വഴിയോര കച്ചവടത്തിന് അനുമതിയില്ല: മിഠായി തെരുവില് പൊലീസും വ്യാപാരികളും തമ്മില് സംഘര്ഷം
കോഴിക്കോട്: നിയന്ത്രണങ്ങളെ ചൊല്ലി മിഠായി തെരുവില് വ്യാപാരികളും പോലീസും തമ്മില് സംഘര്ഷം. കടകള് തുറക്കാന് അനുമതി നല്കിയിരുന്നെങ്കിലും വഴിയോര കച്ചവടങ്ങള് അനുവദിക്കില്ലെന്ന നിലപാടായിരുന്നു പോലീസിന്റേത്. ഇത് സംബന്ധിച്ച് ഇന്നലെ തന്നെ വ്യാപാരികളും പോലീസും തമ്മിലും തര്ക്കം നിലനിന്നിരുന്നു. ഇന്ന് വഴിയോര കച്ചവടക്കാരെ ഒഴിപ്പിക്കാന് പൊലീസ് എത്തിയപ്പോള് കച്ചവടക്കാര് എതിര്ത്തു. തുടര്ന്നുണ്ടായ വാക്കേറ്റം ഉന്തിലും തള്ളിലേക്കും എത്തുകയായിരുന്നു.
സിഐടിയു, ഐഎന്ടിയുസി, എസ്ടിയു തുടങ്ങിയ തൊഴിലാളി സംഘടനകളുടെ നേതൃത്വത്തിലാണ് കച്ചവടക്കാര് പൊലിസീനെതിരെ രംഗത്ത് എത്തിയത്. മിഠായി തെരുവില് കോര്പ്പറേഷന് അനുമതി നല്കിയ 101 തെരുവ് കച്ചവടക്കാരാണ് ഉള്ളത്. അവര് കച്ചവടത്തിന് ഇറങ്ങുമെന്നാണ് തൊഴിലാളി സംഘടനകള് വ്യക്തമാക്കിയത്. റിക്കവറി വാഹനം കൊണ്ട് വന്ന് വഴിയോര കച്ചവടം ഒഴിപ്പിക്കാനുള്ള പൊലീസ് ശ്രമത്തെ കച്ചവടക്കാര് സംഘടിച്ച് എതിര്ത്തു.
സാരിയും ചന്ദനക്കുറിയുമായി അനുശ്രീയുടെ ഫോട്ടോഷൂട്ട്; ചിത്രങ്ങള് സോഷ്യല് മീഡിയയില് വൈറല്
എന്നാല് വഴിയോര കച്ചവടം അനുവദിക്കുന്നത് ആളുകള് നിരത്തില് കൂടുന്നതിന് കാരണമാവും. വിലക്ക് ലംഘിച്ച് കച്ചവടം നടത്തിയാല് നടപടി ഉണ്ടാവുമെന്നാണ് പൊലീസ് അറിയിച്ചത്. മിഠായി തെരുവിന് പുറത്ത് നഗരത്തില് പലയിടത്തും തെരുവ് കച്ചവടം നടക്കുന്നുണ്ട്. അവിടെയൊന്നും കച്ചവടം തടസ്സപ്പെടുത്തുന്നില്ല. കടകള് കൂടി തുറക്കുന്ന സാഹചര്യത്തില് വഴിയോര കച്ചവടം തുടങ്ങിയാല് അത് ആള്ക്കൂട്ടത്തിന് ഇടയാക്കും. പലപ്പോഴും ആളുകളെ നിയന്ത്രിക്കാന് കഴിയാതെ വരുന്ന സാഹചര്യമുണ്ടെന്നും പൊലീസ് വ്യക്തമാക്കുന്നു.
ബസില് യാത്രാ ചിത്രങ്ങളുമായി കുടുംബ വിളക്ക് താരം ആതിര മാധവ്, എങ്ങോട്ടാണെന്ന് ആരാധകര്
Recommended Video