ഹരിത നേതാകളെ അധിക്ഷേപിച്ച കേസ്; എംഎസ്എഫ് സംസ്ഥാന പ്രസിഡന്റ് നവാസിനെതിരെ കുറ്റപത്രം
കോഴിക്കോട്: എംഎസ്എഫ് ഹരിത നേതാക്കള്ക്ക് നേരെ ലൈംഗിക അധിക്ഷേപം നടത്തിയെന്ന പരാതിയില് എംഎസ്എഫ് സംസ്ഥാന പ്രസിഡന്റ് പികെ നവാസ് കുറ്റക്കാരനാണെന്ന് പൊലീസ്. പരാതി അന്വേഷിച്ച പൊലീസ് കുറ്റപത്രം സമര്പ്പിച്ചു. കോഴിക്കോട് വെള്ളയില് പൊലീസാണ് നവാസിനെതിരെ കുറ്റപത്രം സമര്പ്പിച്ചത്. സ്ത്രീകള്ക്ക് നേരെ ലൈംഗികാരോപണം ഉന്നയിക്കുക, സ്ത്രീത്വത്തെ അപമാനിക്കുക എന്നീ വകു്പപുകളാണ് നവാസിനു നേരെ ചുമത്തിയിരിക്കുന്നത്. അതേസമയം എംഎസ്എഫ് മലപ്പുറം ജില്ലാ ജനറല് സെക്രട്ടറി അബ്ദുല് വഹാബിനെ കുറ്റപത്രത്തില് നിന്ന് ഒഴിവാക്കിയിട്ടുണ്ട്. നവാസിനൊപ്പം അബ്ദുല് വഹാബിനെതിരെയും വനിതാ നേതാക്കള് പരാതിയില് ആരോപണം ഉന്നയിച്ചിരുന്നു. എന്നാല് കുറ്റപത്രത്തില് ഇയാളുടെ പേരില്ല.കഴിഞ്ഞ ദിവസമാണ് ജെഎഫ്സിഎം കോടതിയില് പൊലീസ് കുറ്റപത്രം സമര്പ്പിച്ചത്. ആകെ 18 സാക്ഷികളാണ് കേസിലുള്ളത്.
എംഎസ്എഫ് സംസ്ഥാന നേതൃത്വത്തിനെതിരെ ഗുരുതര ആരോപണങ്ങളാണ് മുന് ഹരിതാ നേതാക്കള് ഉയര്ത്തിയത്. വനിതാ കമ്മീഷന് മുന്നിലും നേതാക്കള് പരാതി നല്കിയിരുന്നു. വനിതാ കമ്മീഷന് കോഴിക്കോട് സിറ്റി പൊലീസ് കമ്മീഷണര്ക്ക് പരാതി കൈമാറുകയും തുടര്ന്ന് സ്പെഷ്യല് ബ്രാഞ്ച് അന്വേഷണം നടത്തുകയും റിപ്പോര്ട്ട് പൊലീസിന് കൈമാറുകയും ചെയ്തു. ഈ റിപ്പോര്ട്ടിന്റെ അടിസ്ഥാനത്തിലാണ് വെള്ളയില് പൊലീസ് കേസ് എടുത്ത് അന്വേഷണമാരംഭിച്ചത്.
ജൂണ് 22ന് കോഴിക്കോട്ട് എംഎസ്എഫ് സംസ്ഥാന സമിതി യോഗത്തിനിടെയാണ് കേസിന് ആസ്പദമായ സംഭവം. ഹരിതയിലെ സംഘടനാ പ്രശ്നങ്ങള് ചര്ച്ച ചെയ്യുന്ന ഘട്ടത്തില് ഹരിത നേതാക്കളുടെ അഭിപ്രായം തേടിയ എംഎസ്എഫ് സംസ്ഥാന പ്രസിഡന്റ് വേശ്യയ്ക്കും വേശ്യയുടെ അഭിപ്രായം കാണും എന്ന് പരാമര്ശിച്ചതായാണ് ഹരിത നേതാക്കള് നല്കിയ പരാതിയില് പറയുന്നത്.
ഇതിന് സമാനമായ രീതിയിലായിരുന്നു അബ്ദുള് വഹാബിന്റെയും പ്രതികരണം. എംഎസ്എഫില് പ്രവര്ത്തിക്കുന്ന പെണ്കുട്ടികളെ ലൈംഗീക ചുവയോടെ ചിത്രീകരിക്കുകയും ദുരാരോപണങ്ങള് ഉന്നയിച്ച് മാനസികമായും സംഘടനാ പരമായും തകര്ക്കാന് ശ്രമിക്കുകയാണെന്നും വനിതാ കമ്മീഷന് നല്കിയ പരാതിയില് ഹരിതാ നേതാക്കള് ആരോപിച്ചിരുന്നു.
ഹരിതക്കെതികരെ ആക്ഷേപമുന്നയിച്ച എംഎസ്എഫ് സംസ്ഥാന നേതൃത്വത്തിനു നേരെ നടപടിയെടുക്കണമെന്ന് എംഎസ്എഫ് ദേശീയ നേതൃത്വം ആവശ്യപ്പെട്ടിരുന്നതായി നേരത്തെ വാര്ത്തകള് വന്നിരുന്നു. മുസ്ലിം ലീഗ് നേതൃത്വത്തിനാണ് കത്ത് നല്കിയത് എന്നാല് ഈ കത്ത് ലീഗ് നേതൃത്വം അഗണിച്ചതോടെയാണ് ഹരിത വനിതാ കമ്മീഷനെ സമീപിച്ചത്. എംഎസ് എഫ് സംസ്ഥാന നേതൃത്വത്തിനെതിരെ വനിത കമ്മീഷന് നല്കിയ പരാതി ഹരിത നേതാക്കള് പിന്വലിക്കാത്ത സാഹചര്യത്തില് ഹരിത സംസ്ഥാന സമിതിയുടെ പ്രവര്ത്തനം മുസ്ലീംലീഗ് മരവിപ്പിക്കുകയും ചെയ്തിരുന്നു. ഗുരുതര അച്ചടക്കലംഘനം ഹരിതയില് നിന്നുണ്ടായെന്ന് ആരോപിച്ചാണ് മുസ്ലീം ലീഗ് ഹരിതയുടെ പ്രവര്ത്തനം മരവിപ്പിച്ചത്. വനിതാ കമ്മീഷന് നല്കിയ പരാതി പിന്വലിക്കാനുളള അന്ത്യശാസനവും ഹരിത നേതാക്കള് അവഗണിച്ചതോടെയാണ് കടുത്ത നടപടിയെന്ന തീരുമാനത്തിലേക്ക് ലീഗ് നേതാക്കള് എത്തിയത്. എന്നാല് വനിതാ കമ്മീഷന് നല്കിയ പരാതി ഒരിക്കലും പിന്വലിക്കില്ലെന്നായിരുന്നു ഹരിത പറഞ്ഞത്. ലൈംഗീക അധിക്ഷേപം നടത്തിയവര്ക്കെതിരെ നടപടിയില്ലാതെ ഒരു ഒത്തുതീര്പ്പിനുമില്ലെന്ന നിലപാടായിരുന്നു ഹരിത സ്വീകരിച്ചത്.
-
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം
Click it and Unblock the Notifications
Sign in with Google