നവകേരള സദസ്; മലപ്പുറത്ത് ലഭിച്ചത് 81,354 പരാതികൾ, പരിഹാരമായത് വെറും 2375 എണ്ണത്തിൽ മാത്രം
മലപ്പുറം: നവകേരള സദസില് സംസ്ഥാനത്ത് ഏറ്റവുമധികം പരാതികള് കിട്ടിയ മലപ്പുറം ജില്ലയില് പരാതി പരിഹാര നടപടികളിൽ യാതൊരു പുരോഗതിയുമില്ലെന്ന് വ്യക്തമാക്കി കണക്കുകൾ. മലപ്പുറത്ത് നിന്ന് ലഭിച്ച 81,354 പരാതികളില് 2375 എണ്ണം മാത്രമാണ് ഒരു മാസം കൊണ്ട് പരിഹരിച്ചത്. 5134 പരാതികളില് നടപടി പൂര്ത്തിയായതായെന്നാണ് അധികൃതര് പറയുന്നത്.
നവംബർ 27 മുതല് മുപ്പത് വരെയായിരുന്നു നവകേരള സദസിന്റെ മലപ്പുറം ജില്ലയിലെ പര്യടനം നടന്നത്. എന്നാൽ ഒരു മാസം പിന്നിട്ടിട്ടും പരാതി പരിഹരിക്കുന്ന കാര്യത്തില് ഇഴച്ചിൽ തുടരുകയാണ്. പരാതി ലഭിച്ച് 45 ദിവസത്തിനകം തീര്പ്പാക്കും എന്നായിരുന്നു അധികൃതരുടെ ഉറപ്പ്. ഇത് പ്രകാരം മലപ്പുറം ജില്ലയിലെ പരാതികള് പൂര്ണമായും പരിഹരിക്കാന് ഇനി പതിനഞ്ച് ദിവസം മാത്രമേ ശേഷിക്കുന്നുള്ളൂ.
ആകെ കിട്ടിയ 81,354 പരാതികളില് 2375 പരാതികളാണ് ഒരു മാസം കൊണ്ട് പരിഹരിച്ചത്. നടപടി ക്രമങ്ങള് പൂര്ത്തിയായ 5134 പരാതികള് കൂടി ഇതിനോട് ചേർത്താൽ പോലും 7509 പരാതികള് മാത്രമേ പരിഹാരം കണ്ടവയുടെ കൂട്ടത്തിൽ ഉൾപ്പെടുത്താൻ കഴിയൂ. അപ്പോഴും ജില്ലയിലെ 90 ശതമാനം പരാതികളും പരിഹാരമില്ലാത്ത കിടക്കുകയാണ്.
73,584 പരാതികളാണ് പതിനഞ്ച് ദിവസം കൊണ്ട് പരിഹരിക്കേണ്ടത്. യുദ്ധകാല അടിസ്ഥാനത്തിൽ പ്രവർത്തിച്ചാലും ഇത് എങ്ങനെ സാധ്യമാകുമെന്ന കാര്യത്തിൽ ഉദ്യോഗസ്ഥര്ക്കും ഉത്തരമില്ല. പരാതികളില് ഭൂരിഭാഗവും സംസ്ഥാന തലത്തില് തീരുമാനമെടുക്കേണ്ടവയാണ് എന്ന വെല്ലുവിളി കൂടിയുണ്ട്. തദ്ദേശ സ്വയംഭരണ വകുപ്പുമായി ബന്ധപ്പെട്ട പരാതികളാണ് മലപ്പുറത്ത് അധികവും.
29,876 പരാതികളാണ് തദ്ദേശ വകുപ്പുമായി ബന്ധപ്പെട്ട് ജില്ലയിൽ നിന്ന് ലഭിച്ചത്. റവന്യൂ വകുപ്പുമായി ബന്ധപ്പെട്ട് പതിമൂവായിരത്തോളം പരാതികൾ ലഭിച്ചു. നയപരമായി സര്ക്കാര് തീരുമാനമെടുക്കേണ്ട വിഷയങ്ങളിൽ ഉൾപ്പെടെ പരാതികള് കിട്ടിയിട്ടുണ്ടെന്നതാണ് മറ്റൊരു കാര്യം. സമയം പിന്നിടുന്ന സാഹചര്യത്തിൽ ഈ പരാതികളുടെയെല്ലാം തുടര്നടപടികള്ക്കായി നെട്ടോട്ടമോടുകയാണ് ജില്ലയിലെ ഉദ്യോഗസ്ഥര്.
അതേസമയം, നവകേരള സദസിൽ വെച്ച് മുഖ്യമന്ത്രി പിണറായി വിജയനെ കൊല്ലുമെന്ന് അജ്ഞാത വധഭീഷണി കഴിഞ്ഞ ദിവസം പുറത്തുവന്നിരുന്നു. എറണാകുളം എഡിഎമ്മിന്റെ ഓഫീസില് ആണ് മുഖ്യമന്ത്രിയെ വധിക്കുമെന്ന ഭീഷണിക്കത്ത് കഴിഞ്ഞ ദിവസം ലഭിച്ചത്. നവകേരള സദസിന്റെ വേദിയില് കുഴിബോംബ് വെച്ച് മുഖ്യമന്ത്രി പിണറായി വിജയനെ കൊലപ്പെടുത്തും എന്നായിരുന്നു കത്തില് പറഞ്ഞത്.
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ
Click it and Unblock the Notifications
Sign in with Google