മലപ്പുറത്ത് കൊവിഡ് ടിപിആറില് വന് വര്ധന; ജാഗ്രതാ നിര്ദേശവുമായി ആരോഗ്യ വകുപ്പ്
മലപ്പുറം: ജില്ലയില് കൊവിഡ് ടിപിആറില് വന് വര്ധന. 21 ശതമാനത്തിന് മുകളിലാണ് ഇന്നത്തെ നിരക്ക്. ഇത്രയും കൂടിയ നിരക്ക് അടുത്തൊന്നും ജില്ലയില് റിപ്പോര്ട്ട് ചെയ്തിട്ടില്ല. 3600ലധികം പേര്ക്ക് കൊവിഡ് ഇന്ന് സ്ഥിരീകരിച്ചു. 30000ത്തിലധികം പേരാണ് ജില്ലയില് ചികില്സയില് കഴിയുന്നത്. 21.82 ശതമാനമാണ് ടെസ്റ്റ് പോസിറ്റീവിറ്റി നിരക്ക് രേഖപ്പെടുത്തിയതെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു.
3,603 പേര്ക്കാണ് കോവിഡ് 19 സ്ഥിരീകരിച്ചത്. 2,762 പേര്ക്ക് രോഗം ഭേദമായി. നേരിട്ടുള്ള സമ്പര്ക്കം വഴി 3,546 പേര്ക്കാണ് രോഗബാധയുണ്ടായത്. 49 പേര്ക്ക് വൈറസ് ബാധയുണ്ടായതിന്റെ ഉറവിടം കണ്ടെത്താനായിട്ടില്ല. 67,148 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 30,263 പേര് ചികിത്സയിലാണ്. ഇതുവരെ 1,700 പേരാണ് കോവിഡ് ബാധിതരായി മരിച്ചത്. ജില്ലയില് കോവിഡ് 19 വ്യാപന സാധ്യത സജീവമായി നിലനില്ക്കുകയാണെന്ന് ജില്ലാ മെഡിക്കല് ഓഫീസര് പറഞ്ഞു. ആരോഗ്യ ജാഗ്രതാ നിര്ദേശങ്ങള് ഒരു കാരണവശാലും ലംഘിക്കരുത്. ജനങ്ങള് പൂര്ണ്ണമായും സഹകരിക്കണമെന്ന് ജില്ലാ മെഡിക്കല് ഓഫീസര് അഭ്യര്ഥിച്ചു.
മുതിര്ന്ന പൗരന്മാര്, കുട്ടികള്, നിത്യ രോഗികള്, ഗര്ഭിണികള് തുടങ്ങിയവരെ പുറത്തുനിന്നുള്ളവര് നേരിട്ടു സന്ദര്ശിക്കരുത്. രോഗ ലക്ഷണങ്ങള് ഉണ്ടെങ്കില് അത് മറച്ചുവെയ്ക്കാതെ പരിശോധനക്ക് വിധേയരാകണമെന്നും മെഡിക്കല് ഓഫീസര് പറഞ്ഞു. അതേസമയം, കേരളത്തില് ഇന്ന് 21,119 പേര്ക്ക് കോവിഡ്-19 സ്ഥിരീകരിച്ചു. എറണാകുളം 2539, കോഴിക്കോട് 2335, തൃശൂര് 2231, പാലക്കാട് 1841, കൊല്ലം 1637, കോട്ടയം 1245, ആലപ്പുഴ 1230, കണ്ണൂര് 1091, തിരുവനന്തപുരം 1040, വയനാട് 723, പത്തനംതിട്ട 686, കാസര്ഗോഡ് 536, ഇടുക്കി 382 എന്നിങ്ങനേയാണ് ജില്ലകള് തിരിച്ചുള്ള കണക്ക്.
കിടുക്കാച്ചി ലുക്കില് ആരാധകരെ ഞെട്ടിച്ച് മഞ്ജുവാര്യര്; ഇപ്പോള് എത്ര പ്രായം തോന്നും?
സംസ്ഥാനത്തിന് 5,11,080 ഡോസ് വാക്സിന് കൂടി ലഭിച്ചു. 2,91,080 ഡോസ് കോവിഷീല്ഡ് വാക്സിനും 2,20,000 ഡോസ് കോവാക്സിനുമാണ് എത്തിയതെന്ന് ആരോഗ്യ മന്ത്രി വീണ ജോര്ജ് അറിയിച്ചു. ഇന്ന് 95,308 പേര്ക്കാണ് വാക്സിന് നല്കിയത്. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,21,94,304 പേര്ക്കാണ് വാക്സിന് നല്കിയത്. കേരളത്തിലെ 2021-ലെ എസ്റ്റിമേറ്റ് ജനസംഖ്യ അനുസരിച്ച് 44.88 ശതമാനം പേര്ക്ക് ഒന്നാം ഡോസും 18.35 ശതമാനം പേര്ക്ക് രണ്ടാം ഡോസ് വാക്സിന് നല്കി.
Click it and Unblock the Notifications
Sign in with Google