നേരത്തെ സാമൂഹ്യ സുരക്ഷാ പെന്ഷന് അനുവദിക്കുന്നതിന് വില്ലേജ് ഓഫീസര് നല്കുന്ന വരുമാന സര്ട്ടിഫിക്കേറ്റിന് പുറമേ അപേക്ഷകന്റെ മറ്റ് ഭൗതിക സാഹചര്യങ്ങളും ജീവിത നിലവാരവും പരിശോധിക്കുമെന്ന് സര്ക്കാര് മനുഷ്യാവകാശ കമ്മീഷനെ അറിയിച്ചിരുന്നു.
സര്ക്കാര് മാനദണ്ഡങ്ങള്ക്കും നിബന്ധനകള്ക്കും വിരുദ്ധമായി അപേക്ഷകള് സൂക്ഷ്മമായി പരിശോധിക്കാതെ അനര്ഹരായവര്ക്ക് സാമൂഹ്യ സുരക്ഷാ പെന്ഷന് അനുവദിച്ചാല് പ്രാദേശിക സര്ക്കാര് സെക്രട്ടറിയും അന്വേഷണം നടത്തിയ ഉദ്യോഗസ്ഥനും മാത്രം ഉത്തരവാദിയായിരിക്കുമെന്ന് സര്ക്കാര് വ്യക്തമാക്കിയിട്ടുണ്ടെന്നും കോഴിക്കോട് നഗരസഭാ സെക്രട്ടറിയുടെ റിപ്പോര്ട്ടില് പറയുന്നു.
ലവ് ഇന് ബാഴ്സലോണ, വിക്കിക്കൊപ്പം നയന്താരയുടെ റൊമാന്റിക് സെല്ഫി, പുതിയ ചിത്രങ്ങള് വൈറല്
Click it and Unblock the Notifications
Sign in with Google