കോഴിക്കോട് ഷിഗെല്ല രോഗം നിയന്ത്രണത്തിലെന്ന് ഡിഎംഒ, സൂക്ഷിക്കണമെന്ന് ആരോഗ്യ മന്ത്രി!!
കോഴിക്കോട്: കോര്പ്പറേഷന് പ്രദേശത്ത് കണ്ടെത്തിയ ഷിഗെല്ല രോഗം മികച്ച പ്രതിരോധ നടപടികളിലൂടെ നിയന്ത്രണത്തിലാക്കിയതായി ജില്ലാ മെഡിക്കല് ഓഫീസര് അറിയിച്ചു. രോഗം റിപ്പോര്ട്ടു ചെയ്ത ഉടന് തന്നെ ആരോഗ്യവകുപ്പ് പ്രതിരോധ പ്രവര്ത്തനങ്ങള് ശക്തമാക്കി. ജില്ലാ മെഡിക്കല് ഓഫീസര്, ജില്ലാ സര്വ്വൈലന്സ് സംഘം എന്നിവര് സ്ഥലം സന്ദര്ശിച്ച് ആവശ്യമായ പ്രതിരോധ നടപടികള് കൈകൊളളുകയും, കിണറുകളില് സൂപ്പര് ക്ലോറിനേഷന്, മെഡിക്കല് ക്യാമ്പ്, ആക്ടീവ് കേസ് സെര്ച്ച്, ബോധവല്ക്കരണ പ്രവര്ത്തനങ്ങള് എന്നിവ നടത്തുകയും ചെയ്തു.
പ്രധാനമായും മലിനജലത്തിലൂടെയും, കേടായ ഭക്ഷണത്തിലൂടെയും പകരുന്ന രോഗം വയറിളക്കം, പനി, വയറുവേദന, ഛര്ദ്ദി, ക്ഷീണം, രക്തം കലര്ന്ന മലം എന്നീ ലക്ഷണങ്ങള് കാണിക്കുകയും, ഗുരുതരാവസ്ഥയില് മരണം സംഭവിക്കുന്നതുമാണ്. ഷിഗെല്ല ബാക്ടീരിയയാണ് രോഗകാരി. അതേസമയം സംസ്ഥാനത്ത് ഷിഗല്ല ബാക്ടീരിയയുടെ സാന്നിധ്യം ഉണ്ടായതിനാല് ജനങ്ങള് അതീവ ശ്രദ്ധ പുലര്ത്തണമെന്നാണ് ആരോഗ്യ മന്ത്രി കെകെ ശൈലജ നിര്ദേശിച്ചത്. കൈകള് സോപ്പിട്ട് കഴുകുക, വെള്ളം നന്നായി തിളപ്പിച്ച ശേഷം മാത്രം ഉപയോഗിക്കുക എന്നിവയാണ് ആരോഗ്യ മന്ത്രി നിര്ദേശിച്ചിരിക്കുന്നത്.
ഷിഗല്ല സ്ഥീരീകരിച്ച ഉടനെ തന്നെ ആരോഗ്യ വകുപ്പ് ഇടപെട്ടിരുന്നു. മെഡിക്കല് ക്യാമ്പ് നടത്തുകയും, പ്രദേശത്തെ ജനങ്ങളെ ബോധവത്കരിക്കുകയും ചെയ്തിരുന്നു. കിണറുകളെല്ലാം സൂപ്പര് ക്ലോറിനേഷന് ചെയ്തു. ആരോഗ്യ വകുപ്പ് നല്കുന്ന എല്ലാ നിര്ദേശങ്ങളും കൃത്യമായി പാലിക്കണമെന്നും മന്ത്രി ആവശ്യപ്പെട്ടു. മുന്വര്ഷങ്ങളില് പലപ്പോഴും ചില പ്രദേശങ്ങളില് ഷിഗല്ലയുടെ സാന്നിധ്യം ഉണ്ടായിട്ടുണ്ട്. വെള്ളത്തിലൂടെയാണ് ഈ ബാക്ടീരിയ മനുഷ്യരിലേക്ക് എത്തിച്ചേരുന്നത്. ഷിഗല്ല ബാധിച്ചയാളുടെ വിസര്ജ്യത്തില് നിന്ന് ഈ ബാക്ടീരിയ വെള്ളത്തില് കലരാന് ഇടയായാല് ആ വെള്ളം തിളപ്പിച്ച് ഉപയോഗിക്കാതിരുന്നാലും മറ്റുള്ളവരിലേക്ക് ബാക്ടീരിയ എത്തുമെന്നും ശൈലജ പറഞ്ഞു.
Click it and Unblock the Notifications
Sign in with Google