പോളിംഗ് സ്റ്റേഷന്റെ നൂറ് മീറ്റര് പരിധിക്കുള്ളില് പ്രചാരണം ഇങ്ങനെ മാത്രം, ലംഘിച്ചാല് നടപടി
കോഴിക്കോട്: പൊതുസ്ഥലങ്ങളും മുതലുകളും തെരഞ്ഞെടുപ്പ് പ്രചാരണത്തിനായി ഉപയോഗിക്കരുതെന്ന് തെരഞ്ഞെടുപ്പ് പൊതു നിരീക്ഷകന് കേശവ് കുമാര് പഥക്. കലക്ടറേറ്റ് കോണ്ഫറന്സ് ഹാളില് നടന്ന രാഷ്ട്രീയ പാര്ട്ടി പ്രതിനിധികളുടെ യോഗത്തില് സംസാരിക്കുകയായിരുന്നു അദ്ദേഹം. പോളിങ് സ്റ്റേഷന്റെ 100 മീറ്റര് പരിധിക്കുള്ളില് പ്രചാരണ പോസ്റ്ററുകള്, ചുവരെഴുത്തുകള് പാടില്ല. ചട്ടം ലംഘിക്കുന്നവര്ക്കെതിരേ കര്ശന നിയമനടപടി സ്വീകരിക്കുമെന്ന് അദേഹം പറഞ്ഞു.
പ്രചാരണപരിപാടികളില് കോവിഡ് മാനദണ്ഡങ്ങള് നിര്ബന്ധമായും പാലിക്കണമെന്ന് കലക്ടര് എസ് സാംബശിവ റാവു പറഞ്ഞു. യോഗ കേന്ദ്രങ്ങളില് ഇരിപ്പിടങ്ങള് സാമൂഹിക അകലം പാലിച്ച് ക്രമീകരിക്കണം. യോഗങ്ങള് അനുവദിക്കപ്പെട്ട സ്ഥലങ്ങളില് തന്നെ നടത്തണം. റോഡുകള് ഇതിനായി ഉപയോഗിക്കുരുത്. 1845 പോളിങ് സ്റ്റേഷനുകളില് വെബ് കാസ്റ്റിങ്ങും 209 പോളിങ് സ്റ്റേഷനുകളില് വീഡിയോഗ്രാഫി സൗകര്യവും ഏര്പ്പടുത്തും. തപാല് വോട്ടു സംവിധാനം സുതാര്യമായി ചെയ്യാനുള്ള നടപടികള് സ്വീകരിക്കും.
പ്രത്യേക തപാല് വോട്ടിന് അര്ഹരായവര്ക്ക് എപ്പോള് വോട്ട് ചെയ്യാമെന്ന് എസ്എംഎസ് വഴി സന്ദേശം അയക്കും. ഓരോ മണ്ഡലങ്ങളിലും 30 സ്പെഷല് ടീമുകള് വീതം പോസ്റ്റല് ബാലറ്റ് പ്രവര്ത്തനങ്ങള് ഏകോപിക്കുമെന്ന് കലക്ടര് പറഞ്ഞു. അതേസമയം
നിയമസഭാ തെരഞ്ഞെടുപ്പും മലപ്പുറം ലോക്സഭാ മണ്ഡലത്തിലേക്കുള്ള ഉപതെരഞ്ഞെടുപ്പും നടക്കുന്ന ഏപ്രില് ആറിന് സംസ്ഥാനത്തെ സര്ക്കാര് ഓഫീസുകള് ഉള്പ്പെടെയുള്ള എല്ലാ സ്ഥാപനങ്ങള്ക്കും വിദ്യാഭ്യാസ സ്ഥാപനങ്ങള്ക്കും പൊതു അവധി പ്രഖ്യാപിച്ച് പൊതുഭരണ വകുപ്പ് ഉത്തരവായി.
സംസ്ഥാനത്തെ വാണിജ്യ സ്ഥാപനങ്ങള്ക്ക് ശമ്പളത്തോടു കൂടിയ അവധിയായിരിക്കും ഉണ്ടാവുക. സ്വകാര്യ സ്ഥാപനങ്ങളിലെ ജീവനക്കാര്ക്ക് വോട്ടെടുപ്പ് ദിവസം ശമ്പളത്തോടു കൂടിയ അവധി ലഭ്യമാക്കാന് ലേബര് കമ്മീഷണര് ആവശ്യമായ നടപടി സ്വീകരിക്കണമെന്നും ഉത്തരവില് വ്യക്തമാക്കിയിട്ടുണ്ട്. കൂടാതെ വോട്ടര് പട്ടികയില് പേരു വന്നിട്ടുള്ളതും എന്നാല് ആ ജില്ലയ്ക്ക് പുറത്ത് ജോലി ചെയ്യുന്ന ഇതര വിഭാഗം ജീവനക്കാര്ക്കും കാഷ്വല് ജീവനക്കാര്ക്കും വോട്ടെടുപ്പ് ദിവസം വേതനത്തോടു കൂടിയ അവധിയായിരിക്കും.
Click it and Unblock the Notifications
Sign in with Google