സ്വാതന്ത്ര്യ ദിനത്തില് സവര്ക്കറുടെ വേഷം; പ്രധാന അധ്യാപികയെ എംഎസ്എഫ് പൂട്ടിയിട്ടു
മലപ്പുറം: സ്വാതന്ത്ര്യ ദിന ഘോഷയാത്രയിൽ സവർക്കറെ തിരുകിക്കയറ്റിയെന്ന് ആരോപിച്ച് എംഎസ്എഫ് പ്രതിഷേധം. പ്രധാന അധ്യാപികയെയും അധ്യാപകരേയും ഓഫീസിൽ പൂട്ടിയിട്ടു . പോലീസെത്തി പ്രവര്ത്തകരെ അറസ്റ്റ് ചെയ്ത് നീക്കിയതിന് ശേഷമാണ് അധ്യാപകരെ മോചിപ്പിച്ചത്.
കഴിഞ്ഞ ദിവസം മലപ്പുറം കീഴുപറമ്പ് ഗവൺമെന്റ് വൊക്കേഷണൽ ഹയർ സെക്കണ്ടറി (ജി വി എച്ച് എസ്) സ്കൂളില് നടന്ന കുട്ടികളുടെ സ്വാതന്ത്ര്യ ദിന ഘോഷയാത്രയുമായി ബന്ധപ്പെട്ടാണ് വിവാദം ഉയര്ന്നത്. റാലിയിൽ പങ്കെടുക്കാനുള്ള സ്വാതന്ത്ര്യ സമര സേനാനികളിൽ ഒരാളുടെ വേഷം ധരിച്ച ഒരു കുട്ടിയുടെ വേഷത്തിന് മുകളില് വിഡി സവര്ക്കര് എന്ന് പേര് എഴുതിയിരുന്നു.
ഇതിന്റെ ഫോട്ടോ സമൂഹ മാധ്യമങ്ങളില് പ്രചരിച്ചതോടെയാണ് വിവാദം ആരംഭിച്ചത്. ഗ്രീന് റൂമില് നിന്നെടുത്ത ഫോട്ടോയാണിതെന്നാണ് വിവരം. എന്നാല് വിവാദമാകുമെന്ന് മനസിലാക്കിയ അധ്യാപകർ ഘോഷയാത്രയ്ക്ക് മുമ്പ് തന്നെ പേര് എഴുതിയ കടലാസ് ചില മാറ്റിയിരുന്നു. സംഭവത്തില് വലിയ പ്രതിഷേധമാണ് ഉയര്ന്നത്.
യൂത്ത് ലീഗിന്റെയും യൂത്ത് കോൺഗ്രസിന്റെയും പ്രവർത്തകർ സ്കൂളിലേക്ക് കഴിഞ്ഞ ദിവസം മാർച്ച് നടത്തിയിരുന്നു. . ഘോഷയാത്രയിൽ അവതരിപ്പിക്കാൻ തയ്യാറാക്കിയ സ്വാതന്ത്ര്യ സമര സേനാനികളുടെ പട്ടികയിൽ വിഡി സവർക്കറുടെ പേരുണ്ടായിരുന്നില്ലെന്നാണ് സ്കൂൾ അധികൃതർ പറയുന്നത്. ഗ്രീൻ റൂമിൽ വെച്ച് ഈ സംഭവം ശ്രദ്ധയിൽ പെട്ട ഉടൻ തന്നെ കാർഡ് അഴിച്ചുമാറ്റിയിരുന്നെന്നാണ് അധ്യാപകരുടെ വിശദീകരണം.
അതേസമയം ഘോഷയാത്രയുടെ ചുമതലയുണ്ടായിരുന്ന അധ്യാപകരോട് സംഭവത്തിൽ വിശദീകരണം തേടിയിട്ടുണ്ടെന്ന് സ്കൂള് അധികൃതര് വ്യക്തമാക്കി. സ്വാതന്ത്ര്യ ദിനത്തിന് സ്കൂൾ വിദ്യാർഥികളെ പങ്കെടുപ്പിച്ചാണ് ഘോഷയാത്ര നടത്തിയത്. 75 സ്വാതന്ത്ര്യ സമര സേനാനികളുടെ വേഷമായിരുന്നു റാലിയില് അവതരിപ്പിച്ചത്. നേരത്തെ തീരുമാനിച്ച വേഷങ്ങളായിരുന്നു ഇവ. ഇതിലേക്ക് മുൻകൂട്ടി തീരുമാനിക്കാതെ സവർക്കറുടെ വേഷം കൂടി തിരുകി കയറ്റിയെന്നാണ് ആരോപണം.
Click it and Unblock the Notifications
Sign in with Google