സ്മൃതി ഇറാനിയുടെ റോഡ് ഷോയില് ജന്മഭൂമി ഫോട്ടോഗ്രാഫറെ ബിജെപി പ്രവര്ത്തകന് മുഖത്തടിച്ചു
കോഴിക്കോട്: കേന്ദ്ര മന്ത്രി സ്മൃതി ഇറാനിയുടെ റോഡ് ഷോയില് ജന്മഭൂമിയുടെ ഫോട്ടോഗ്രാഫര്ക്ക് മര്ദനം. റോഡ് ഷോ റിപ്പോര്ട്ട് ചെയ്യാനെത്തിയ ഫോട്ടോഗ്രാഫര് ദിനേശ് കുമാറിനാണ് പരിക്കേറ്റത്. കണ്ണട തകര്ന്ന് മുഖത്ത് പരിക്കേറ്റ ദിനേശിനെ മാധ്യമപ്രവര്ത്തകര് ആശുപത്രിയിലെത്തിച്ചു. സ്മൃതി ഇറാനി തുറന്ന വാഹനത്തിലായിരുന്നു റോഡ് ഷോ നടത്താന് തീരുമാനിച്ചത്. ഇതുപ്രകാരം വാഹനത്തില് കയറിനിന്ന ഇവര് അല്പ്പം കഴിഞ്ഞ് തനിക്ക് യാത്ര ചെയ്യാന് സ്കൂട്ടര് ലഭിക്കുമോയെന്ന് ചോദിക്കുകയും, ഇവര് പിന്നീട് സ്കൂട്ടറില് യാത്ര ചെയ്യുന്നത് പകര്ത്തുന്നതിനിടെയാണ് ഫോട്ടോഗ്രാഫര്ക്ക് മര്ദനമേറ്റത്.
കക്കോടി പൊക്കിരാത്ത് ബില്ഡിംഗ് മുന്നിലെത്തിയതോടെ പ്രശ്നങ്ങള് തുടങ്ങിയത്. പ്രകടനത്തിലുള്ളയാള് ദിനേശിനോട് തട്ടിക്കയറുകയായിരുന്നു. പിന്നാലെ മുഖത്ത് അടിച്ചു. ഇതേ തുടര്ന്ന് മറ്റുള്ളവരും അടിക്കാന് ശ്രമിച്ചപ്പോള് ചിലര് അത് ജന്മഭൂമി ഫോട്ടോഗ്രാഫറാണ് വിളിച്ച് പറയുകയും ചെയ്തു. ഇതിനെ കുറിച്ച് പരാതിപ്പെട്ടപ്പോള് സിപിഎം പ്രവര്ത്തകര് റാലിയില് കയറി കൂടിയോ എന്ന് പരിശോധിക്കുമെന്നായിരുന്നു പറഞ്ഞത്. ഇതോടെ മര്ദിച്ചയാളിന്റെ ഫോട്ടോ കാണിച്ചതോടെ മറ്റ് നേതാക്കള് ക്ഷമ പറയുകയായിരുന്നു. പരിപാടി ബഹിഷ്കരിക്കാനും ചില മാധ്യമപ്രവര്ത്തകര് ശ്രമിച്ചിരുന്നു. ഇതോടെ ജില്ലാ പ്രസിഡന്റ് തന്നെ ക്ഷമാപണം നടത്തി.
അതേസമയം കേന്ദ്ര മന്ത്രി സ്മൃതി ഇറാനിയുടെ റോഡ് ഷോയുടെ ഫോട്ടോ എടുക്കാനെത്തിയ ജന്മഭൂമി ഫോട്ടോഗ്രാഫര് എം.ആര്. ദിനേശ് കുമാറിന് നേരെ നടന്ന ആക്രമണത്തില് കേരള പത്രപ്രവര്ത്തക യൂണിയന് കോഴിക്കോട് ജില്ലാ കമ്മിറ്റി പ്രതിഷേധിച്ചു. റോഡ് ഷോയുടെ പടം എടുക്കുകയായിരുന്ന ദിനേശിനെ ഒരു സംഘം പേര് യാതൊരു പ്രകോപനവുമില്ലാതെ അക്രമിക്കുകയായിരുന്നു. കണ്ണിന് പരുക്കേറ്റ ദിനേശിനെ സ്വകാര്യ ആശുപത്രിയില് ചികിത്സ തേടിയിരിക്കുകയാണ്.
Recommended Video
കുറ്റക്കാര്ക്കെതിരെ കടുത്ത നടപടിയെടുക്കാന് തയ്യാറാകണമെന്ന് ആശുപത്രിയില് ദിനേശ് കുമാറിനെ സന്ദര്ശിക്കാനെത്തിയ സ്മൃതി ഇറാനിയോട് പത്രപ്രവര്ത്തക യൂണിയന് ജില്ലാ പ്രസിഡന്റ് എം. ഫിറോസ് ഖാനും സെക്രട്ടറി പിഎസ് രാകേഷും ആവശ്യപ്പെട്ടു. തൊഴിലിനിടയില് മാധ്യമ പ്രവര്ത്തകരെ അക്രമിക്കുന്നത് അത്യന്തം അപലപനീയമാണെന്നും യൂണിയന് നേതാക്കള് പറഞ്ഞു. ദിനേശ് കുമാറിനെ ആക്രമിച്ചവരില് പാര്ട്ടി പ്രവര്ത്തകരുണ്ടെങ്കില് അവര്ക്കെതിരെ കര്ശന നടപടിയെടുക്കുമെന്ന് കേന്ദ്ര മന്ത്രി ഉറപ്പ് നല്കി. ദിനേശിന് മികച്ച ചികിത്സ ലഭിക്കാനുള്ള ഏര്പ്പാടുകള് ചെയ്യുമെന്നും അവര് പറഞ്ഞു.
-
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google