മാസ്ക് ധരിക്കാനോ ഞാനോ, പോലീസിനെയും നാട്ടുകാരെയും വട്ടംകറക്കി അസം സ്വദേശി, സംഭവിച്ചത്!!
നരിക്കുനി: കോവിഡ് കാലത്ത് ഏറ്റവുമധികം കേള്ക്കുന്ന കാര്യമായിരിക്കും മാസ്ക് ധരിക്കണമെന്നത്. പാലിക്കുന്നവരാണ് ഏറെയും. എന്നാല് നരിക്കുനിയില് രസകരമായതും എന്നാല് ഗൗരവം അര്ഹിക്കുന്നതുമായ ഒരു സംഭവം നടന്നിരിക്കുകയാണ്. മാസ്ക് ഇടാതെ എത്തിയ അതിഥി തൊഴിലാളി കാരണം നട്ടം തിരിഞ്ഞിരിക്കുകയാണ് പോലീസും നാട്ടുകാരും. അംജദ് എന്ന അസം സ്വദേശിയാണ് പ്രശ്നങ്ങള് ഉണ്ടാക്കിയത്.
അംജദ് രാവിലെ പത്തരയോടെ എസ്ബിഐക്ക് സമീപത്ത് എത്തിയതോടെയാണ് പ്രശ്നങ്ങള് ആരംഭിച്ചത്. ഇയാളോട് അവടെ കൂടിയിരുന്നവര് മുഖം മറയ്ക്കാന് ആവശ്യപ്പെട്ടെങ്കിലും അതൊന്നും നടക്കില്ലെന്നായിരുന്നു മറുപടി. എന്നാല് അവിടെ നിന്ന് പോകാനും അംജദ് തയ്യാറായില്ല. ഇതോടെ നാട്ടുകാര്ക്ക് പോലീസിനെയും ആരോഗ്യ പ്രവര്ത്തകരെയും വിവരം അറിയിക്കുകയായിരുന്നു. എന്നാല് പോലീസ് വന്നിട്ടും ഇയാള് കുലുക്കമില്ലായിരുന്നു. പോലീസ് മാസ്ക് നല്കിയിട്ട് ഇയാള് വാങ്ങാന് പോലും തയ്യാറായില്ല.
Recommended Video
മാസ്ക് എന്തുവന്നാലും ധരിക്കില്ലെന്ന വാശിയിലായിരുന്നു അംജദെന്ന് നാട്ടുകാര് പറഞ്ഞു. ഇതുവരെ താന് മാസ്ക് വച്ചിട്ടില്ല, ഇനിയൊട്ട് ഉപയോഗിക്കാനും പോകുന്നില്ലെന്നായിരുന്നു ഇയാളുടെ മറുപടി. പോലീസ് പല തവണ പറഞ്ഞിട്ടും കേള്ക്കാന് പോലും തയ്യാറായില്ല. ഇയാള് ചളിക്കോട് ഭാഗത്താണ് താമസിക്കുന്നതെന്ന് പോലീസ് പറഞ്ഞു. ഇയാള് താമസിക്കുന്ന കെട്ടിട ഉടമ എത്തി മാസ്ക് ധരിക്കാന് പറഞ്ഞിട്ടും കേട്ടില്ലെന്ന ഭാവത്തിലായിരുന്നു അംജദ് ഖാന്.
പിന്നീട് നടന്നതാണ് ഏറ്റവും രസകരം. നാല് മണിക്കൂറോളമാണ് മാസ്കിന്റെ ആവശ്യകതയെ കുറിച്ച് ഇയാളെ ബോധവത്കരിച്ചത്. പക്ഷേ അതുകൊണ്ടൊന്നും ശ്രമം വിജയിച്ചില്ല. മാസ്ക് ധരിക്കാത്തത് കൊണ്ട് അംജദിനെ ജോലിക്ക് കൊണ്ടുപോയിരുന്നയാള് ഇപ്പോള് ഒപ്പം കൂട്ടാറുമില്ല. ഇതിനിടയില് സര്ക്കാരിന്റെ കോവിഡ് സെല്ലിലേക്ക് മാറ്റാനായി ആംബുലന്സ് വിളിച്ചെങ്കിലും ലഭിച്ചില്ല. ഇയാളെ മാസ്ക് ധരിപ്പിക്കാനുള്ള എല്ലാ ശ്രമങ്ങളും പരാജയപ്പെട്ടതോടെ മുറിയിലേക്ക് മടങ്ങാനാണ് പോലീസ് ആവശ്യപ്പെട്ടത്. കെട്ടിട ഉടമയോട് പിന്തുടരാനും ആവശ്യപ്പെട്ടു. ശ്രമം വിജയിക്കാത്തതിന്റെ നിരാശയിലാണ് പോലീസും ആരോഗ്യ പ്രവര്ത്തകരും മടങ്ങിയത്.
-
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം
Click it and Unblock the Notifications
Sign in with Google